Read New Revised Asante Twi Bible Nnwom 132 Bible Online

Nnwom 132 - New Revised Asante Twi Bible bible

Nnwom 132

¹Ɔsoroforɔ dwom. AWURADE, kae Dawid brɛ nyinaa ma no,

² sɛdeɛ ɔkaa AWURADE ntam, na ɔhyɛɛ Yakob tumfoɔ no bɔ sɛ:

³Merenkɔ me fie ntomadan mu, meremforo me mpa so mpia mu,

⁴meremma m’anisuatɛtɛ rentɔ nko, nso merenna

⁵ kɔsi sɛ mɛnya baabi mama AWURADE, tenabea bi ama Yakob tumfoɔ no ansa.

⁶ Hwɛ, yɛkɔtee no Efrata, yɛkɔhunuu no kwaeɛ asase so.

⁷Momma yɛnkɔ ne tenabea, nkɔkoto ne nan ntiasoɔ anim ɛ.

⁸ AWURADE, sɔre kɔ wo home mu, wo ne wo tumi adaka no.

⁹Ma w’asɔfoɔ nhyɛ tenenee, na ma w’ahotefoɔ nni ahurisie.

¹⁰Ɛsiane w’akoa Dawid nti, nnane deɛ woasra no no ani.

¹¹ AWURADE aka Dawid ntam nokorɛ mu a ɔnnane ani: Mede wo yafumma mu bi matena w’adwa so mama wo.

¹²Sɛ wo mma di m’apam ne m’adanseɛ a mɛkyerɛkyerɛ wɔn no so a, wɔn mma nso bɛtena w’adwa so daa.

¹³ Na AWURADE ayi Sion, wapɛ hɔ de ayɛ ne tenabea.

¹⁴Yei ne me homebea daapem, ɛha na mɛtena, na mepɛ ha.

¹⁵Mede nhyira bɛhyira n’adidideɛ, mɛma n’ahiafoɔ aduane adi amee.

¹⁶Na mede nkwagyeɛ bɛhyɛ n’asɔfoɔ, na n’ahotefoɔ bɛto ahurisie dwom.

¹⁷ Ɛhɔ na mɛma abɛn afiri ama Dawid, masiesie kanea mama deɛ masra no no.

¹⁸Mɛhyɛ n’atamfo aniwuo, na ɔno deɛ, n’ahenkyɛ bɛhyerɛn n’atifi.