Read new_tumbuka_bible 1 Midauko 1 Bible Online

1 Midauko 1 - new_tumbuka_bible bible

1 Midauko 1

¹Adamu wakababa Seti, Seti wakababa Enoshi, Enoshi wakababa Kanani,

²Kanani wakababa Mahalalele, Mahalalele wakababa Yaredi,

³Yaredi wakababa Enoki, Enoki wakababa Methusela, Methusela wakababa Lameki,

⁴Lameki wakababa Nowa. Nowa wakababa Shemu, Hamu na Yafeti.

⁵Ŵana ŵa Yafeti ŵakaŵa aŵa: Gomere, Magogi, Madayi, Yavani, Tubala, Mesheki na Tirasi.

⁶Ŵana ŵa Gomere ŵakaŵa aŵa: Ashikenazi, Difati na Togarima.

⁷Ŵana ŵa Yavani ŵakaŵa aŵa: Elisha, Tarishishi, Kitimu na Rodanimu.

⁸Ŵana ŵa Hamu ŵakaŵa aŵa: Etiyopiya, Eguputo, Puti na Kanani.

⁹Ŵana ŵa Etiyopiya ŵakaŵa aŵa: Seba, Havila, Sabuta, Raama na Sabuteka. Ŵana ŵa Raama ŵakaŵa aŵa: Sheba na Dedani.

¹⁰Etiyopiya wakababa Nimurodi mweneuyo wakaŵa chinkhara chakudanga pa charu cha pasi.

¹¹Eguputo wakababa Ludimu, Anamimu, Lehabimu, Nafituhimu,

¹²Patirusimu, Kasiluhimu (mwa mweneuyo mukafuma ŵaFilisiti) na Kafitorimu.

¹³Kanani wakababa Sidoni, mwana wakhe wa uŵere, na Heti.

¹⁴Kanani wakaŵaso wiskewokuru wa ŵaYebusi, ŵaAmori, ŵaGirigashi,

¹⁵ŵaHivi, ŵaAriki, ŵaSini,

¹⁶ŵaArivadi, ŵaZemari na ŵaHamati.

¹⁷Ŵana ŵa Shemu ŵakaŵa aŵa: Elamu, Ashuru, Aripakishadi, Ludi, Aramu, Uzi, Hulu, Getere na Mesheki.

¹⁸Aripakishadi wakababa Shela, ndipo Shela wakababa Ebere.

¹⁹Ebere wakababa ŵana ŵanarume ŵaŵiri. Yumoza wakaŵa Pelegi, (pakuti mu mazuŵa ghakhe ŵanthu mu charu ŵakagaŵikana), ndipo munung'una wakhe wakaŵa Yokutani.

²⁰Yokutani wakababa Alimodadi, Shelefu, Hazaramaveti, Yera,

²¹Hadoramu, Uzala, Dikila,

²²Ebala, Abimayele, Sheba,

²³Ofiri, Havila na Yobabu. Wose aŵa ŵakaŵa ŵana ŵa Yokutani.

²⁴Ŵa mphapu ya Shemu ŵakaŵa aŵa: Aripakishadi, Shela,

²⁵Ebere, Pelegi, Rewu,

²⁶Serugu, Nahoro, Tera,

²⁷ndiposo na Abramu, uyo wakiza kathyika kuti Abrahamu.

²⁸Ŵana ŵa Abrahamu wakaŵa aŵa: Yisake na Ishimaele.

²⁹Miwiro yawo yikaŵa ntheura: Ishimaele wakababa ŵana 12. Mwana wa uŵere wakaŵa Nebayoti. Pakaŵaso Kedara, Adibeyele, Mibisamu,

³⁰Mishima, Duma, Masa, Hadadi, Tema,

³¹Yeturu, Nafishi, na Kedema. Ŵeneaŵa ndiwo ŵana ŵa Ishimaele.

³²Ŵana ŵa Ketura, muwoli muchoko wa Abrahamu, ŵakaŵa aŵa: Zimurani, Yokishani, Medani, Midiyani, Ishibaki na Shuwa. Ŵana ŵa Yokishani ŵakaŵa aŵa: Sheba na Dedani.

³³Ŵana ŵa Midiyani ŵakaŵa aŵa: Efa, Efere, Hanoki, Abida na Elida. Wose aŵa ŵakaŵa ŵa mphapu ya Ketura.

³⁴Abrahamu wakababa Yisake. Ŵana ŵa Yisake ŵakaŵa aŵa: Esau na Yakhobe.

³⁵Ŵana ŵa Esau ŵakaŵa aŵa: Elifazi, Rewele, Yeushi, Yalamu na Kora.

³⁶Ŵana ŵa Elifazi ŵakaŵa aŵa: Temani, Omara, Zefi, Gatamu, Kenazi, Timuna na Amaleki.

³⁷Ŵana ŵa Rewele ŵakaŵa aŵa: Nahati, Zera, Shama na Miza.

³⁸Ŵana ŵa Seyiri ŵakaŵa aŵa: Lotani, Shobala, Zibeyoni, Ana, Dishoni, Ezere, na Dishani.

³⁹Ŵana ŵa Lotani ŵakaŵa aŵa: Hori na Homamu. Mudumbu wakhe wa Lotani wakaŵa Timuna.

⁴⁰Ŵana ŵa Shobala ŵakaŵa aŵa: Aliyani, Manahati, Ebala, Shefi na Onamu. Ŵana ŵa Zibeyoni ŵakaŵa aŵa: Aya na Ana.

⁴¹Mwana wa Ana wakaŵa Dishoni. Ŵana ŵa Dishoni ŵakaŵa aŵa: Hamurani, Eshibani, Itirani na Kerani.

⁴²Ŵana ŵa Ezere ŵakaŵa aŵa: Bilihani, Zavani na Yakani. Ŵana ŵa Dishani ŵakaŵa aŵa: Uzi na Arani.

⁴³Aŵa ndiwo ŵakaronga awo ŵakawusanga mu charu cha Edomu pambere kundaŵeko karonga wakuwusa ŵaIsraele: Bela mwana wa Beyoro, ndipo msumba wakhe ukachemeka Dinihaba.

⁴⁴Bela wakati wafwa, Yobabu mwana wa Zera wa ku Bozira ndiyo wakawusa mu malo ghakhe.

⁴⁵Yobabu wakati wafwa, Hushamu wa mu charu cha ŵaTemani ndiyo wakawusa mu malo ghakhe.

⁴⁶Hushamu wakati wafwa, Hadadi mwana wa Bedadi, mweneuyo wakathereska ŵaMidiyani mu charu cha Mowabu, ndiyo wakawusa mu malo ghakhe, ndipo msumba wakhe ukachemeka Aviti.

⁴⁷Hadadi wakati wafwa, Samula wa ku Masireka ndiyo wakawusa mu malo ghakhe.

⁴⁸Samula wakati wafwa, Shawulu wa ku Rehoboti, msumba wa pa mronga wa Yufurate, ndiyo wakawusa mu malo ghakhe.

⁴⁹Shawulu wakati wafwa, Baala Hanani mwana wa Akibori ndiyo wakawusa mu malo ghakhe.

⁵⁰Baala Hanani wakati wafwa, Hadadi ndiyo wakawusa mu malo ghakhe, ndipo msumba wakhe ukachemeka Pawu. Muwoli wakhe wakaŵa Mehetabele, mwana wa Matiredi, mwana wa Mezahabu.

⁵¹Hadadi wakafwa. Ŵarongozgi ŵa ku Edomu ŵakaŵa aŵa: Timuna, Aliva, Yeteti,

⁵²Oholibama, Ela, Pinoni,

⁵³Kenazi, Temani, Mibizara,

⁵⁴Magadiyele, ndiposo na Iramu. Ŵeneaŵa ndiwo ŵarongozgi ŵa ku Edomu.