Read New Revised Asante Twi Bible 1 Korintofoɔ 3 Bible Online

1 Korintofoɔ 3 - New Revised Asante Twi Bible bible

1 Korintofoɔ 3

¹ Na me nso, anuanom, mantumi ne mo ankasa sɛ honhom mufoɔ, na mmom sɛ honam mufoɔ, sɛ Kristo mu nkɔkoaa.

² Nufoɔ na mede memaa monomeeɛ na nyɛ aduane, ɛfiri sɛ na montumi nnye, na seesei ara mpo, montumi.

³ Na moda so ara yɛ honam mufoɔ. Na ɛberɛ a ahoɔyea ne aperepereɛ wɔ mo mu yi, monyɛ honam mufoɔ, na ɛnyɛ nnipasɛm na moredi yi anaa?

⁴ Na sɛ obi se: Me deɛ, mewɔ Paulo afa, anaasɛ me deɛ mewɔ Apolo afa a, na monyɛ honam mufoɔ anaa?

⁵ Na Apolo ne hwan? Paulo ne hwan? Wɔyɛ asomfoɔ a monam wɔn so agye adie, na wɔn mu biara wɔ deɛ Awurade de ama no.

⁶ Me deɛ, meduae, Apolo guguu so nsuo, nanso Onyankopɔn na ɔmaa no nyiniiɛ.

⁷Enti ɛnyɛ deɛ ɔdua, na ɛnyɛ deɛ ɔgugu so nsuo na ɔyɛ biribi, na mmom Onyankopɔn a ɔma no nyini no a.

⁸ Na deɛ ɔdua ne deɛ ɔgugu so nsuo yɛ baako, na wɔn mu biara bɛnya n’akatua sɛdeɛ ɔno ara n’adwuma teɛ.

⁹ Na yɛyɛ Nyankopɔn adwumayɛfoɔ, a yɛne no bom yɛ adwuma; moyɛ Nyankopɔn afuo, Nyankopɔn dan.

¹⁰ Nyankopɔn adom a ɔde adom me no so na menam meto fapem sɛ ɔdansifoɔ nyansafoɔ, na obi to so; na obiara a ɔto soɔ no nhwɛ sɛdeɛ ɔto so fa.

¹¹ Na fapem foforɔ deɛ, obiara rentumi nto nka deɛ ɛhyɛ hɔ dada a, ɛne Yesu Kristo no ho.

¹²Nanso sɛ obi de sikakɔkɔɔ, dwetɛ, abohene, nnua, ɛserɛ, aburoodua to fapem yi so a,

¹³ obiara adwuma bɛda adi, na Ɛda no bɛyi no adi, ɛfiri sɛ ogya mu na ɛbɛda adie, na sɛdeɛ obiara adwuma teɛ no ogya no bɛsɔ ahwɛ;

¹⁴sɛ obi adwuma a wato asi soɔ gyina a, ɔbɛnya akatua.

¹⁵Sɛ obi adwuma hye a, ɔbɛhwere adeɛ; ɔno ara deɛ wɔbɛgye no nkwa, nanso ɛte sɛ deɛ ɛnam ogya mu.

¹⁶ Monnim sɛ moyɛ Nyankopɔn asɔredan na Nyankopɔn honhom te mo mu anaa?

¹⁷Sɛ obi sɛe Nyankopɔn asɔredan a, sɛeɛ na Onyankopɔn bɛsɛe no; ɛfiri sɛ Nyankopɔn asɔredan ho te, na ɛne mo ara.

¹⁸ Obiara nnnaadaa ne ho. Sɛ obiara susu sɛ ɔyɛ onyansafoɔ mo mu, wiase a, ma no nyɛ kwasea na wayɛ onyansafoɔ.

¹⁹ Na wiase nyansa yɛ nkwaseasɛm wɔ Nyankopɔn anim; ɛfiri sɛ wɔatwerɛ sɛ: Ɔkyere anyansafoɔ wɔn aniteɛ mu.

²⁰ Na bio: Awurade nim anyansafoɔ nsusuiɛ sɛ ɛyɛ nsusuiɛ hunu.

²¹Enti obiara nnhoahoa ne ho nnipa fam; na nnoɔma nyinaa wɔ mo,

²²Paulo oo, Apolo oo, Kefa oo, wiase oo, nkwa oo, owuo oo, ɛnnɛ deɛ oo, daakye oo, nnoɔma nyinaa wɔ mo,

²³ na mo nso mowɔ Kristo, na Kristo nso wɔ Onyankopɔn.