Read New Revised Asante Twi Bible Nnwom 51 Bible Online

Nnwom 51 - New Revised Asante Twi Bible bible

Nnwom 51

¹Wɔde ma dwonkyerɛfoɔ. Dawid dwom; ɔkɔɔ Batseba ho a Odiyifoɔ Natan baa ne nkyɛn no, na ɔtoeɛ. Onyankopɔn, hu me mmɔbɔ, sɛ w’adɔeɛ teɛ no, wo mmɔborɔhunu a ɛdɔɔso nti pepa me mmarato.

² Hohoro me ho firi m’amumuyɛ mu koraa, na prapra me ho firi me bɔne mu.

³ Na mahunu me mmarato no, na me bɔne wɔ m’anim daa.

⁴ Wo nko ara na mafom woɔ, na mayɛ deɛ ɛyɛ w’ani so bɔne, na woadi bem wo kasa mu, na wo ho ate, w’atemmuo mu.

⁵ Hwɛ, wɔwoo me amumuyɛ mu, na bɔne mu na me na nyinsɛnee me.

⁶Hwɛ, wopɛ nokorɛ me sawa mu, na ma menhunu nyansa me mu ahuntaeɛm.

⁷ Fa adwera yi me ho bɔne, na me ho afi; dware me, na mayɛ fitaa asene nwera.

⁸ Ma mente anigyeɛ ne abotɔyam nsɛm, na nnompe a woabubuo no adi ahurisie.

⁹Yi w’ani firi me bɔne ho hunta, na pepa m’amumuyɛ nyinaa.

¹⁰ Onyankopɔn, bɔ akoma a emu teɛ ma me, na yɛ honhom foforɔ a aseɛ tim wɔ me mu.

¹¹Nto me mfiri w’anim ntwene, na nyi wo kronkronyɛ honhom mfiri me so.

¹²Ma mennya wo nkwagyeɛ ho abotɔyam bio, na ayamyie honhom nsɔ me mu.

¹³Mɛkyerɛ mmaratofoɔ w’akwan, na nnebɔneyɛfoɔ adane aba wo nkyɛn.

¹⁴Onyankopɔn, me nkwagyeɛ Nyankopɔn, gye me firi mogya ho fɔ mu, na me tɛkyerɛma ato wo tenenee ho ahurisie dwom.

¹⁵AWURADE, bue m’ano fafa, na mede m’ano makyerɛ w’ayeyie.

¹⁶ Na wompɛ afɔrebɔ, anka mɛbɔ, ɔhyeɛ afɔdeɛ nsɔ w’ani.

¹⁷ Nyankopɔn afɔdeɛ ne honhom a abubuo; Onyankopɔn, akoma a abubuo, na apɛkyɛ na worempoɔ.

¹⁸Ma no nyɛ wo fɛ sɛ wobɛyɛ Sion yie; to Yerusalem afasuo!

¹⁹Ɛno na wobɛpɛ tenenee afɔdeɛ, ɔhyeɛ afɔdeɛ ne afɔdeɛ mu, ɛno na wɔde anantwinini bɛkɔ w’afɔrebukyia soɔ.