Read New Revised Asante Twi Bible Nnwom 65 Bible Online

Nnwom 65 - New Revised Asante Twi Bible bible

Nnwom 65

¹Wɔde ma dwonkyerɛfoɔ. Dawid dwom. Onyankopɔn, wɔde abodwoɔ yi wo ayɛ wɔ Sion, na wo na wɔde aboadeɛ ma woɔ.

²O mpaebɔ tiefoɔ, wo nkyɛn na nnipa nyinaa ba.

³Amumuyɛdeɛ boroo me so, wo na woakata yɛn mmarato soɔ.

⁴ Nhyira ne deɛ woyi no na woma no bɛn wo sɛ ɔntena w’abannwa soɔ. Wo fie nnepa bɛmee yɛn, w’asɔrefie kronkron nnepa no.

⁵Wode asɛntenenee a ɛyi hu bua yɛn, yɛn nkwagyeɛ Nyankopɔn, wo na asase ano nyinaa ani da wo soɔ, ne wɔn a wɔwɔ akyirikyiri po so.

⁶Wode w’ahoɔden de mmepɔ tintim hɔ, wode tumi amia.

⁷ Woma ɛpo huuyɛ, emu asorɔkyeɛ huuyɛ gyae, na woma aman kitikitiyɛ ano dwo.

⁸Na wo nsɛnkyerɛnneɛ nti wɔn a wɔte ahafi nohoa suro, woma wɔn a wɔte apueeɛ ne atɔeɛ nohoa tɔnn to ahosan dwom.

⁹ Woabɛhwɛ asase agugu so nsuo, woama ɛso aduane abu so bebree. Nyankopɔn asubɔnten no, nsuo ayɛ mu ma, womaa wɔn aburoo gyinae, womaa no sii so sɛdeɛ ɛsɛ.

¹⁰ Woguguu n’akofie so nsuo de honoo emu apɔapɔ, wode osuo yɛɛ no bɛtɛɛ, wohyiraa ne fire so.

¹¹Woabɔ w’ayamyɛ afirinhyia abotire, na sradeɛ sosɔ w’akwan so.

¹²Ɛsosɔ serɛ so adidibea so, na mpampa de abotɔyam hyehyɛ wɔn ho.

¹³Nnwankuo ahyɛ adidibea no ma, aburoo nso akata abɔn no mu, wɔdi ahurisie bɔ ose, anigyeɛ dwom nko ara na wɔtoɔ.