Read New Revised Asante Twi Bible Hosea 13 Bible Online

Hosea 13 - New Revised Asante Twi Bible bible

Hosea 13

¹Efraim rekasa a, ɛyɛ hu; ɔmaa ne ho so Israel mu, ɛnna Baal nti ɔdii so, na ɔwui.

² Na afei wɔkɔ so yɛ bɔne, na wɔde wɔn dwetɛ yɛ guo ahoni ne wɔn nhunumu ano adwinhoni; ɛyɛ adwumfoɔ adwuma ara nko; wɔka no wɔ wɔn ho sɛ, nnipa a wɔbɔ afɔdeɛ no ma wɔmfe anantwie mma ano.

³ Saa nti wɔbɛyɛ sɛ anɔpa mununkum ne obosuo a ɛtua nhema korɔ, sɛ ntɛtɛ a ahum hwim firi ayuporebea ne wisie a ɛtu fa mpomma mu korɔ no.

⁴ Nso mene AWURADE wo Nyankopɔn de firi Misraim asase so, na wonnim Onyankopɔn biara sɛ me nko, na ɔgyefoɔ biara nni m’akyi.

⁵ Me na mehunuu wo ɛserɛ no soɔ, sukɔm asase no so.

⁶ Ɛberɛ a wɔnyaa adidibea pa no, wɔmee, wɔmee na wɔn akoma maa ne ho so, enti wɔn werɛ firii me.

⁷ Saa nti, meyɛɛ wɔn sɛ gyata, metɛɛ ɔkwan mu sɛ ɔsebɔ.

⁸Mɛto mahyɛ wɔn so sɛ sisire a wɔafa ne mma, na matete wɔn koko a wɔn akoma da mu no, na mawe wɔn hɔ sɛ gyatabereɛ; wiram mmoa bɛsunsuane wɔn mu.

⁹ Meyɛ wo boafoɔ deɛ, nanso wɔrebɛsɛe wo, O Israel!

¹⁰ Ɛhefa na afei wo hene no wɔ, na ɔnnye wo wo nkuro nyinaa mu, ne w’atemmufoɔ a wokaa sɛ: Ma me ɔhene ne mmapɔmma no?

¹¹Memaa wo ɔhene m’abufuo mu, na meyii no hɔ m’anibereɛ mu.

¹²Wɔakyekyere Efraim amumuyɛ, wɔde ne bɔne asie.

¹³ Ɔwofoɔ awoɔ bɛka no; ɔno deɛ, ɔyɛ ɔba a ɔnni nyansa, sɛ ɛduru ne berɛ so a, ɔmmmɛgyina deɛ mma fa mu siane hɔ.

¹⁴ Mɛgye wɔn mafiri Asamando nsam anaa? Mɛgye wɔn owuo mu anaa? Owuo, ɛhe na wo nwowɔeɛ wɔ? Asamando, ɛhe na wo sɛeɛ wɔ? Ahonu ahunta afiri m’ani so.

¹⁵ Na ɔbɛso aba ne nuanom mu. Apueeɛ ahum bɛtu, AWURADE mframa firi ɛserɛ so bɛbɔ, na n’asubura mu awe, na ne nsuo aniwa to atwa; na ɔbɛfom adekoradan mu afɛfɛdeɛ nyinaa.

¹⁶Samaria tiri ato, sɛ wate ne Nyankopɔn anim atua; afena ano na wɔbɛtotɔ; wɔbɛte wɔn nkokoaa abobɔ hɔ, na wɔapaepae wɔn anyinsɛnfoɔ mu.