Read New Revised Asante Twi Bible Nnwom 148 Bible Online

Nnwom 148 - New Revised Asante Twi Bible bible

Nnwom 148

¹Monyi AWURADE ayɛ! Monyi AWURADE ayɛ mfiri soro, monyi no ayɛ sorosoro.

² N’abɔfoɔ nyinaa, monyi no ayɛ, n’asafo nyinaa, monyi no ayɛ.

³Owia ne ɔsrane, monyi no ayɛ, nsoromma a ɛhran nyinaa, monyi no ayɛ.

⁴Mo soro mu soro, monyi no ayɛ, ɛne mo asuasu a ɛwɔ ɔsoro soɔ.

⁵ Ma wɔnyi AWURADE din ayɛ, na ɔno na ɔhyɛeɛ na wɔbɔɔ wɔn;

⁶na ɔde wɔn tintim hɔ daa daa, wahyɛ ahyɛdeɛ a obi ntra.

⁷Monyi AWURADE ayɛ mfiri asase so, nsuboa ahodoɔ ne abunu nyinaa;

⁸ogya ne asukɔtweaa, sukyerɛmma ne huruhuro, ahum a ɛyɛ deɛ n’asɛm seɛ:

⁹Mmepɔ ne nkokoɔ nyinaa, nnua a ɛsoɔ ne ntweneduro nyinaa,

¹⁰wiram mmoa ne afieboa nyinaa, mmoa a wɔwea ne ntakraboa.

¹¹Asase so ahemfo ne aman nyinaa, atitire ne asase so atemmufoɔ nyinaa,

¹²mmeranteɛ ne mmabaa nso, mpanin ne mmɔfra:

¹³Wɔnyi AWURADE din ayɛ, sɛ ne din nko na ɛso; n’animuonyam tra asase ne ɔsoro so.

¹⁴ Na wama abɛn so ama ne man, ama n’ahotefoɔ nyinaa ayeyie, ama Israel mma, ɔman a wɔbɛn no no. Monyi AWURADE ayɛ!