Read New Revised Asante Twi Bible Hosea 7 Bible Online

Hosea 7 - New Revised Asante Twi Bible bible

Hosea 7

¹Meresa Israel yadeɛ yi, na Efraim amumuyɛ ne Samaria nnebɔne reda adi; na wɔdi atorɔ, na owifoɔ bubu ba mu, akwanmukafoɔ asafo nso fom fa wɔ mmorɔno so.

²Na wɔnka no wɔn akoma mu sɛ mekaa wɔn bɔneyɛ nyinaa; afei wɔn nneyɛɛ atwa wɔn ho ahyia, ɛgu m’anim.

³Wɔde wɔn bɔneyɛ ma ɔhene ani gye, na wɔde wɔn atorosɛm yɛ mmapɔmma saa ara.

⁴Wɔn nyinaa yɛ awaresɛefoɔ, te sɛ ɔfononoo a paanootoni ahyɛ mu gya na ɔgyae mu pia firi mmɔre feteɛ so kɔsi ne ka soɔ.

⁵ Yɛn hene afahyɛ da mu no, nsaborɔ bɔɔ mmapɔmma yadeɛ. Ɔne afɛdifoɔ di nsawɔsoɔ.

⁶Na wɔasiesie wɔn akoma sɛ fononoo, wɔn atirisopam no mu. Wɔn paanootoni da anadwo nyinaa, anɔpa ɛdɛre sɛ ogya framfram.

⁷Wɔn nyinaa mu ayɛ hye sɛ fononoo, na wɔdi wɔn atemmufoɔ nam; wɔn ahemfo nyinaa totɔ. Obi nni wɔn mu a ɔfrɛ me.

⁸Efraim de ne ho fra aman mu; Efraim yɛ ɔfam a wɔankusa.

⁹Ahɔhoɔ adi n’ahoɔden, nso ɔnnim; ɛdwono nso ahura ne tirim, nso ɔnnim.

¹⁰Na Israel ahantan di n’anim adanseɛ, na wɔnsane mma AWURADE wɔn Nyankopɔn nkyɛn, na wɔnhwehwɛ no yei nyinaa mu.

¹¹ Na Efraim adane sɛ aburuburo, ɔkwasea a ɔnni ti; wɔrepɛ Misraim hɔ mmoa no, na wɔredan Asiria nso.

¹²Wɔrekorɔ no, mɛtrɛ me ntentan mu makata wɔn so; mɛduru wɔn sɛ ewiem nnomaa; mɛtwe wɔn aso, na wɔn asafo bɛte nka.

¹³ Wɔnnue, ɛfiri sɛ wɔadwane me; ɔsɛeɛ mmra wɔn so, ɛfiri sɛ wɔato me mmara; na me deɛ, anka mɛgye wɔn, nanso wɔdi me ho torɔ.

¹⁴Na wɔnsu mfrɛɛ me wɔn akoma mu, na wɔbobom wɔn, nnaeɛ so; ayuo ne nsa nti na wɔdi nkyeresoɔ, wɔte m’anim atua.

¹⁵Me deɛ, makyerɛkyerɛ, na mahyɛ wɔn basa mu den, nanso ɛpɔ bɔne na wɔbɔ no me ho.

¹⁶ Wɔsane wɔn akyi, nanso wɔmma ɔsorosoroni[7] no nkyɛn, wɔayɛ sɛ tadua a agoɔ: Afena ano na wɔn mmapɔmma bɛtotɔ, nkeka a wɔn tɛkyerɛma yɛ nti; yei bɛma wɔadi wɔn ho fɛw Misraim asase so.