Read New Revised Asante Twi Bible Nnwom 56 Bible Online

Nnwom 56 - New Revised Asante Twi Bible bible

Nnwom 56

¹Wɔde ma dwonkyerɛfoɔ. Dawid abebuo dwom. Wɔnto no “Yohat elem rehokim” sankuo nne so. Ɔtoe berɛ a Filistifoɔ kyeree no Gat no. Onyankopɔn, hu me mmɔbɔ, na ɔdasani repɛ me amene me, daa nyinaa ɔde ɔko hiahia me ho.

²M’atɛfoɔ repɛ me amene me daa nyinaa, na nnipa pii ama wɔn ho so ne me reko.

³Ɛda a mesuro no, mede me ho metwere wo.

⁴ Nyankopɔn mu na meyi n’asɛm ayɛ, Nyankopɔn so na mede me ho matoɔ, merensuro, onipa bɛtumi ayɛ me dɛn?

⁵Da biara wɔtutu me nsɛm ano sisi, bɔne nko ara na wɔdwene me ho.

⁶Wɔboa ano hyia ma wɔtɛ me, na wɔkari m’anammɔn berɛ a wɔtwɛn me kra.

⁷ Wɔde amumuyɛ bɛnya kwan adwane anaa? Onyankopɔn, fa aman hwe fam abufuo so.

⁸Wo na woabu me kyini a mekyini yi ano, fa me nisuo gu wo kotokuo mu. Ɛnni wo nwoma mu anaa?

⁹Ɛno na m’atamfoɔ bɛsane wɔn akyire, ɛda a mesu mefrɛ no. Yei na menim sɛ Onyankopɔn wɔ m’afa.

¹⁰Nyankopɔn mu na meyi n’asɛm ayɛ, AWURADE mu na meyi n’asɛm ayɛ.

¹¹Nyankopɔn so na mede me ho matoɔ, merensuro, nnipa bɛtumi ayɛ me dɛn?

¹²Onyankopɔn, w’aboadeɛ wɔ me hɔ, mɛbɔ aseda afɔdeɛ mama wo.

¹³ Na woagye me kra afiri owuo mu, worenyi me nan mfiri asehweɛ mu anaa? Na manante Nyankopɔn anim, nkwa hann mu.