Read New Revised Asante Twi Bible Nnwom mu dwom 7 Bible Online

Nnwom mu dwom 7 - New Revised Asante Twi Bible bible

Nnwom mu dwom 7

¹Sɛdeɛ wo mpaboa mu anammɔntutuo si yɛ fɛ, O ɔdehyeɛ babaa, w’asene ne w’ataaso te sɛ adwinneɛ a odwumfoɔ nsa ayɛ.

²Wo funuma te sɛ koraa kurukuruwa a mfrasa mmɔ no da, wo yafunu te sɛ ayukuo bi a wɔde sukooko atwa ho ahyia.

³Wo nufoɔ mmienu te sɛ atweburuwa nta;

⁴ wo kɔn te sɛ asonse abantenten; w’aniwa te sɛ Hesbon ntadeɛ a ɛwɔ Bat-Rabim pono ho no; wo hwene te sɛ Lebanon abantenten a ɛhwɛ Damasko fam no;

⁵wo tiri si wo so sɛ Karmel, wo mpɛsɛmpɛsɛ te sɛ ntoma a ɛberedum, wɔakyere ɔhene ne mmɛsa mu

⁶ Sɛdeɛ wo ho si yɛ fɛ fa, na sɛdeɛ wosi sɔ ani fa, O ɔdɔfoɔ, anigyedeɛ ahodoɔ no mu.

⁷Wo nnyinasoɔ te sɛ bɛtene, wo nufoɔ te sɛ obobe sia.

⁸Mese, mɛforo bɛtene na masɔ ne mpapa mu, O ma wo nufoɔ nyɛ sɛ obobe sia, na wo hwenem hwa nyɛ sɛ aprɛ,

⁹na wo mfeano te sɛ bobesa pa! a ɛfa menemu mu bɔkɔɔ, a ɛnam anofafa ne ɛse so nam kɔ mu yɔɔ.

¹⁰ Me deɛ, meyɛ me dɔfoɔ deɛ, na me na n’ani gyina me.

¹¹ Bra, me dɔfoɔ, na yɛnkɔ petee mu, ma yɛnsoɛ nkuraa ase.

¹² Ma yɛntua nhema nkɔ bobe nturo mu nkɔhwɛ sɛ obobe afefɛ, na ne nhwiren apaepae, sɛ atoaa agu nhyerɛne anaa? Ɛhɔ na mɛyi me dɔ mama woɔ.

¹³Dudaim no yiyi ne hwam, na aba a ɛwɔ boɔ nyinaa wɔ yɛn pono ano, aba foforɔ ne adada, O me dɔfoɔ, mede asie ama wo.