Read new_tumbuka_bible 2 Samuele 23 Bible Online

2 Samuele 23 - new_tumbuka_bible bible

2 Samuele 23

¹Mazgu gha umaliro gha Davide ndi agha: “Mazgu gha Davide mwana wa Yese, mazgu gha uyo wakakwezgeka pachanya nkhanira, gha wakuphakazgika wa Chiuta wa Yakhobe, munthu wakutemwa kwimba sumu za kurumba mu Israele.

²“Mzimu wa FUMU ukuyowoya mwa ine, mazgu ghakhe ghali mu lulimi lwane.

³Chiuta wa Israele wayowoya, Jarawe la Israele layowoya kwa ine kuti, ‘Munthu uyo wakuwusa ŵanthu mu urunji, pakuŵawusa kuti wopenge Chiuta,

⁴wali nga ndi kuŵala kwa mulenje, wali nga ndi dazi lakufuma ku mulenje wambula maŵingu. Wali nga ndi ungweru pamanyuma pa vura, uko kukumezga utheka mu charu.’

⁵“Asi mbumba yane njakufikapo panthazi pa Chiuta? Iyo wali kuchita phangano la muyirayira na ine, la kurongosoreka makora na la kukhora mu vyose. Asi Chiuta ndiyo wizamkundipa ine kuchita makora mu ivyo ine nkhukhumba ndiposo na ivyo vingandiponoska?

⁶Kweni ŵaheni wose ŵasezgeke nga ndi minga, pakuti ŵangakoreka na woko chara.

⁷Munthu uyo wakuyikora wakuŵa na visulo panji luthi lwa mukondo, ndipo minga yikocheka pa moto nyengo yeneiyo.”

⁸Mazina gha vinkhara vya Davide ivyo wakaŵa navyo ndi agha: Yoshebu Bashebeti wa ku Takemoni. Iyo wakaŵa murongozgi murara wa ŵarongozgi ŵatatu ŵa ŵasilikari. Wakarwa nkhondo yekha na yekha na ŵanthu 800 ndipo wakaŵakoma wose pa nyengo yimoza.

⁹Wa chiŵiri wakaŵa Eleyazara, mwana wa Dodo wa fuko la Ahohi. Iyo wakaŵa na Davide para ŵakavya ŵaFilisiti awo ŵakuwungana malo ghanji kuti ŵarwe nkhondo. Pamanyuma ŵasilikari ŵa ŵaIsraele ŵakawerera nyuma.

¹⁰Kweni Eleyazara wakakhalira na kurwa nkhondo na ŵaFilisiti mpaka woko vikalema na kuziririkira ku lupanga. Ndipo FUMU yikathereska ŵaFilisiti ŵanandi zuŵa lenelira. Pamanyuma ŵasilikari ŵa ŵaIsraele ŵakawerera kwa Eleyazara ndipo wakaya kaŵavura malaya ŵanthu ŵakufwa.

¹¹Wa chitatu wakaŵa Shama mwana wa Agi muHarara. ŴaFilisiti ŵakawungana pamoza pa malo gha Lehi apo pakaŵa munda wa nchunga zinandi. Ndipo penepara ŵasilikari ŵa ŵaIsraele ŵakaŵachimbira ŵaFilisiti.

¹²Kweni Shama wakimilira nganganga pakatikati pa munda ura. Wakawuvikirira munda ura pakukoma ŵaFilisiti ndipo FUMU yikaŵathereska ŵaFilisiti ŵanandi.

¹³Ŵarongozgi ŵa ŵasilikari ŵatatu mwa ŵarongozgi ŵasilikari 30, ŵakiza kwa Davide mu nyengo ya kukorora, apo wakaŵa ku mphanji ya Adulamu. Pa nyengo iyi ŵasilikari ŵa ŵaFilisiti wakazenga misasa yawo mu dambo la Refayimu.

¹⁴Pa nyengo iyo Davide wakaŵa wali mu linga, ndipo ŵaFilisiti ŵakaŵa mu msumba wa Betelehemu.

¹⁵Davide wakakhumba kumwa maji ndipo wakati, “Mbaya mwe waŵengeko munthu yumoza kuti wandipeko maji ghakumwa gha mu chisimi cha mu Betelehemu icho chili pafupi na chipata.”

¹⁶Ntheura vinkhara vitatu vira vikanjira mukati mu misasa ya ŵasilikari ŵa ŵaFilisiti na kuya kanegha maji mu chisimi pafupi chipata mu msumba wa Betelehemu na kwiza nagho kwa Davide. Kweni Davide wakakana kumwa. Mu malo mwakhe, wakaghathira pasi nga ndi sembe kwa FUMU.

¹⁷Ndipo Davide wakati, “Chindiŵire kutali chinthu ichi, Mwe FUMU. Kuti ndingamwa maji agha chara agho ghali nga ndi ndopa za ŵanthu aŵa, ŵeneawo ŵakazomera kuruta na kuŵika umoyo wawo mu urwani.” Ntheura ndimo vikachitira vinkhara vitatu vira.

¹⁸Abishayi mwana munyakhe wa Yowabu, mwana ŵa Zeruya wakaŵa murongozgi murara yumoza wa vinkhara 30.[10] Iyo wakarwa nkhondo na ŵasilikari ŵa ŵaFilisiti ŵakukwana 300 ndipo wakaŵakoma wose na mukondo wakhe. Ntheura wakajitorera lumbiri pa dera pa vinkhara vitatu.

¹⁹Wakaŵa wakumanyikwa chomene kuruska wose 30, ndipo ŵakamwimika kuŵa murara wawo wa ŵasilikari, kweni wakafikapo pa vinkhara vira vitatu chara.

²⁰Benaya mwana Yehoyada wakaŵa musilikari wa chikanga mu msumba wa Kabizeyele. Iyo wakachita vinthu vikuru vinandi. Wakakoma vinkhara viŵiri vya charu cha Mowabu, ndipo wakaruta ku chibuwu na kukoma nkharamu pa nyengo ya chiwuvi.

²¹Benaya wakakomaso muEguputo uyo wakaŵa wakutowa chomene. MuEguputo uyu wakaŵa na mukondo, kweni Benayiya wakaruta kwa iyo na ndodo ndipo wakamupoka mukondo wakhe na kumukomera nawo.

²²Vinthu ivi ndivyo wakachita Benaya mwana wa Yehoyada ndipo wajitorera lumbiri pa dera vinkhara 30 vira

²³Benayiya wakaŵa wakumanyikwa chomene mukati mu ŵasilikari ŵara 30, kweni wakafikapo chara vinkhara vitatu vira. Davide wakamwimika murara wa ŵavikiriri ŵakhe.

²⁴Mu wupu wa vinkhara 30 vira ndi aŵa: Asahele, mwana munyakhe wa Yowabu, Elihanani mwana wa Dodo wa ku Betelehemu,

²⁵Shama wa fuko la Harodi Elika wa fuko la Harodi,

²⁶Helezi wa ku Paliti, Ira mwana wa Ikeshi wa ku Tekowa,

²⁷Abiyezere wa ku Anatoti, Mebunayi wa ku Husha,

²⁸Zalimoni muAhohi, Maharayi wa ku Netofa,

²⁹Helebu, mwana wa Baana wa ku Netofa, Itayi mwana wa Ribayi wa ku Gibeya mu charu cha Benjamini,

³⁰Benaya wa ku Piratoni, Hidayi wa ku madambo gha ku Gaashi,

³¹Abi Aliboni wa ku Aribati, Azimaveti wa ku Bahurimu,

³²Eliyaba wa ku Shaaliboni, ŵana ŵa Yasheni, Yonatani,

³³Shama muHarara, Ahiyamu mwana wa Sharara muHarara,

³⁴Elifeleti mwana wa Ahasibayi wa ku Maaka, Eliyamu mwana wa Ahitofele wa ku wa Gilo,

³⁵Heziro wa ku Karimele, Paarayi wa ku Aribi,

³⁶Igala mwana wa Natani wa ku Zoba, Bani wa ku Gadi,

³⁷Zeleki wa fuko la Amoni, Naharayi wa ku Beyeroti, wakayegha mahomwa gha Yowabu mwana wa Zeruya,

³⁸Ira wa ku Itiri, Garebu wa ku Itiri,

³⁹ndipo na Uriya muHiti yura. Vinkhara vyose pamoza vikaŵa 37.