Read New Revised Asante Twi Bible Mmebusɛm 28 Bible Online

Mmebusɛm 28 - New Revised Asante Twi Bible bible

Mmebusɛm 28

¹Abɔnefoɔ dwane berɛ a obi mpamo wɔn, na teneneefoɔ deɛ, wɔyɛ nnam sɛ gyataburuwa.

²Asase mmarato na ɛma ɛso ahemfo dɔɔso, na nnipa nhunumufoɔ ne nimdefoɔ na ɛma ɔhene kyɛreɛ.

³Ohiani a ɔhyɛ ohiani soɔ te sɛ osuo a ɛpra adeɛ korɔ a ɛmma aduane mma.

⁴ Wɔn a wɔgya mmara no yi ɔbɔnefoɔ ayɛ, na wɔn a wɔdi mmara soɔ no ne wɔn di aperepereɛ.

⁵Nnipa bɔne nhunu atemmuo mu, na wɔn a wɔhwehwɛ AWURADE akyiri kwan no hunu ade nyinaa mu.

⁶ Ohiani a ɔnam ne pɛyɛ mu yɛ sene deɛ ɔkyea akwan mmienu mu na wanya ne ho.

⁷Deɛ ɔbu mmara no yɛ ɔba nyansafoɔ, na deɛ ɔne ahohwifoɔ bɔ no hyɛ n’agya aniwuo.

⁸ Deɛ ɔde mfɛntom ne apempensie dɔre n’adeɛ no, ɔboaboa ano ma deɛ ɔbɛhunu mmɔborɔfoɔ mmɔborɔ.

⁹ Deɛ ɔyi n’aso firi mmara tie ho no, ne mpaebɔ mpo yɛ akyiwadeɛ.

¹⁰Deɛ ɔgyegye teefoɔ kɔ bɔne kwan soɔ no, ɔbɛhwe ɔno ara amena mu, na pɛyɛfoɔ bɛdi adepa.

¹¹Onipa defoɔ yɛ n’ani so nyansafoɔ, na mmɔborɔni nhunumufoɔ hwehwɛ ne mu.

¹² Teneneefoɔ di ahurisie a, ɛyɛ fɛ pii, na abɔnefoɔ deɛ wɔsɔre a, nnipa hunta.

¹³ Deɛ ɔkata ne mmarato soɔ no, ɔrenyɛ prɔmprɔm, na deɛ ɔka na ɔgyaeɛ no, wɔbɛhu no mmɔbɔ.

¹⁴Nhyira ne onipa a ɔfɛre adeɛ daa daa, na deɛ ɔhyɛ n’akoma den bɛtɔ bɔne mu.

¹⁵Ɔbɔnefoɔ a ɔdi ɔman mmɔborɔfoɔ soɔ te sɛ gyata a ɔbobom ne sisire a n’ani abereɛ.

¹⁶Ɔhene a ɔnni nhunumu na ne nhyɛsoɔ so, na deɛ ɔtane amimdie ma ne nna kyɛ.

¹⁷ Onipa a obi mogya ho so da ne soɔ no, ɔbɛdwane akɔduru amena mu, mma wɔnnsianka no.

¹⁸Deɛ ɔnam pɛyɛ mu no bɛnya nkwa, na deɛ ɔkyea akwan mmienu mu no bɛhwe baako mu.

¹⁹ Deɛ ɔdɔ n’asase no, aduane bɛmee no, na deɛ ɔdi ade hunu akyire no, ohia bɛmee no.

²⁰ Onipa nokwafoɔ nhyira bɛdɔɔso, na deɛ ɔrepɛ ntɛm anya ne ho renyɛ tɔtorɔtɔɔ.

²¹Animhwɛ nyɛ, nso aduane afono ma so mpo na onipa bɛdi asɛmmɔne.

²² Oniberefoɔ pere ahonya ho, na ɔnhunu sɛ ɔhia bɛba ne so.

²³Deɛ ɔka obi anim no, akyire yi, ɔbɛnya animuonyam asene deɛ ɔde ne tɛkyerɛma dɛfɛdɛfɛ.

²⁴ Deɛ ɔfom n’agya ne ne na adeɛ fa na ɔka sɛ: Ɛnyɛ mmarato! no yɛ ɔdesɛefoɔ adamfo.

²⁵Deɛ n’akɔnnɔ so hwanyan ntɔkwa, na deɛ ɔde ne ho to AWURADE soɔ no deɛ wɔbɛdɔre sradeɛ.

²⁶ Deɛ ne ho da n’akoma soɔ no yɛ ɔkwasea, na deɛ ɔnam nyansa mu no bɛnya adwaneyɛ.

²⁷ Deɛ ɔma ohiani no, ɛrenhia no, na deɛ ɔyi n’ani no bɛnya nnuabɔ pii.

²⁸ Abɔnefoɔ sɔre a, nnipa hunta, na wɔyera a, na teneneefoɔ redɔɔso.