Read New Revised Asante Twi Bible Nnwom 12 Bible Online

Nnwom 12 - New Revised Asante Twi Bible bible

Nnwom 12

¹Wɔde ma dwonkyerɛfoɔ sɛ wɔnto no “Seminit” sankuo nne so. Dawid dwom. O AWURADE, boa na ahotefoɔ rewie sa, na nokwafoɔ ase rehye nnipa mma mu.

²Obiara twa ne yɔnko nkontompo, ano fremfrem ne akoma nta na wɔde kasa.

³Ma AWURADE ntwa ano dɛfɛdɛfɛ nyinaa ne tɛkyerɛma a ɛka nsɛnkɛseɛ,

⁴ wɔn a wɔse: Yɛn tɛkyerɛma na yɛde di mmaninsɛm, yɛn ano wɔ hɔ, hwan na ɔbɛdi yɛn soɔ?

⁵Mmɔborɔfoɔ so hyɛ ne ahiafoɔ apinisie nti mɛsɔre afei, sɛ AWURADE seɛ ni, mɛgye deɛ ɔgu ahome repɛ nkwagyeɛ no nkwa.

⁶ AWURADE bɔhyɛ yɛ bɔhyɛ kronkron, te sɛ dwetɛ a wɔanane no ananeeɛ a asene fam a wɔayiyi mu mprɛnson.

⁷Ao, AWURADE, hwɛ yɛn so, na kora yɛn firi nnɛ mma yi mu daa.

⁸ Sɛ ahuhusɛm ahoran nnipa mma mu yi, abɔnefoɔ abu so nenam.