Read New Revised Asante Twi Bible Nnwom 52 Bible Online

Nnwom 52 - New Revised Asante Twi Bible bible

Nnwom 52

¹Wɔde ma dwonkyerɛfoɔ. Dawid nnweneho dwom. Ɔtoe berɛ a Edomni Doeg bɛka kyerɛɛ Saulo sɛ Dawid aba Ahimelek fie no. Ɔkatakyie, adɛn na wohoahoa wo ho bɔne ho? Nyankopɔn adɔeɛ wɔ hɔ daa nyinaa.

²Nkontomponi, wo tɛkyerɛma dwene mmusubɔ ho te sɛ yiwan a ano yɛ tahwetahweɛ.

³Wopɛ bɔne sene papa, wopɛ atorɔ sene sɛ wobɛka deɛ ɛtene.

⁴Nkɔnkɔnsa tɛkyerɛma, wopɛ amammɔsɛm ara nko.

⁵Onyankopɔn nso bɛbɔ wo ahwe fam koraa, ɔbɛyi wo hɔ atu wo afiri wo tenabea, na watutu w’ase afiri ateasefoɔ asase so.

⁶ Teneneefoɔ nso bɛhunu asuro, na wɔasere no sɛ:

⁷Hwɛ, onipa a wamfa Onyankopɔn anyɛ ne dwanekɔbea, na ɔde ne ho too n’ahodeɛ bebree no soɔ, na ɔhyɛɛ ne ho den, n’anibereɛ mu, no nie.

⁸ Na me deɛ, mete sɛ ngodua frɔmfrɔm, Nyankopɔn fie, mede me ho meto Nyankopɔn adom so daa daa.

⁹Mɛyi wo ayɛ daa, sɛ wo na woyɛeɛ, na mɛtwɛn wo din, ɛfiri sɛ ɛyɛ, w’ahotefoɔ anim.