Read New Revised Asante Twi Bible Nnwom 53 Bible Online

Nnwom 53 - New Revised Asante Twi Bible bible

Nnwom 53

¹Wɔde ma dwonkyerɛfoɔ. Dawid nnweneho dwom. Wɔnto no “Mahalat” sankuo nne so. Ogyegyentwie se n’akomam sɛ: Nyankopɔn bi nni hɔ. Wɔasɛe, na wɔyɛ amumuyɛdeɛ a wɔkyire, obiara nni hɔ a ɔyɛ papa.

²Onyankopɔn firi soro hwɛ nnipa mma, sɛ ɔbɛhunu sɛ obi wɔ hɔ a ɔyɛ ɔbadwemma, obi a ɔhwehwɛ Nyankopɔn akyiri kwan.

³Nanso wɔn nyinaa amane, wɔn nyinaa aporɔ, obiara nni hɔ a ɔyɛ papa, ɔbaako mpo nni hɔ.

⁴Amumuyɛfoɔ anhunu de, wɔn a wɔdi me man sɛdeɛ wɔdi aduane, na wɔnsɔre Onyankopɔn?

⁵Ɛno na wɔn ho popoeɛ, deɛ ahopopoɔ nnie hɔ, na Onyankopɔn petee wɔn a wɔbɔɔ wo so nsraban nnompe, woahyɛ wɔn aniwuo, na Onyankopɔn apa wɔn.

⁶Hwan na ɔde Israel nkwagyeɛ bɛfiri Sion aba? Da a Onyankopɔn de ne man agyapadeɛ bɛsane aba no, Yakob bɛdi ahurisie, na Israel ani agye.