Read New Revised Asante Twi Bible Yesaia 61 Bible Online

Yesaia 61 - New Revised Asante Twi Bible bible

Yesaia 61

¹ AWURADE Nyankopɔn honhom wɔ me so, ɛfiri sɛ AWURADE asra me ngo sɛ menka asɛmpa menkyerɛ amanehunufoɔ; wasoma me sɛ memmɛkyekyere wɔn a wɔn akoma abubuo werɛ, mempae ahofadie menkyerɛ nnommum ne nneduadan bue menkyerɛ apokyerɛfoɔ,

² na mempae AWURADE anisɔ afe ne yɛn Nyankopɔn aweretɔ da no, menkyekyere abooboodifoɔ nyinaa werɛ,

³menhyehyɛ Sion abooboodifoɔ memma wɔnnɛnso nsi nso mu da ananmu, memma wɔn anika ngo nsi abooboo ananmu, memma wɔn ayeyie ntadeɛ nsi honhom a watɔ bera ananmu, na wɔmfrɛ wɔn tenenee nnua, AWURADE tɛ nnua a ɛhyɛ no animuonyam.

⁴Na wɔbɛkyekyere tete akurofo ama akanefoɔ amamfo so agyina, na wɔayɛ nkuro agoago ne awoɔ ntoatoasoɔ amamfo no foforɔ.

⁵ Na ahɔhoɔ bɛgyina ahwɛ mo nnwan, na ananafoɔ ayeyɛ mo akuafoɔ ne mo turoyɛfoɔ.

⁶ Na mo deɛ, wɔbɛfrɛ mo AWURADE asɔfoɔ, na wɔase mo sɛ: Yɛn Nyankopɔn asomfo; mobɛdi amanaman ahonyadeɛ, na wɔn adedodoɔ mu na mobɛhoahoa mo ho.

⁷ Mo aniwuo no ananmu mobɛnya mmɔho, na ahohora ananmu mobɛdi mo kyɛfa ho ahurisie; ɛno nti mobɛnya mmɔho, mo asase so, daa anigyeɛ bɛyɛ mo dea.

⁸ Na me, AWURADE, medɔ atemmuo, mekyiri atirimuɔden ne adwotwa, na mɛtua wɔn ka nokorɛ mu, na me ne wɔn apam daa apam.

⁹Na wɔbɛhunu wɔn asefoɔ, amanaman mu, ne wɔn mma wɔ aman mu; obiara a n’ani bɔ wɔn soɔ no bɛhu wɔn sɛ wɔyɛ ɔman a AWURADE ahyira wɔn.

¹⁰ AWURADE mu na me ho sɛpɛ me, na me Nyankopɔn mu na me kra di ahurisie, ɛfiri sɛ ɔde nkwagyeɛ atadeɛ ahyɛ me, ɔde tenenee batakari asi me, sɛ ayeforɔkunu a ɔkeka ne ho bɔ n’abotire, ne ayeforɔ a ɔde ne nnwinneɛ hyehyɛ ne ho.

¹¹Na sɛdeɛ asase ma afifideɛ pue na turo ma deɛ wɔadua mu fifire no, saa ara na AWURADE Nyankopɔn bɛma tenenee ne ayeyie afifiri amanaman nyinaa anim.