Read New Revised Asante Twi Bible Nnwom 11 Bible Online

Nnwom 11 - New Revised Asante Twi Bible bible

Nnwom 11

¹Wɔde ma dwonkyerɛfoɔ, Dawid deɛ. AWURADE na medwane kɔtoa no, adɛn na mose me kra sɛ: Dwane sɛ anomaa kɔ mo mmepɔ so.

² Na hwɛ, abɔnefoɔ kuntunu wɔn tadua mu, wɔde wɔn mmɛmma asi homa so sɛ wɔde bɛto abɔ akoma mu tenefoɔ esum mu.

³Sɛ wɔsɛe nnyinasoɔ a, ɔteneneeni bɛyɛ dɛn?

⁴ AWURADE wɔ n’asɔrefie kronkron mu, AWURADE ahennwa wɔ soro, n’ani tua nnipa mma, na n’anisuatɛtɛ kari wɔn hwɛ.

⁵ AWURADE sɔ ɔteneneeni hwɛ, na ɔbɔnefoɔ ne deɛ ɔpɛ amim deɛ, ne kra tane no.

⁶ Ɔbɛma asraman aduru abɔnefoɔ, ogya ne sɔfe ne mframa a ɛderɛ ne wɔn kuruwa mu kyɛfa.

⁷ Na AWURADE yɛ ɔteneneeni, na ɔpɛ asɛntenenee, wɔn a wɔtene bɛhunu n’anim.