Read new_tumbuka_bible Mutendeko 5 Bible Online

Mutendeko 5 - new_tumbuka_bible bible

Mutendeko 5

¹Iyi ndi miwiro ya ŵana ŵa Adamu. Mu zuŵa ilo Chiuta wakalenga munthu, wakamulenga iyo mu chikozgo cha Chiuta.

²Wakaŵalenga mwanarume na mwanakazi, wakaŵatumbika na kuŵathya iwo zina lakuti “Munthu”.

³Para Adamu wakakhara virimika 130, wakababaso mwana mwanarume wakuŵa nga ndiyo wa mu chikozgo chakhe, ndipo wakamuthya zina lakuti Seti.

⁴Adamu wakakhara virimika 800 wakati wababa Seti. Wakababaso ŵana ŵanyakhe, ŵanarume na ŵanakazi.

⁵Ntheura Adamu wakakhara virimika 930, ndipo wakafwa.

⁶Para Seti wakakhara virimika 105, wakababa Enoshi.

⁷Seti wakakhara virimika 807 wakati wakababa Enoshi. Wakababaso ŵana ŵanyakhe, ŵanarume na ŵanakazi.

⁸Ntheura mu umoyo wakhe wose Seti wakakhara virimika 912, ndipo wakafwa.

⁹Para Enoshi wakakhara virimika 90 wakababa Kanani.

¹⁰Enoshi wakati wababa Kanani, wakakhara virimika 815. Wakababaso ŵana ŵanyakhe, ŵanarume na ŵanakazi.

¹¹Ntheura mu umoyo wakhe wose Enoshi wakakhara virimika 905, ndipo wakafwa.

¹²Para Kanani wakakhara virimika 70, wakababa Mahalalele,

¹³Kanani wakati wababa Mahalalele, wakakhara virimika 840. Wakababaso ŵana ŵanyakhe, ŵanarume na ŵanakazi.

¹⁴Ntheura mu umoyo wakhe wose Kanani wakakhara virimika 910, ndipo wakafwa.

¹⁵Para Mahalalele wakakhara virimika 65, wakababa Yaredi.

¹⁶Ndipo Mahalalele wakati wababa Yaredi, wakakhara virimika 830. Wakababaso ŵana ŵanyakhe, ŵanarume na ŵanakazi.

¹⁷Ntheura mu umoyo wakhe wose Mahalalele wakakhara virimika 895, ndipo wakafwa.

¹⁸Para Yaredi wakakhara virimika 162, wakababa Enoki.

¹⁹Sono Yaredi wakati wababa Enoki, wakakhara virimika 800. Wakababaso ŵana ŵanyakhe, ŵanarume na ŵanakazi.

²⁰Ntheura mu umoyo wakhe wose Yaredi wakakhara virimika 962, ndipo wakafwa.

²¹Para Enoki wakakhara virimika 65, wakababa Methusela.

²²Enoki wakati wababa Methusela, iyo wakaŵa mu uwenenawene na Chiuta virimika 300, ndipo wakababa ŵana ŵanyakhe, ŵanarume na ŵanakazi.

²³Ntheura mu umoyo wakhe wose Enoki wakakhara virimika 365.

²⁴Enoki wakaŵa mu uwenenawene na Chiuta. Iyo kuti wakawonekaso chara, pakuti Chiuta wakamutora.

²⁵Para Methusela wakakhara virimika 87, wakababa Lameki.

²⁶Methusela wakati wababa Lameki wakakhara virimika 782. Wakababaso ŵana ŵanyakhe, ŵanarume na ŵanakazi.

²⁷Ntheura mu umoyo wakhe wose Methusela wakakhara virimika 969, ndipo wakafwa.

²⁸Para Lameki wakakhara virimika 182, wakababa mwana mwanarume.

²⁹Wakamuthya zina lakuti Nowa,[5] wakati, “Kufuma ku charu icho FUMU yili kuchitemba, mweneuyu ndiyo wati watipepuske ku mlimo withu na ku vyakuŵinya vya kutokatoka kwa mawoko ghithu.”

³⁰Lameki wakati wababa Nowa wakakhara virimika 595. Wakababaso ŵana ŵanyakhe, ŵanarume na ŵanakazi.

³¹Ntheura mu umoyo wakhe wose Lameki wakakhara virimika 777, ndipo wakafwa.

³²Para Nowa wakaŵa na virimika 500, wakababa Shemu, Hamu na Yafeti.