Read New Revised Asante Twi Bible Nnwom 88 Bible Online

Nnwom 88 - New Revised Asante Twi Bible bible

Nnwom 88

¹Kora mma dwom a wɔde ma dwonkyerɛfoɔ sɛ wɔnto no “Mahalat Leannot” sankuo nne so. Esrahini Heman nnweneho dwom. AWURADE, me nkwagyeɛ Nyankopɔn, mesu mefrɛ, w’anim, awia ne anadwo,

²ma me mpaebɔ nnuru w’anim, na brɛ w’aso ase ma me nteamu.

³Na nnebɔne afono me kra, na me kra rebɛn Asamando.

⁴Wɔkane me fra wɔn a wɔkɔ Amena mu mu, mayɛ sɛ ɔbarima a ɔnni mmoa biara.

⁵Wɔato me atwene awufoɔ mu sɛ atɔfoɔ a wɔde wɔn agu ɛda mu a wonkae wɔn bio, na wɔatwa wɔn afiri wo nsam.

⁶Wode me ato Amena donkodonko mu, esum mu, ebunu ase tɔnn.

⁷ W’abufuhyeɛ hyɛ me so, na woma w’asorɔkyeɛ nyinaa gu me so.

⁸ Woayi m’amannifoɔ afiri me nkyɛn kɔ akyirikyiri, wode me ayɛ wɔn akyiwadeɛ, woato me mu a meremfiri adie.

⁹Amaneɛ ama m’ani akusa, mefrɛ wo, AWURADE, da mu nyinaa, metrɛ me nsam mekyerɛ wo.

¹⁰ Wobɛyɛ anwanwadeɛ akyerɛ awufoɔ, anaasɛ nsamanfoɔ bɛsɔre ayi wo ayɛ?

¹¹Wɔbɛka w’adɔeɛ ɛda mu anaa wo nokorɛdie ɔsɛeɛ amena mu?

¹²Wɔbɛhunu w’anwanwadeɛ, esum mu, ne wo tenenee awerɛfire asase so?

¹³Na me deɛ, wo, AWURADE, na mesu mefrɛ, na me mpaebɔ tua wo nhema.

¹⁴AWURADE, adɛn na woto me kra twene, adɛn nti na wode w’anim hunta me?

¹⁵Meyɛ mmɔborɔni, na mereyɛ mawu firi me mmɔfraase, wo ho hu akuta me, na metɔ ntintan.

¹⁶W’abufuo abu afa me so, wo ho hu atware me;

¹⁷atwa me ho ahyia te sɛ nsuo da mu nyinaa, ɛbom twa me ho kanko.

¹⁸ Woayi ɔdɔfo ne adamfo afiri me nkyɛn kɔ akyirikyiri, na me manni kɔ sum mu.