Read New Revised Asante Twi Bible Mmebusɛm 29 Bible Online

Mmebusɛm 29 - New Revised Asante Twi Bible bible

Mmebusɛm 29

¹ Onipa a wɔka n’anim na ɔsene ne kɔn no, wɔbɛbu no mpofirim a ano nni aduro.

² Ateneneefoɔ di tumi a, ɔman ani gye, na ɔbɔnefoɔ di so a, ɔman si apini.

³ Onipa a ɔdɔ nyansa ma n’agya ani gye, na deɛ ɔne nnwamamfoɔ bɔ bɛsɛe n’adeɛ.

⁴ Ɔhene de atemmuo ma asase gyina, na akyɛdepɛfoɔ bɔ no.

⁵Onipa a ɔdɛfɛdɛfɛ ne yɔnko no, ɔsum n’anammɔn fidie.

⁶Onipa bɔne mmarato mu wɔ fidie, na ɔteneneeni bɛto ahurisie dwom, na n’ani agye.

⁷Ɔteneneeni hunu mmɔborɔfoɔ asɛm di, ɔbɔnefoɔ nhunu saa nimdeɛ no.

⁸Fɛdifoɔ sɔ kuro mu gya, na anyansafoɔ sianka abufuo.

⁹ Ɔba nyansafoɔ ne ogyimifoɔ di apereɛ a, ɔyɛ hoo oo, ɔsere oo, home nni mu.

¹⁰Mogyapɛfoɔ tane pɛyɛfoɔ, na teefoɔ hwehwɛ ne kra agye no.

¹¹ Ɔkwasea yi ne honhom nyinaa adi, na onyansafoɔ dwodwo no ma no ka akyi.

¹²Ɔpanin a ɔtie atorosɛm no, n’asomfo nyinaa yɛ abɔnefoɔ.

¹³Adekoro bi da nso wɔ ohiani ne opooboni ntɛm, deɛ ɔte wɔn baanu nyinaa ani ne AWURADE.

¹⁴ Ɔhene a ɔbu nokwatɛn ma mmɔborɔfoɔ no, n’ahennwa bɛtim daa.

¹⁵ Abaa ne animka ma nyansa, na abɔfra a wɔato no sraha gu ne na anim ase.

¹⁶ Abɔnefoɔ dɔɔso a, mmarato dɔɔso, nanso ateneneefoɔ bɛhunu wɔn ahweaseɛ.

¹⁷ Tenetene wo ba na wama woahome, na wama wo kra anika.

¹⁸Anisoadehunu nni hɔ a, ɔman yɛ bisibasaa, nanso deɛ ɔbu mmara no, nhyira ne no.

¹⁹Ɛnyɛ nsɛm na wɔde tea akoa, ɛfiri sɛ ɔte aseɛ mpo a, ɔremmu.

²⁰ Wohunu onipa a ɔpere ne nsɛm ho a, anidasoɔ wɔ hɔ ma ɔkwasea sene no.

²¹Deɛ ɔkorɔkorɔ n’akoa firi ne mmɔfraase no, akyire yi no ɔbɛyɛ sɛ ɔba.

²² Obufufafoɔ hwanyan ntɔkwa, na ɔbobɔnefoɔ mmarato dɔɔso.

²³ Onipa ahantan bɛbrɛ no ase, na honhom mu ahobrɛaseɛni nsa bɛka animuonyam.

²⁴ Deɛ ɔne owifoɔ kyɛ adeɛ no tane ne kra, ɔte duabɔ no nso ɔnka.

²⁵Onipa ho suro sum fidie, na deɛ ɔde ne ho to AWURADE soɔ no ho deɛ ɔbɛyɛ sɔnn.

²⁶Nnipa pii hwehwɛ ɔman sodifoɔ anim animuonyam, nanso AWURADE na obiara atemmuo firi no.

²⁷Ateneneefoɔ akyiwadeɛ ne busufoɔ, na ɔbɔnefoɔ nso akyiwadeɛ ne deɛ ne kwan yɛ tee.