Read New Revised Asante Twi Bible Yesaia 56 Bible Online

Yesaia 56 - New Revised Asante Twi Bible bible

Yesaia 56

¹Sɛ AWURADE seɛ nie: Monni atemmuo so, na monyɛ adetenenee, na me nkwagyeɛ reyɛ aba, na wɔrebɛyi me nkwagyeɛ adi.

² Nhyira ne ɔdasani a ɔyɛ yei, ne onipa ba a ɔkura mu no, deɛ ɔdi homeda a ɔngu ho fi na ɔhwɛ ne nsa na anyɛ bɔne biara no.

³ Na ɔnanani a ɔde ne ho abɛbata AWURADE ho no, mma no nnka sɛ: Tuo na AWURADE bɛtu me afiri ne man mu; na mma ayitotoni nso nnka sɛ: Hwɛ, me deɛ, meyɛ duawuiɛ.

⁴Na sɛ AWURADE ka nie: Ayitotofoɔ a wɔdi me homeda na wɔyi adeɛ a ɛsɔ m’ani na wɔkura m’apam mu no,

⁵mɛma wɔn me fie ne m’afasuo mu nkaeɛ dum ne din a ɛyɛ sene mmabanin ne mmammaa; daa din a wɔrentwa ntwene na mede bɛma wɔn.

⁶Na ananafoɔ a wɔabɛbata AWURADE ho sɛ wɔresom no, na wɔadɔ AWURADE din, na wɔabɛyɛ no nkoa no, obiara a ɔdi homeda a ɔngu ho fi, ne wɔn a wɔkura n’apam mu no,

⁷ mede wɔn bɛba me bepɔ kronkron no so, na mama wɔn ani agye me mpaebɔ fie, wɔn hyeɛ afɔdeɛ ne wɔn kum afɔdeɛ bɛsɔ m’ani, m’afɔrebukyia so; na me fie no, wɔbɛfrɛ no mpaebɔ fie ama aman nyinaa.

⁸ AWURADE Nyankopɔn a ɔboa Israel adamfikyi ano no asɛm nie: Mɛkɔ so maboa nnipa ano mapae wɔn a wɔaboa wɔn ano no so.

⁹Wiram mmoadoma nyinaa, mommra mmɛdidi hamham, kwaeɛ mu mmoadoma nyinaa.

¹⁰ N’awɛmfoɔ yɛ anifirafoɔ, wɔn nyinaa nnim de; wɔn nyinaa yɛ akraman mum, wɔntumi mmobɔ mu; wɔyɛ nnamukasafoɔ, deda hɔ, pɛ nna.

¹¹ Na akraman no yɛ adufudepɛfoɔ sɛ, wɔnnim ɔmeeɛ. Nnwanhwɛfoɔ no nso nni nhunumu, wɔn nyinaa adanedane wɔn ani akyerɛkyerɛ wɔn akwan so, obiara hwehwɛ ne mfasoɔ, obiara biara.

¹² Wɔka sɛ: Mommra, momma yɛnkɔ nkɔfa nsa, na yɛnwe nsaden, na ɔkyena bɛyɛ sɛ nnɛ, ɛbɛso aboro so pii.