Read New Revised Asante Twi Bible Mmebusɛm 5 Bible Online

Mmebusɛm 5 - New Revised Asante Twi Bible bible

Mmebusɛm 5

¹Me ba, tie me nyansa, brɛ w’aso ase ma me nteaseɛ;

²na woahwɛ adwempa so, na w’ano akora nimdeɛ.

³ Na ɔbaa sansani ano kyi ɛwoɔ sosɔ, na n’anomu yɛ toro sene ngo;

⁴na n’akyiri yɛ nwono sɛ ɔnwono, ɛyɛ nnam te sɛ nkrantɛ anofanu.

⁵Ne nan siane kɔ owuo mu, Asamando na n’anammɔn tutu korɔ.

⁶Nkwa kwan deɛ, ɔnkɔ ara da, n’anammɔn kyinkyini kɔ deɛ ɔnnim hɔ.

⁷Na afei, me mma, montie me, na monnyi mo ho mmfiri m’anomu nsɛm ho.

⁸Ma wo kwan mfiri ne ho nkɔ akyiri, na mmɛn ne fie pono ano;

⁹na woamfa w’anidie amma ebinom, ne wo mfeɛ amma otirimuɔdenfoɔ;

¹⁰na ahɔhoɔ anni w’adeɛ ammee, na w’adwumadeɛ antena obi hunu fie;

¹¹na wo nna a ɛdi akyire no, woampenepene, sɛ wo nipadua ne wo honam asa,

¹²na woanka sɛ: Ao, sɛ metanee atenetene, na m’akoma kyirii animka nie!

¹³na mantie m’akyerɛkyerɛfoɔ, na mammrɛ m’aso ase mamma me nyansakyerɛfoɔ!

¹⁴Ɛkaa kumaa sɛ ɛsii me bɔne koraa, asafo ne adwabɔ mu.

¹⁵Nom w’abura mu nsuo ne nsuo a ɛsene firi wo nsutire mu.

¹⁶Wo nsuo aniwa bɛbu so afiri adi ayɛ mmɔntene so asutene;

¹⁷ɛbɛyɛ wo nko ara wo dea, na ɛnyɛ wo ne ahɔhoɔ biara dea.

¹⁸Ma w’abura nyɛ nhyira, na wo ne wo mmeranteberɛ mu yerɛ ani nnye.

¹⁹ Na ɔte sɛ ɔtwe bereɛ dɔfo ne animuonyam wansane no. Ma ne mpokua nsɔ w’ani daa, na tɔ ne dɔ mu ntintan daa nyinaa.

²⁰Me ba, adɛn na wotɔ ɔbaa nanani ho ntintan, na wosɔ ɔbaa hɔhoɔ kokom?

²¹Na onipa akwan da AWURADE anim na ɔtaataa n’anammɔn nyinaa.

²²Ɔbɔnefoɔ amumuyɛ sɔ ne mu, na ne bɔne nhoma kye no.

²³Ɔkwati atenetene nti ɔbɛwu, na n’agyegyentwisɛm dodoɔ nti ɔbɛyera.