Read New Revised Asante Twi Bible Hesekiel 48 Bible Online

Hesekiel 48 - New Revised Asante Twi Bible bible

Hesekiel 48

¹ Na yeinom ne mmusuakuo no din: Ɛfiri atifi fam hyeɛ no so, Hetlon kwan nkyɛn mu a ɛrekɔ Hamat, Hasar-Enan, Damasko hyeɛ so, (deɛ ɛhwɛ atifi fam wɔ Hamat nkyɛn mu), na wɔnnya ano apueeɛ ne atɔeɛ, ɛno ne Dan, homa baako.

²Na deɛ ɛdi Dan hyeɛ soɔ ɛfiri apueeɛ de kɔ atɔeɛ no: Aser deɛ, baako;

³na deɛ ɛdi Aser hyeɛ soɔ firi apueeɛ de kɔ atɔeɛ no: Naftali deɛ, baako;

⁴na deɛ ɛdi Naftali hyeɛ soɔ firi apueeɛ de kɔ atɔeɛ no: Manase deɛ, baako;

⁵na deɛ ɛdi Manase hyeɛ soɔ firi apueeɛ de kɔ atɔeɛ no: Efraim deɛ, baako;

⁶na deɛ ɛdi Efraim hyeɛ soɔ firi apueeɛ de kɔ atɔeɛ no: Ruben deɛ, baako;

⁷na deɛ ɛdi Ruben hyeɛ soɔ firi apueeɛ de kɔ atɔeɛ no: Yuda deɛ, baako.

⁸ Na deɛ ɛdi Yuda hyeɛ soɔ firi apueeɛ de kɔ atɔeɛ no nyɛ mmasoɔ asase a momma soɔ no, ne trɛ nyɛ basafa mpem dummienu ne ahanum. Na ne ntwemu nyɛ sɛ kyɛfa no bi mfiri apueeɛ nkɔsi atɔeɛ, na kronkronbea no nna mfimfini.

⁹Mmasoɔ asase a monyi mma AWURADE no ntwemu nie: Susuo basafa mpem dummienu ne ahanum, na ne trɛ yɛ mpem du.

¹⁰Na wɔn a mmasoɔ asase kronkron yi nyɛ wɔn deɛ nie: Asɔfoɔ deɛ, atifi fam basafa mpem dummienu ne ahanum, atɔeɛ fam trɛ nyɛ mpem nnum, apueeɛ fam trɛ mpem nnum, na anafoɔ fam ntwemu mpem dummienu ne ahanum, na AWURADE kronkronbea no nna mfimfini.

¹¹ Ɛnyɛ asɔfoɔ a wɔayɛ wɔn kronkron, Sadok mma mu, a wɔayɛ me som adwuma no a wɔamfom, Israelfoɔ fom no mu, sɛdeɛ Lewifoɔ no fomeeɛ no,

¹²na wɔnnya asase no mmasoɔ mu deɛ wɔama soɔ, akronkronneɛ mu adekronkron, Lewifoɔ no hyeɛ ho.

¹³Na Lewifoɔ no nnya asɔfoɔ hyeɛ no nkyɛn mu ntwemu mpem dummienu ne ahanum na ne trɛ yɛ mpem nnum; ntwemu nyinaa nyɛ mpem dummienu ne ahanum, na ne trɛ nyɛ mpem nnum.

¹⁴Na wɔnntɔn mu bi, na wɔnnsesa, na wɔnnane asase no adeɛ a ɛdi kan no mmma, na ɛyɛ kronkron ma AWURADE.

¹⁵Na basafa mpem mmienu ahanum a ɛka ne trɛ mu, mpem dummienu ne ahanum no mu no nyɛ anihumafoɔ adeɛ mma kuro no sɛ wɔn tenabea ne ɛho asase, na kuro no nna mfimfini.

¹⁶Na ne nsusuiɛ nie: Atifi fam ano: Basafa mpem mmienu ahanu aduonum; na anafoɔ fam ano: Mpem mmienu ahanu ne aduonum; na apueeɛ ano: Mpem mmienu ahanu ne aduonum; na atɔeɛ fam ano: Mpem mmienu ahanu ne aduonum.

¹⁷ Na kuro no nnya mmoa adidibea nsase: Basafa ɔha ne aduonu nnum atifi fam, ne anafoɔ, basafa ɔha ne aduonu nnum, ne atɔeɛ fam basafa ɔha ne aduonu nnum.

¹⁸Na deɛ aka wɔ mmasoɔ asase kronkron no nkyɛn mu, apueeɛ no, basafa mpem nnum ne atɔeɛ basafa mpem nnum no, ɛnna mmasoɔ asase kronkron no nkyɛn mu na ne nnɔbaeɛ nyɛ kuro no adwumayɛfoɔ aduane;

¹⁹na kuro no adwumayɛfoɔ deɛ, wɔbɛfiri Israel mmusuakuo nyinaa mu abɛyɛ so adwuma.

²⁰Mmasoɔ asase no nyinaa yɛ basafa mpem dummienu ahanum, mmasoɔ asase kronkron no nyɛ ahinanan na ɛnka kuro no deɛ no ho.

²¹ Na nkaeɛ no nyɛ ɔberempɔn no deɛ, mmasoɔ asase kronkron ne kuro no deɛ no ho, ɛha ne ɛha, deɛ ɛda mmasoɔ asase no ho yɛ basafa mpem dummienu ne ahanum no ho kɔsi apueeɛ hyeɛ so, ne atɔeɛ fam deɛ a ɛda mpem dummienu ne ahanum no ho kɔsi atɔeɛ hyeɛ so ma no sesɛ mmusuakuo no kyɛfa soɔ no, ɛnyɛ ɔberempɔn no deɛ, na mmasoɔ asase kronkron ne asɔrefie no kronkronbea no nna ntam.

²²Na ɛfiri Lewifoɔ no kyɛfa ne kuro no kyɛfa a ɛda ɔberempɔn no deɛ no ntam no soɔ, deɛ ɛda Yuda hyeɛ ne Benyamin hyeɛ ntam no nyɛ ɔberempɔn no deɛ.

²³Na mmusuakuo a aka no deɛ nie: Ɛfiri apueeɛ de kɔ atɔeɛ no, Benyamin deɛ, baako;

²⁴na deɛ ɛdi Benyamin hyeɛ soɔ firi apueeɛ de kɔ atɔeɛ no: Simeon deɛ, baako;

²⁵na deɛ ɛdi Simeon hyeɛ so firi apueeɛ de rekorɔ no: Isakar deɛ, baako;

²⁶na deɛ ɛdi Isakar hyeɛ soɔ firi apueeɛ de kɔ atɔeɛ no: Sebulon deɛ, baako;

²⁷na deɛ ɛdi Sebulon hyeɛ so firi apueeɛ de kɔ atɔeɛ no: Gad deɛ, baako;

²⁸ na Gad hyeɛ a ɛwɔ anafoɔ fam a ɛkyerɛ nifa no so hyeɛ no mfiri Tamar mfa ɔham nsuo a ɛwɔ Kades ne Misraim subonhwa no nkɔsi Ɛpo Kɛseɛ no ano.

²⁹Yei ne asase a momfa ntonto nkyɛ mma Israel mmusuakuo na wɔnni soɔ no, na yeinom ne wɔn kyɛfa, AWURADE Nyankopɔn asɛm nie.

³⁰Na yeinom ne kuro no ho apono: Atifi fam deɛ no nsusuiɛ yɛ basafa mpem mmienu ahanu aduonum;

³¹ na kuro no aponkɛseɛ no wowɔ Israel mmusuakuo no din: Atifi fam aponkɛseɛ mmiɛnsa: Ruben ponkɛseɛ, baako; Yuda ponkɛseɛ, baako; Lewi ponkɛseɛ, baako.

³²Na apueeɛ fam deɛ no: Basafa mpem mmienu ahanu aduonum ne aponkɛseɛ mmiɛnsa: Yosef ponkɛseɛ, baako; Benyamin ponkɛseɛ baako, ne Dan ponkɛseɛ no.

³³Na anafoɔ fam deɛ no nsusuiɛ: Basafa mpem mmienu ahanu ne aduonum ne aponkɛseɛ mmiɛnsa: Simeon ponkɛseɛ, baako; Isakar ponkɛseɛ, baako; Sebulon ponkɛseɛ, baako.

³⁴Atɔeɛ fam deɛ no: Basafa mpemnan ahanum, n’aponkɛseɛ mmiɛnsa: Gad ponkɛseɛ, baako; Aser ponkɛseɛ, baako, ne Naftali ponkɛseɛ no.

³⁵ Deɛ ɛtwa ho hyia yɛ basafa mpem nkron. Na ɛfiri da no, kuro no din ne: AWURADE wɔ hɔ.