Read New Revised Asante Twi Bible Nnwom 95 Bible Online

Nnwom 95 - New Revised Asante Twi Bible bible

Nnwom 95

¹Mommra mma yɛnto anigyeɛ dwom mma AWURADE, momma yɛmmɔ ose mma yɛn nkwagyeɛ botan.

²Momma yɛmfa aseda mmra n’anim, na yɛmfa nnwom nni ahurisie mma no.

³ Na AWURADE yɛ Onyankopɔn kɛseɛ ne ɔhenkɛseɛ, anyame nyinaa so.

⁴Ne nsam na asase mu ahuntadeɛ wɔ, na mmepɔ so srɔnsrɔn nso wɔ no.

⁵Ɔno na ɛpo wɔ no, na ɔno na ɔyɛeɛ, na asase pɛsɛɛ nso, ne nsa na ɛnwonoeɛ.

⁶Mommra mma yɛmmutu nkoto nsɔre AWURADE, yɛn yɛfoɔ anim.

⁷ Na ɔno ne yɛn Nyankopɔn, na yɛn deɛ, yɛyɛ n’adidibea nkurɔfoɔ ne ne nsam nnwan. Ɛnnɛ mote ne nne no ɛ!

⁸Monnyɛ mo akoma denden sɛ Meriba, sɛ Masa da no, ɛserɛ so hɔ,

⁹ berɛ a mo agyanom gyegyee m’ano, na wɔsɔɔ me hwɛeɛ no, nanso na wɔanya me nnwuma nhunui.

¹⁰Mfeɛ aduanan na awoɔ ntoatoasoɔ no ho yɛɛ me ahi, na mekaa sɛ: Ɔman a wɔfom akoma mu ne wɔn. Na wɔn deɛ, wɔanhunu m’akwan.

¹¹ Na ɛmaa mekaa m’abufuo mu ntam, sɛ wɔrennuru me home mu.