Read New Revised Asante Twi Bible Amos 7 Bible Online

Amos 7 - New Revised Asante Twi Bible bible

Amos 7

¹Sei na AWURADE Nyankopɔn maa mehunuiɛ, na hwɛ, na ɔrenwono ntutummɛ, ɛberɛ a akyire yi wira firi aseɛ fifire, na hwɛ, ɛyɛ ɔhene wiratwa akyiri wira.

²Na wɔbɛdii asase so ahahan wieeɛ no, mebisaa sɛ: O AWURADE Nyankopɔn, mekoto srɛ wo, fa kyɛ! Yakob bɛgyina sɛn? Ɔsua dodo?

³AWURADE sakyeraa n’adwene yei ho: Ɛrenyɛ hɔ! AWURADE na ɔseɛ.

⁴Sei na AWURADE Nyankopɔn maa mehunuiɛ, na hwɛ, AWURADE Nyankopɔn refrɛ ogya abɛtwe aso, na ɛbɛhyee ebunu bayaa no, na na ɛrehye asase no bi.

⁵Na mese: O AWURADE Nyankopɔn, gyae ɛ! Mekoto srɛ wo. Yakob bɛgyina sɛn? Ɔsua dodo?

⁶AWURADE sakyeraa n’adwene yei ho. Yei nso renyɛ hɔ! AWURADE Nyankopɔn na ɔseɛ.

⁷Sei na ɔmaa mehunuiɛ, na hwɛ, Awurade gyina ɔfasuo kyirebenn so, na kyirebennyɛ homa kura ne nsam.

⁸ Na AWURADE ka kyerɛɛ me sɛ: Amos, ɛdeɛn na wohunu yi? Na mese: Kyirebennyɛ homa. Na AWURADE kaa sɛ: Hwɛ, mede kyirebennyɛ homa bɛsi me man Israel mfimfini, merenkɔ so mensiane wɔn mu bio.

⁹Na Isak sorɔnsorɔmmea no bɛdanedane amamfo, na Israel kronkrommea no ayɛ agoago, na mede afena bɛsɔre atia Yeroboam fie.

¹⁰ Ɛnna Betel sɔfoɔ Amasia soma maa wɔkɔɔ Israelhene Yeroboam nkyɛn sɛ: Amos apam wo tiri so, Israel fie mfimfini, ne nsɛm no nyinaa rensene asase yi so.

¹¹Na sɛ Amos seɛ nie: Afena ano na Yeroboam bɛwuo, na Israel bɛtu afiri n’asase so akɔ.

¹² Na Amasia ka kyerɛɛ Amos sɛ: Ɔdehunufoɔ, kɔ. Bɔ wo ho adwaa kɔ Yuda asase so, na kɔdidi hɔ na hyɛ nkɔm wɔ hɔ.

¹³Na nkɔ so nhyɛ nkɔm Betel bio, ɛfiri sɛ ɛyɛ ɔhene kronkronbea, na ɛyɛ ahennie fie nso.

¹⁴ Ɛnna Amos bua see Amasia sɛ: Ɛnyɛ odiyifoɔ ne me na ɛnyɛ odiyifoɔ ba ne me; na meyɛ mmoahwɛfoɔ ne ɔdɔma so hwɛfoɔ.

¹⁵Na AWURADE faa me firii nnwan akyiridie, na AWURADE ka kyerɛɛ me sɛ: Kɔ na kɔhyɛ nkɔm kyerɛ me man Israel.

¹⁶ Na afei tie AWURADE asɛm: Wo deɛ, woka sɛ: Nhyɛ nkɔm ntia Israel, na nsosɔ ngu Isak fie so.

¹⁷Enti sɛ AWURADE seɛ nie: Wo yere bɛdane odwamamfoɔ, kuro no mu, na wo mmabanin ne wo mmammaa bɛtotɔ afena ano, na w’asase no, wɔde homa bɛkyɛ mu, na wo deɛ, wobɛwu asase a ɛso akum so, na Israel bɛtu afiri n’asase so akɔ.