Read New Revised Asante Twi Bible Nnwom 75 Bible Online

Nnwom 75 - New Revised Asante Twi Bible bible

Nnwom 75

¹Wɔde ma dwonkyerɛfoɔ sɛ wɔnto no “Al-taset” sankuo nne so. Asaf dwom. Onyankopɔn, yɛda wo ase da wo ase, na wo din abɛn; wɔka w’anwanwadeɛ kyerɛ.

²Mɛba berɛ a ɛsɛ mu, na me ara mabɛbu atɛntenenee.

³Asase ne wɔn a wɔte soɔ nyinaa mu hodwo a, me na mede mu afadum mesisi hɔ.

⁴Mese ahokyerɛfoɔ sɛ: Monnyɛ ahokyerɛ. Na mese abɔnefoɔ sɛ: Mommma abɛn no so.

⁵Mommma mo abɛn so nnkɔ soro, monnto bamkɔn nnkasa.

⁶Na ɛmfiri apueeɛ, na ɛmfiri atɔeɛ, nanso ɛmfiri mmepɔ serɛ so,

⁷ na mmom Onyankopɔn na ɔbu atɛn, ɔbɛbrɛ oyi ase, na wama oyi so.

⁸ Na kuruwa bi wɔ AWURADE nsam, na emu bobesa ani firi ahuro, mfrasa ayɛ mu ma, na ɔhwie bi; ampa ara, aseɛ puo mpo, asase so abɔnefoɔ nyinaa bɛfefe anom.

⁹Na me deɛ, mɛka ɛho asɛm daa, mɛto Yakob Nyankopɔn ayeyie dwom,

¹⁰na abɔnefoɔ mmɛn nyinaa, mɛbubu, teneneefoɔ mmɛn na wɔbɛma soɔ.