Read New Revised Asante Twi Bible Nnwom 111 Bible Online

Nnwom 111 - New Revised Asante Twi Bible bible

Nnwom 111

¹Monyi AWURADE ayɛ! Mede m’akoma nyinaa bɛkamfo AWURADE, ateneneefoɔ dwabɔ ne asafo mu.

² AWURADE nneyɛɛ yɛ akɛseɛ, wɔn a ɛyɛ wɔn fɛ nyinaa hwehwɛ akyiri kwan.

³N’adwuma yɛ anidie ne animuonyam, na ne tenenee gyina hɔ daa.

⁴Wama wɔakae n’anwanwadeɛ, ɔdomfoɔ ne mmɔborɔhunufoɔ ne AWURADE.

⁵ Ɔma wɔn a wɔsuro no didi mee, ɔkae n’apam daapem.

⁶Wayi ne nneyɛɛ tumi akyerɛ ne man de amanaman agyapadeɛ ama wɔn.

⁷Ne nsa ano nneyɛɛ yɛ nokorɛ ne atemmuo, n’ahyɛdeɛ nyinaa tim hɔ pintinn.

⁸Ɛtintim hɔ daa daa, wɔayɛ no nokorɛ ne tee mu.

⁹Wasoma ɔgyeɛ abrɛ ne man, wahyɛ n’apam de kɔsi daa, ne din yɛ kronkron, na ɛho yɛ hu.

¹⁰ Nyansa mfitiaseɛ ne AWURADE suro, ɛyɛ nhunumu pa ma wɔn a wɔdi soɔ nyinaa, n’ayeyie gyina hɔ daa.