Read New Revised Asante Twi Bible Mmebusɛm 4 Bible Online

Mmebusɛm 4 - New Revised Asante Twi Bible bible

Mmebusɛm 4

¹Mma, montie agya akwankyerɛ, na monyɛ aso na moanya nhunumu.

²Na adenim pa na mekyerɛ mo, monnnya me mmara.

³Na na ɛberɛ a meyɛ abadoma no, ɔbabanin ne ɔba korɔ, ma me na ne m’agya no;

⁴ na ɔkyerɛkyerɛɛ me, na ɔka kyerɛɛ me sɛ: Ma w’akoma nsɔ me nsɛm mu, di me mmara nsɛm so, na nya nkwa.

⁵Nya nyansa, nya nhunumu. Mma wo werɛ mmfi, na mmane mfiri m’anomu kasa ho.

⁶Nnya no, na ɛbɛhwɛ wo so, dɔ no, na ɛbɛkora wo.

⁷Nyansa ne ade titire: Enti nya nyansa, na fa w’adenya nyinaa nya nhunumu.

⁸Bu no, na ɛbɛma wo so; sɛ woyɛ no atuu a, ɛbɛhyɛ wo animuonyam.

⁹ Ɛbɛyɛ wo ti animuonyam abotire, aane, abotire fɛfɛ na ɛde bɛhyɛ woɔ.

¹⁰ Me ba, tie, na fa me nsɛm, na wo nkwa mfeɛ adɔɔso.

¹¹ Makyerɛ wo nyansa kwan, magya wo atempɔn tee so.

¹²Wo nanteɛ mu w’anammɔn renkye wo, na sɛ wotu mmirika a, worensunti.

¹³Sɔ nkyerɛkyerɛ mu dendeenden, nnyaa mu, kora no, na ɛne wo nkwa.

¹⁴ Nkɔ abɔnefoɔ kwan mu, na mfa nnipa bɔne kwan so.

¹⁵Kwati no, nsene mfa so, mane firi ho, na siane ho kɔ.

¹⁶Wɔn deɛ wɔnna, gye sɛ wɔayɛ bɔne ansa, na wɔntumi nna, gye sɛ wɔahwe obi ase ansa;

¹⁷na wɔdi abɔnefosɛm aduane, na amimdie nsa na wɔnom.

¹⁸Na ateneneefoɔ kwan te sɛ owia hann, ɛkɔ so hyerɛn kɔduru awia ketee.

¹⁹ Abɔnefoɔ kwan te sɛ esum kabii, wɔnnim deɛ wɔhunta.

²⁰Me ba, tie me nsɛm, wɛn w’aso ma me kasa.

²¹Mma no mmfiri w’ani so, fa sie w’akomam tɔnn.

²² Na ɛyɛ nkwa ma wɔn a wɔhunu, ne nkwahosan ma ne honam nyinaa.

²³Kora w’akoma sene deɛ wode sie nyinaa, na emu na nkwa adifire fire.

²⁴Yi ano kontonkyi firi wo ho, na ma nkontompo ano nkɔ akyirikyiri.

²⁵Ma w’ani nhwɛ tee, na w’anisuatɛtɛ ntene nhwɛ w’anim.

²⁶ Taataa w’anammɔn pɛpɛɛpɛ, na ma w’akwan nyinaa ntim.

²⁷ Mmane nifa anaa benkum, twe wo nan firi bɔne mu.