Read New Revised Asante Twi Bible Lewitikɔs 27 Bible Online

Lewitikɔs 27 - New Revised Asante Twi Bible bible

Lewitikɔs 27

¹Na AWURADE kasa kyerɛɛ Mose sɛ:

² Kasa kyerɛ Israelfoɔ na ka kyerɛ wɔn sɛ: Sɛ obi hyɛ bɔ titire bi a, nnipa deɛ, wɔnyɛ AWURADE deɛ, sɛdeɛ wobɛbɔ wɔn boɔ.

³Na ɛboɔ a bɔ nie: Ɔbarima a wadi mfirinhyia aduonu de kɔsi mfeɛ aduosia, ɛboɔ a bɔ nyɛ nnwetɛbena aduonum sɛdeɛ kronkronbea dwetɛbena teɛ no.

⁴Na sɛ ɔyɛ ɔbaa a, wo boɔ nnyina nnwetɛbena aduasa;

⁵na sɛ wadi mfeɛ nnum de kɔsi mfeɛ aduonu na sɛ ɔyɛ ɔbarima a, wo boɔ nyɛ nnwetɛbena aduonu, na sɛ ɔyɛ ɔbaa a, nnwetɛbena du.

⁶Na sɛ wadi bosome baako de kɔsi mfeɛ nnum a, wo boɔ a wode bɛbɔ ɔbarima nyɛ nnwetɛbena nnum, na ɔbaa deɛ, wo boɔ nyɛ nnwetɛbena mmiɛnsa.

⁷Na sɛ wadi mfeɛ aduosia anaasɛ deɛ ɛboro saa na ɔyɛ ɔbarima a, wo boɔ nyɛ nnwetɛbena dunum, na sɛ ɔyɛ ɔbaa a, nnwetɛbena du.

⁸Na sɛ ohia aka no a enti ɔntumi mma wo boɔ a wobɔeɛ no a, wɔmfa no mmɛgyina ɔsɔfoɔ no anim, na ɔsɔfoɔ no mmɔ no boɔ; sɛdeɛ deɛ wahyɛ bɔ no nsa bɛso soɔ, na ɔsɔfoɔ no mmɔ no boɔ.

⁹Na sɛ ɛyɛ afieboa a wɔde bi brɛ AWURADE sɛ ayɛyɛdeɛ no bi a, adeɛ a wɔde bi brɛ AWURADE nyinaa yɛ kronkron.

¹⁰Wɔnnsakyera, na wɔmmfa papa nnsesa bɔne anaasɛ bɔne nnsesa papa; na sɛ sesa na wɔde aboa sesa aboa a, ɛnneɛ ɛno ne deɛ wɔde sesaeɛ no nyinaa nyɛ kronkron.

¹¹Na sɛ ɛyɛ aboa biara a ne ho nteɛ a wɔmfa no mmrɛ AWURADE sɛ ayɛyɛdeɛ a, wɔmmfa aboa no mmɛgyina ɔsɔfoɔ anim,

¹²na sɛ ɛyɛ oo, ɛnyɛ oo, ɔsɔfoɔ no mmɔ ne boɔ; sɛdeɛ wo, sɔfoɔ no, bɛbɔ no, saa ara na ɛnnyina.

¹³Na sɛ ɔpɛ sɛ ɔgyeɛ a, ɛnneɛ ɔmfa wo boɔ no abupɛn nnum mu baako nka ho.

¹⁴Na sɛ obi yɛ ne fie kronkron sɛ ɛnyɛ kronkron mma AWURADE a, sɛ ɛyɛ oo, ɛnyɛ oo, ɔsɔfoɔ no mmɔ ne boɔ; sɛdeɛ ɔsɔfoɔ no bɛbɔ no, saa ara na ɛnnyina.

¹⁵Na sɛ deɛ ɔyɛɛ no kronkron no bɛgye ne fie no a, ɔmfa wo boɔ no dwetɛ abupɛn nnum mu baako nto so, na ɛnyɛ ne deɛ.

¹⁶Na sɛ obi yɛ n’asase a ɔdi soɔ kronkron ma AWURADE a, wo boɔ bɔ nyɛ sɛdeɛ n’aduadeɛ teɛ; bɔ atokoɔ a wɔdua homer[4] baako boɔ nnwetɛbena aduonum.

¹⁷Sɛ ɔfiri ahosɛpɛ afahyɛ afe so yɛ n’asase no kronkron a, ɛnnyina wo boɔ no so;

¹⁸na sɛ ahosɛpɛ afahyɛ afe no akyi na ɔyɛ n’asase no kronkron a, ɛnneɛ ɔsɔfoɔ no mmu n’akonta mma no sɛdeɛ mfeɛ a aka na ahosɛpɛ afahyɛ afe aduro no teɛ no, na wɔnte wo boɔ no so.

¹⁹Na sɛ gyeɛ na deɛ ɔyɛɛ asase no kronkron no bɛgyeɛ a, ɔmfa wo boɔ no dwetɛ abupɛn nnum mu baako nto so, na ɛntena ne nsam;

²⁰na sɛ wannye asase no na wɔtɔn ma obi a, wɔnnnye bio,

²¹na sɛ asase no nni wura ahosɛpɛ afahyɛ afe no mu a, ɛnyɛ kronkron mma AWURADE, sɛ asase a wɔahyira so de ama; ɛnyɛ ɔsɔfoɔ no agyapadeɛ.

²²Na sɛ ɔyɛ asase a ɔtɔeɛ a ɛnyɛ n’asase a ɔdi soɔ bi kronkron ma AWURADE a,

²³ɔsɔfoɔ no mmu akonta mma no nkyerɛ no wo boɔ no mu deɛ ɛbɛka akɔsi ahosɛpɛ afahyɛ afe no soɔ, na ɔmma wo boɔ a wobɔeɛ no da no ara; ɛyɛ kronkron ma AWURADE.

²⁴ Ahosɛpɛ afahyɛ afe no so, asase no nsane nkɔyɛ deɛ ɔtɔɔ no ne nkyɛn a ɛyɛ n’asase a ɔdi soɔ no dea.

²⁵Na wo boɔ a wobɛbɔ nyinaa nyɛ sɛdeɛ kronkronbea dwetɛbena no teɛ; gera aduonu yɛ dwetɛbena baako.

²⁶Na afieboa mu mmakan a wɔawo ama AWURADE no nko deɛ, obi nnyɛ wɔn kronkron; nantwie oo, odwan oo, ɛyɛ AWURADE dea.

²⁷Na sɛ ɛyɛ afieboa a wɔn ho nteɛ no bi a, ɛnneɛ ɔnnye no wo boɔ a wobɛbɔ no so, na ɔmfa abupɛn nnum mu baako nto so; na sɛ wɔannye no a, ɛnneɛ wɔntɔn no sɛdeɛ wobɛbɔ ne boɔ.

²⁸ Nso ahyiradeɛ biara a obi bɛhyira so ama AWURADE, adeɛ a ɔwɔ nyinaa mu no, onipa oo, aboa oo, n’asase a ɔdi so oo, ɛno deɛ wɔnntɔn, na wɔnnnye nso; ahyiradeɛ biara yɛ akronkronneɛ mu ade kronkron ma AWURADE.

²⁹ Obiara a wɔabu no kumfɔ no, wɔnnnye; kum na wɔnku no.

³⁰ Na asase no so aduane ntotosoɔ du du a ɛfiri asase so aduadeɛ ne nnua so aba mu no nyinaa yɛ AWURADE dea; ɛyɛ kronkron ma AWURADE.

³¹Na sɛ obi pɛ sɛ ɔgye ne ntotosoɔ du du no bi a, ɔmfa abupɛn nnum mu baako nto so.

³²Na anantwie ne nnwan mu ntotosoɔ du du nyinaa, adeɛ a ɛfa odwanhwɛfoɔ poma ase nyinaa mu deɛ ɛtɔ so du du no, ɛnyɛ kronkron mma AWURADE.

³³Wɔmmpa papa ne bɔne mu, na wɔnnsesa ebi nso; na sɛ obi bɛsesa ebi a, ɛnneɛ ɛno ne deɛ wɔde resesa no nyinaa nyɛ kronkron mma AWURADE; wɔnnnye.

³⁴ Yeinom ne mmara nsɛm a AWURADE de hyɛɛ Mose, Sinai bepɔ soɔ, maa no de kɔmaa Israel mma no.