Read New Revised Asante Twi Bible Yeremia 20 Bible Online

Yeremia 20 - New Revised Asante Twi Bible bible

Yeremia 20

¹Na Imer ba Pasur, ɔsɔfoɔ a ɔyɛ AWURADE fie so titire no tee sɛ Yeremia reka adiyisɛm yi no,

²Pasur boroo Odiyifoɔ Yeremia, na ɔde no bɔɔ duam, Benyamin ponkɛseɛ a ɛwɔ soro, AWURADE fie mu no mu.

³Na adeɛ kyeeɛ no, Pasur yii Yeremia firii dua no mu. Na Yeremia ka kyerɛɛ no sɛ: Ɛnyɛ Pasur[2] na AWURADE ato wo din, na mmom Magormisabib.[3]

⁴Na sɛ AWURADE seɛ nie: Hwɛ, mereyɛ wo ehuyideɛ ama wo ho ne w’adɔfo nyinaa anim, na wɔatotɔ wɔn atamfoɔ afena ano, na w’ani bɛhunu, na mede Yuda nyinaa bɛhyɛ Babel hene nsa, na watu wɔn akɔ Babel, na ɔde afena akunkum wɔn.

⁵ Na mɛyi kuro yi adedodoɔ ne emu mfasodeɛ aboɔdenneɛ nyinaa mama, na mede Yuda ahemfo akoradeɛ nyinaa mahyɛ wɔn atamfoɔ nsa, na wɔafomfom afa akɔ Babel.

⁶Na wo, Pasur, ne wo fiefoɔ nyinaa, mobɛkɔ nnommumfa mu, na wobɛkɔ Babel akɔwu wɔ hɔ, na wɔasie wo wɔ hɔ, wo ne w’adɔfoɔ a wohyɛɛ wɔn nkɔntorɔ no nyinaa.

⁷ Woagyegye me, AWURADE, na mapene nnyegyeɛ no so. Woatintim me so, na woatumi. Madane aseredeɛ daa nyinaa; wɔn nyinaa di me ho fɛw.

⁸ Na daa merekasa a, ɛma meteam, atiritirasɛm ne ɔsɛeɛ na ɛma mesu mefrɛ, na AWURADE asɛm adane me ahohora ne nsopa daa nyinaa.

⁹Na sɛ mese: Merenkae no na meremmɔ ne din menkasa bio, a, na ɛyɛ m’akoma mu sɛ ogya a ɛredɛre a wɔato mu me nnompe mu; mesɔ mu a mebrɛ ho, na mentumi.

¹⁰ Na mate nnipa pii nsekudie, ehu wɔ afa nyinaa, wɔse: Monkɔka, na yɛbɛkɔ akɔka atia no. Nnipa a me ne wɔn nni asɛm biara a wɔtete me ho nyinaa ka sɛ: Ebia ɔbɛma wɔagyegye no, na yɛatumi no, na yɛatɔ yɛn were wɔ ne so.

¹¹ Na AWURADE gyina m’akyiri sɛ dɔmmarima a ne ho yɛ hu, ɛno nti m’atifoɔ bɛsuntisunti, na wɔrentumi. Wɔn ani bɛwuwu sɛ, ɛfiri sɛ ɛrensi wɔn yie, ɛyɛ daa nsopa a werɛ remfire.

¹² Na asafo AWURADE a wosɔ ɔteneneeni hwɛ, hwɛ adwene ne akoma mu. Wɔn so na mɛhunu wo aweretɔ, na wo na mede m’asɛm madane woɔ.

¹³Monto dwom mma AWURADE, monyi AWURADE ayɛ! Na wayi ohiani kra afiri nnipa bɔne nsam.

¹⁴ Nnome nka da a wɔwoo me wɔ mu no! Ɛda a me na woo me no, mma wɔnnhyira no.

¹⁵Nnome nka onipa a ɔde asɛmpa no brɛɛ m’agya sɛ: Wɔawo ɔbabarima ama wo! na ɔde maa n’ani gyee pii no.

¹⁶ Ma onii no nyɛ sɛ nkuro a AWURADE abutubutuo wɔ anibereɛ so no; ma no nte esu anɔpa ne gyegyeegye awia ketee.

¹⁷Sɛ wankum me wɔ ɔyafunu mu, na me na annane me damena na manka ne yafunum daa nti.

¹⁸Adɛn nti mpo na mefirii yafunum firii adie, sɛ merebɛhunu ɔbrɛ ne ahometeɛ, na me nna ahi aniwuo mu!