Read New Revised Asante Twi Bible 3 Yohane 1 Bible Online

3 Yohane 1 - New Revised Asante Twi Bible bible

3 Yohane 1

¹ Me, ɔpanin no twerɛ kɔma ɔdɔfo Gaio a medɔ no nokorɛ mu.

²Ɔdɔfo, mebɔ mpaeɛ sɛ, adeɛ nyinaa mu, ɛnsi wo yie, na nya ahoɔden sɛdeɛ asi wo kra yie no.

³ Ɛberɛ a anuanom bi baeɛ, na wɔbɛdii wo nokorɛdie ho adanseɛ, sɛdeɛ wonam nokorɛ mu no, m’ani gyee sɛ.

⁴Menni anigyeɛ a ɛsene yei, sɛ mete sɛ me mma nam nokorɛ mu.

⁵Ɔdɔfo, deɛ woyɛ ma anuanom a wɔyɛ ahɔhoɔ no, ne kwan so ara ne no.

⁶ Wɔn nso adi wo dɔ no ho adanseɛ asafo no anim. Na wogya wɔn kwan sɛdeɛ ɛsɛ, Nyankopɔn anim a, na woayɛ no yie.

⁷ Na ne din nti na wɔnam, na wɔannye amanaman mufoɔ no hɔ biribiara.

⁸ Enti na ɛsɛ yɛn sɛ yɛgye saa nkurɔfoɔ no, na yɛayɛ yɔnko adwumayɛfoɔ ama nokorɛ no.

⁹Metwerɛ mekɔmaa asafo no. Na Diotrefe a ɔrepɛ wɔn mu panin adie no nnye yɛn nto mu.

¹⁰Yei nti, sɛ meba a, mɛkae ne nnwuma a ɔyɛ no, sɛ ɔkeka yɛn ho nsɛmmɔne, na yei mpo annɔɔso amma no, na ɔno ara nnye anuanom no nto mu, na ɔsi wɔn a wɔpɛ sɛ wɔyɛ saa no kwan, na ɔtu wɔn firi asafo no mu.

¹¹ Ɔdɔfo, nhwɛ bɔne nsua, na mmom hwɛ papa sua. Deɛ ɔyɛ papa no firi Nyankopɔn mu, na deɛ ɔyɛ bɔne no nhunuu Onyankopɔn.

¹² Demetrio deɛ, wɔn nyinaa di ne ho adanseɛ wɔ nokorɛ mu, na yɛn nso yɛdi ne ho adanseɛ, na monim sɛ yɛn adanseɛ yɛ nokorɛ.

¹³ Anka mewɔ nsɛm pii metwerɛ, nanso mempɛ sɛ mede adubire ne twerɛdua metwerɛ mebrɛ mo.

¹⁴Na m’ani da so sɛ mɛhu mo ntɛm na yɛde ano ne ano akasa.

¹⁵Asomdwoeɛ nka mo. Nnamfonom no kyeakyea mo. Bobɔ nnamfonom no din mmaako mmaako kyea wɔn.