Read New Revised Asante Twi Bible Nnwom 8 Bible Online

Nnwom 8 - New Revised Asante Twi Bible bible

Nnwom 8

¹Wɔde ma dwonkyerɛfoɔ sɛ wɔnto no “Gittit” sankuo nne so. Dawid dwom. Ao, AWURADE, yɛn Awurade, enim[2] bɛn na wo din nni asase nyinaa soɔ! Wo a wode w’animuonyam akata ɔsoro.

² Wo a w’animuonyam pue firi mmɔfra ne nkɔkoaa anomu. Wo na woasiesie abankɛseɛ, w’atamfo nti, na wode amua ɔtamfoɔ ne ɔweretɔfoɔ ano.

³ Sɛ mehwɛ wo soro, wo nsateaa ano adwuma, ɔsrane ne nsoromma a woasiesie a,

⁴ ɔdasani ne hwan a wokae no, na onipa ba ne hwan a w’ani ku ne ho!

⁵ Na woama aka no kakraa bi na wasɛ Onyame, na wode animuonyam ne anidie abɔ no abotire.

⁶ Woama no adi wo nsa ano nnwuma so, wode nnoɔma nyinaa ahyɛ ne nan ase:

⁷Aane, nnwan ne anantwie nyinaa ne wiram mmoa nso,

⁸ewiem nnomaa ne ɛpo mu mpataa, mmoa a ɛnam ɛpo mu akwan soɔ.

⁹Ao, AWURADE, yɛn Awurade, enim bɛn na wo din nni asase nyinaa soɔ!