Read New Revised Asante Twi Bible Nnwom 7 Bible Online

Nnwom 7 - New Revised Asante Twi Bible bible

Nnwom 7

¹Dawid adesrɛ dwom a Benyaminni Kus nsɛm nti ɔto maa AWURADE. AWURADE, me Nyankopɔn, wo na medwane bɛtoa wo. Gye me m’atifoɔ nyinaa nsam, na yi me!

² Na wɔansunsuane me kra sɛ gyata antete me mu a ɔgyefoɔ nni hɔ.

³ AWURADE me Nyankopɔn, sɛ mayɛ yei, na amumuyɛdeɛ bi wɔ me nsam,

⁴sɛ mayɛ deɛ ɔne me te asomdwoeɛ mu bɔne na madi deɛ ɔha me no amim bi kwa a,

⁵ma ɔtamfoɔ ntaa me kra, na ɔnkyere me, na ɔntiatia me nkwa so fam, na ɔmma m’animuonyam nyɛ fam.

⁶AWURADE, sɔre w’abufuo mu, ma wo ho so tia m’ahohiahiafoɔ aniɛden, na nyane ma me, wo a woahyɛ atemmuo.

⁷Na ma aman asafo ntwa wo ho nhyia, na sane firi wɔn so kɔ soro.

⁸ AWURADE bɛbu aman atɛn; AWURADE di m’asɛm sɛdeɛ me tenenee ne bem a ɛwɔ me mu teɛ.

⁹ Ao, ma abɔnefoɔ bɔne to ntwa ɛ! Na ma ɔteneneeni ntim. Na wone tenenee Nyankopɔn a wosɔ akoma ne adwene hwɛ.

¹⁰ Me kyɛm wɔ Nyankopɔn nsam, ɔno na ɔgye akoma mu teneneeni nkwa.

¹¹ Onyankopɔn ne ɔtemmufoɔ tenenee, ne Onyankopɔn a ɔteatea daa nyinaa.

¹² Sɛ obi annane n’akwan, Onyankopɔn bɛse n’afena, wakuntunu ne tadua mu, na wasiesie.

¹³Na wasiesie owuo adeɛ ama onii korɔ no, wayɛ n’agyan ma no hye adeɛ.

¹⁴Hwɛ, ɔmumuyɛfoɔ nyinsɛn amumuyɛ, na ɔnyem ɛhaw, na ɔwo atorɔ.

¹⁵ Watu amena, na wafunu mu, na ɔtɔ tokuro a ɔno ara tuo no mu.

¹⁶Ne mmusuo resane abua n’atifi, na n’amim aduru n’apampam.

¹⁷Mɛda AWURADE ase sɛdeɛ ne tenenee teɛ, na mato ayeyie dwom mama AWURADE a ɔwɔ sorosoro no din.