Read New Revised Asante Twi Bible Nnwom 48 Bible Online

Nnwom 48 - New Revised Asante Twi Bible bible

Nnwom 48

¹Kora mma dwom. AWURADE yɛ kɛse, na wɔyi no ayɛ sɛ, yɛn Nyankopɔn kuro mu, ne bepɔ kronkron so.

² Tenabea a ɛyɛ fɛ, asase nyinaa anika, ɛne Sion bepɔ, atifi fam nkyɛn mu no, ɔhenkɛseɛ kuro no.

³Onyankopɔn ama wɔahu no kuro yi aban mu sɛ abankɛseɛ.

⁴ Na hwɛ, ahemfo bɛhyiae, wɔboom yuu bae.

⁵Wɔbɛhunui, wɔn ho dwirii wɔn, wɔbɔɔ hu, na wɔdwanee tonom.

⁶Nketenkete kutaa wɔn, yea kaa wɔn sɛ ɔbaa a ɔreko awoɔ.

⁷Wode apueeɛ mframa bobɔɔ Tarsis ahyɛn.

⁸Sɛ yɛteeɛ no, sɛ yɛhunuu no ne no, asafo AWURADE kuro mu, yɛn Nyankopɔn kurom, Onyankopɔn ma n’ase tim daa.

⁹Onyankopɔn, yɛkaee w’adɔeɛ w’asɔrefie hɔ.

¹⁰Onyankopɔn, sɛ wo din teɛ no, saa na w’ayeyie teɛ de kɔsi asase ano ano; tenenee ahyɛ wo nsa nifa ma.

¹¹Ma Sion bepɔ ani nnye, ma Yuda mmammaa nni ahurisie w’atemmuo nti.

¹²Momfa Sion ho ntwa ho kɔntɔnkrɔn, monkan n’abantenten,

¹³momfa mo ani nkari n’afasuo, monhwehwɛ n’aban mu yie, na moaka akyerɛ awoɔ ntoatoasoɔ a ɛbɛdi mo akyire no,

¹⁴ sɛ saa Nyankopɔn yi yɛ yɛn Nyankopɔn daa daa, ɔbɛyɛ yɛn kwankyerɛfoɔ de akɔsi owuo mu.