Read New Revised Asante Twi Bible Yesaia 24 Bible Online

Yesaia 24 - New Revised Asante Twi Bible bible

Yesaia 24

¹Hwɛ, AWURADE bɛsɛe asase ama no ada mpan, na wadane ani abutu, na wabɔ ɛsofoɔ apete,

²na ayɛ ɔman no sɛ ɔsɔfoɔ, akoa sɛ ne wura, afenaa sɛ n’awuraa, ɔtɔfoɔ sɛ ɔtɔnfoɔ, ɔdefirini sɛ ɔdefɛmni, ɔkafoɔ sɛ ɔkafoni.

³Wɔbɛsɛe asase pasapasa, na wɔafom no pasaa afa, ɛfiri sɛ AWURADE na waka asɛm yi.

⁴Asase aboto na akusa, wiase anyam na akusa, ɔsoro ne asase bom boto.

⁵Asase ho akum wɔ ɛsotefoɔ ase, ɛfiri sɛ wɔatiatia mmara no so, wɔasakyera ahyɛdeɛ no na wɔato daa apam no.

⁶Enti na nnome amene asase, na ɛsotefoɔ di fɔ; enti na asase sofoɔ ahyeɛ, na aka so adasamma ketewaa bie.

⁷ Nsamono twa adwo, bobe ayɛ mmerɛ; wɔn a wɔn akoma tɔɔ wɔn yam nyinaa si apini;

⁸ mpintin ho ahurisidie agyae, ahosɛpɛfoɔ hooyɛ to atwa, sankuo ho ahurisidie agyae;

⁹wɔmfa dwontoɔ nnom nsa bio, nsa denden yɛ ne nomfoɔ nwono.

¹⁰Wɔaburi sakasaka kuro no, wɔatoto afie nyinaa mu mma obi nkɔ mu.

¹¹Wɔsu bobesa ho kɔm mmorɔno so, anigyeɛ nyinaa agu, asase so ahurisidie atu kɔ.

¹²Deɛ aka kuro mu ne ɔsɛeɛ, wɔabubu kuro apono pasaa.

¹³ Na saa na ɛbɛba asase no soɔ, aman no mu, sɛ ngodua poreɛ, sɛ bobe abateɛ akyiri mpɛpɛdie.

¹⁴Wɔn deɛ, wɔbɛma wɔn nne so ato anigyeɛ dwom. AWURADE kɛseyɛ nti wɔde ahosɛpɛ bɛteam afiri po fam.

¹⁵Enti monhyɛ AWURADE animuonyam apueeɛ, po mu nsupɔ mu nso monkamfo AWURADE, Israel Nyankopɔn, din.

¹⁶Yɛte ayeyie nnwom a ɛfiri asase ano sɛ: Animuonyam nka Ɔteneneeni no. Na mese: Meresa, meresa, mennue! Fatwafoɔ retɔn me; tɔn ara na fatwafoɔ tɔn me.

¹⁷Ehu ne eku ne kantankoraa da wo a wote asase soɔ no so;

¹⁸ na deɛ ɔdwane firi ehu nkateɛ ho no bɛtɔ eku mu, na deɛ ɔforo firi eku no mu no, wɔde fidie bɛyi no. Na wɔhinihini soro mpomma, na asase nnyinasoɔ wosowoso.

¹⁹ Dwirie na asase dwirie, paeɛ na asase paeɛ, popoɔ na asase popoɔ.

²⁰ Asase tɔ ntintan sɛ nsaboni, na ɛhinhim sɛ asesewa bi, na ne mmarato ayɛ ne so duru, na ɛhwe ase a ɛrensɔre bio.

²¹ Ɛbɛba sɛ ɛda no, AWURADE bɛtwe soro dɔm aso wɔ ɔsoro, ne fam ahemfo wɔ ɛfam.

²²Wɔbɛboaboa wɔn ano sɛdeɛ wɔboaboa nneduafoɔ ano hyɛ amena mu, na wɔato wɔn mu, nneduadan mu, na nna bebree akyi no, wɔatwe wɔn aso.

²³ Na ɔsrane ani bɛwu, na owia anim bɛgu ase, ɛfiri sɛ asafo AWURADE bɛdi hene wɔ Sion bepɔ so ne Yerusalem, na wayi n’animuonyam wɔ ne mpanimfoɔ anim.