Read New Revised Asante Twi Bible Nnwom 23 Bible Online

Nnwom 23 - New Revised Asante Twi Bible bible

Nnwom 23

¹Dawid dwom. AWURADE ne me hwɛfoɔ, hwee renhia me.

² Ɔma meda adidibea a ɛhɔ wira yɛ frɔmfrɔm, ɔgya me kɔ nsuo a ɛho dwoɔ ho.

³ Ɔdwodwo me kra, ɔde me fa akwantenenee so, ne din nti.

⁴ Sɛ mpo menam owuo sum kabii bɔn no mu a, mensuro bɔne biara, ɛfiri sɛ wo ne me na ɛwɔ hɔ, w’abaa ne wo poma na ɛkyekyere me werɛ.

⁵ Woto me pono, m’atamfoɔ anim, wode ngo fɔ me tirim, me kuruwa yɛ ma bu so.

⁶ Ampa ara yie ne adɔeɛ nko na ɛbɛdi m’akyiri me nkwa nna nyinaa, na mɛtena AWURADE fie daa.