Read New Revised Asante Twi Bible Lewitikɔs 21 Bible Online

Lewitikɔs 21 - New Revised Asante Twi Bible bible

Lewitikɔs 21

¹ Na AWURADE ka kyerɛɛ Mose sɛ: Kasa kyerɛ Aaron mma asɔfoɔ no na ka kyerɛ wɔn sɛ: Mo mu biara nngu ne ho fi efunu bi ho ne man mu,

²gye ne bogya a ɔbɛn no, ne na ne n’agya ne ne babanin ne ne babaa ne ne nuabarima,

³ne ne nuabaa a ɔyɛ ɔbaabunu a ɔbɛn no a ɔnnya nnyaa kunu, ɔno ho na ɔmma ne ho nkum.

⁴Ɔyɛ ne nkurɔfoɔ mu nipa titire nti, ɔnngu ne ho fi, nanso ɔnnhura ne ho.

⁵ Wɔnnyi wɔn mpampam na wɔnnwɛre wɔn bɔgyesɛ ano, na wɔmmmotabota wɔn honam mu.

⁶Wɔnyɛ kronkron mma wɔn Nyankopɔn, na wɔnnhura wɔn Nyankopɔn din ho, ɛfiri sɛ wɔn na wɔde AWURADE gya afɔdeɛ, wɔn Nyankopɔn aduane no ba; enti wɔnyɛ kronkron.

⁷Wɔnnware ɔbaa dwamamfoɔ bi anaa deɛ ne ho ahura, nanso wɔnnware ɔbaa a ne kunu ako no, ɛfiri sɛ ɔyɛ kronkron ma ne Nyankopɔn.

⁸Na bu no kronkron, ɛfiri sɛ wo Nyankopɔn aduane na ɔde ba; ɔnyɛ onipa kronkron mma wo, ɛfiri sɛ kronkron ne me AWURADE a ɔyɛ mo kronkron no.

⁹Na sɛ ɔsɔfoɔ babaa firi aseɛ bɔ adwaman a, wahura n’agya ho, wɔmfa ogya nhye no.

¹⁰ Na ne nuanom mu sɔfo panin a wɔahwie sra ngo agu n’atifi na wɔde ahyɛ ne nsam sɛ ɔnhyɛ ntadeɛ no, ɔmmpɛsɛ ne ti na ɔnnsunsuane ne ntadeɛ mu,

¹¹na ɔnnkɔ efunu biara ho, n’agya ne ne na ho mpo ɔmmma ne ho nnkum.

¹²Na ɔmmfiri kronkronbea hɔ, na ɔnnhura ne Nyankopɔn kronkronbea ho, ɛfiri sɛ ne Nyankopɔn sra ngo no wɔ n’atifi: Mene AWURADE.

¹³Na ɔno deɛ, ɔbaabunu na ɔnwareɛ;

¹⁴okunafoɔ ne deɛ wɔako no ne deɛ ne ho ahura ne odwamamfoɔ deɛ, ɔnnware yeinom mu biara, na mmom ne man mu baabunu na ɔnwareɛ.

¹⁵Na ɔnnhura n’asefoɔ ho ne man mu: Na mene AWURADE a meyɛ no kronkron.

¹⁶Na AWURADE kasa kyerɛɛ Mose sɛ:

¹⁷Kasa kyerɛ Aaron sɛ: W’asefoɔ awoɔ ntoatoasoɔ mu barima a ɔdi dɛm biara mmma mmmɛfa ne Nyankopɔn aduane no mmma;

¹⁸na obiara a ɔdi dɛm no mmmɛn, onifirani oo, apakye oo, hwento oo, deɛ ne honam biribi boro so oo,

¹⁹deɛ ne nan anaa ne nsa abu oo,

²⁰afu oo, epira oo, deɛ ɛtɛ si n’ani soɔ oo, deɛ ɔyare ntwom oo, ogyatɔni oo, deɛ ne hwewa nnwoa abobɔ oo,

²¹Ɔsɔfoɔ Aaron asefoɔ mu biara a ɔdi dɛm no nntwe mmpini mmmɛfa AWURADE gya afɔdeɛ no mma; ɛdɛm wɔ ne ho, ɔmmfa ne Nyankopɔn aduane no nntwe mmpini.

²²Ne Nyankopɔn aduane, akronkronneɛ mu ade kronkron ɛne akronkronneɛ no deɛ, ɔnni bi.

²³Ntwamutam no ho nko na ɔmmma, na afɔrebukyia no ho na ɔnntwe mmpini, ɛfiri sɛ ɛdɛm wɔ ne ho: Na wanhura m’akronkronneɛ no ho, ɛfiri sɛ mene AWURADE a meyɛ wɔn kronkron.

²⁴Na Mose ka kyerɛɛ Aaron ne ne mma ne Israelfoɔ nyinaa.