Read New Revised Asante Twi Bible Nnwom 64 Bible Online

Nnwom 64 - New Revised Asante Twi Bible bible

Nnwom 64

¹Wɔde ma dwonkyerɛfoɔ. Dawid dwom. Onyankopɔn, tie me nne, m’abooboo mu, bɔ me nkwa ho ban, na ɔtamfoɔ ammɛyi me hu.

²Fa me hunta firi nnipa bɔne kokoam agyinatuo ho, firi amumuyɛfoɔ gyegyeegye ho.

³ Wɔn na wɔse wɔn tɛkyerɛma ano sɛ afena, wɔkuntunu tadua mu rebɛto wɔn mmɛmma, ɛne nsɛm fo,

⁴ sɛ wɔbɛto abɔ deɛ ɔyɛ pɛ no kokoam, wɔto bɔ no mpofirim, na wɔnsuro.

⁵ Wɔhyɛ wɔn asɛmmɔne mu den, wɔkeka sɛ wɔbɛhunta asum fidie, wɔka sɛ: Hwan na ɔbɛhu yɛn?

⁶Wɔbɔre hwehwɛ amumuyɛ, wɔawie wɔn tirim pɔ no, wɔabɔre abɔre, na onipa tirim ne n’akomam dɔ.

⁷Na Onyankopɔn bɛto bɛmma abɔ wɔn, wɔbɛpira mpofirim,

⁸ na wɔbɛhwe ase, na wɔn tɛkyerɛma so asɛm abua wɔn atifi, wɔn a wɔhu wɔn nyinaa ho bɛpopo.

⁹Na nnipa nyinaa bɛsuro, na wɔaka Nyankopɔn adwuma, na wɔahunu ne nneyɛɛ mu.

¹⁰Ɔteneneeni ani bɛgye AWURADE ho, na wadwane akɔtoa no, na akoma mu teefoɔ nyinaa bɛhyehyɛ wɔn ho.