Read New Revised Asante Twi Bible Ɔsɛnkafoɔ 6 Bible Online

Ɔsɛnkafoɔ 6 - New Revised Asante Twi Bible bible

Ɔsɛnkafoɔ 6

¹Bɔne bi wɔ hɔ a mahunu owia yi aseɛ, na ɛdɔɔso nnipa so:

² Obi a Onyankopɔn ama no ahonyadeɛ ne adedodoɔ ne animuonyam, na deɛ ɛyɛ no akɔnnɔ mu biara mmɔ ne kra, nanso Onyankopɔn mma no ho kwan sɛ ɔnni bie, na ɔnanani bi na ɔdie, yei deɛ, ahuhudeɛ ne ayayadeɛ ne no.

³Sɛ obi wo mma ɔha na ɔdi mfeɛ pii, na ne mfeɛ mu nna dɔɔso bebree, na papa ammee ne kra na wɔansie no yie a, mese, mpo ɔpɔn ba yɛ sene no.

⁴Na ɔba no adehunu mu, na esum mu na ɔkorɔ, na esum na ɛkata ne din soɔ,

⁵owia nso wanhunu na ɔnnim, ɔhome wɔ hɔ ma oyi sene ɔno.

⁶Na sɛ mpo ɔdi mfeɛ apem mmɔho, nanso wannya mu papa biara a, ɛnyɛ faako na wɔn nyinaa korɔ?

⁷Onipa brɛ nyinaa, ɔbrɛ ma n’ano, nanso n’akɔnnɔ mmee no da.

⁸Na ɛdeɛn na onyansafoɔ de sene ɔkwasea? Ɛdeɛn nso na ohiani a ɔnim ateasefoɔ mu abrabɔ no de kyɛne soɔ?

⁹Deɛ ɛwɔ hɔ a aniwa hu no yɛ sene deɛ akɔnnɔ kyini hwehwɛ. Yei nso yɛ ahuhudeɛ ne dadwene hunu.

¹⁰Deɛ ɛwɔ hɔ biara no, na wɔabɔ ne din dada, na wɔnim sɛdeɛ onipa si teɛ, na wɔnim nso sɛ ɔntumi ne deɛ ɔyɛ den sene no no nham.

¹¹Na nsɛm pii wɔ hɔ a ɛma ahuhudeɛ dɔɔso; mfasoɔ bɛn na onipa nya?

¹² Na hwan na ɔnim deɛ ɛyɛ ma onipa, nkwa mu, ne nkwa huhuo mu, na nna dodoɔ a ɔdie sɛ sunsum no? Na hwan na ɔbɛtumi aka akyerɛ onipa deɛ ɛbɛba wɔ ne wuo akyi?