Read new_tumbuka_bible 1 Midauko 25 Bible Online

1 Midauko 25 - new_tumbuka_bible bible

1 Midauko 25

¹Davide na ŵarongozgi ŵakuwona za uteŵeti ŵakapatuliskiraso ku uteŵeti wa visopo ŵanji mu ŵaAsafu, mu ŵaHemani na mu ŵaYedutuni. Iwo aŵa ŵakachimanga pakwimba zisumu na ŵabango, viding'indi na visulo vyakulira. Mundandanda wa awo ŵakachitanga mlimo uwu na ma uteŵeti ukaŵa ntheura:

²Mu ŵana ŵa Asafu mukaŵa Zakuru, Yosefe, Netaniya, na Asharela. Iwo aŵa ŵakarongozgekanga na Asafu mweneuyo wakachimanga para karonga walangula.

³Mu ŵana ŵa Yedutuni mukaŵa Gedaliya, Zeri, Yeshaya, Shimeyi, Hashabiya na Matitiya, pamoza ŵankhonde na yumoza. Iwo ŵakarongozgekanga na wiskewo Yedutuni mweneuyo pakwimba kwa bango wakachimanga para wakuwonga na kuchindika FUMU.

⁴Mu ŵana ŵa Hemani mukaŵa Bukiya, Mataniya, Uziyele, Shebuwele, Yerimoti, Hananiya, Hanani, Eliyata, Gidaliti, Romamuti Ezere, Yoshibekasha, Maloti, Hotiri na Mahaziyoti.

⁵Wose aŵa ŵakaŵa ŵana ŵa Hemani muwoni wa karonga kwakuyana na phangano la Chiuta kuti wamutumphuske. Sono Chiuta wakamuchindika nadi Hemani pakumupa ŵana ŵanarume 14 na ŵana ŵanakazi ŵatatu.

⁶Wose aŵa wakarongozgekanga na wiskewo pakwimba sumu mu Nyumba ya FUMU. Ŵakimbiranga visulo vyakulira, viding'indi na ŵabango pa chisopo cha mu Nyumba ya Chiuta. Asafu, Yedutuni, na Hemani ŵakarongozgekanga na karonga.

⁷Pakuŵapenda pamoza na ŵabali ŵawo, wose awo ŵakasambizgika kwimbira FUMU, na kuŵa vilimbi vyakwimba, ŵakaŵa 288.

⁸Wose wakuzirwa na ŵambula kuzirwa, musambizgi na musambiri wuwo, ŵakaŵagaŵira milimo yawo mwakuyana waka pakuchita mphenduzgo.

⁹Mphenduzgo yakudanga yikawira Yosefe wa mu mbumba ya Asafu. Ya chiŵiri yikawira Gedaliya, iyomwene na ŵabali ŵakhe ndiposo na ŵana ŵakhe. Wose pamoza ŵakaŵa 12.

¹⁰Ya chitatu yikawira pa Zakuru, ŵana ŵakhe ndiposo na ŵabali ŵakhe. Wose pamoza ŵakaŵa 12.

¹¹Ya chinayi yikawira pa Iziri na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹²Ya chinkhonde yikawira pa Netaniya na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹³Ya chinkhonde na chimoza yikawira pa Bukiya na ŵana ŵakhe, ndiposo na ŵabali ŵakhe. Wose pamoza ŵakaŵa 12.

¹⁴Ya chinkhonde na chiŵiri yikawira pa Yesharela, na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹⁵Ya chinkhonde na chitatu yikawira pa Yeshaya na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹⁶Ya chinkhonde na chinayi yikawira pa Mataniya na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹⁷Ya khumi yikawira pa Shimeyi na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹⁸Ya 11 yikawira pa Azarele na ŵana ŵakhe ndiposo na ŵabali ŵakhe. Wose pamoza ŵakaŵa 12.

¹⁹Ya 12 yikawira pa Hashabiya na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁰Ya 13 yikawira pa Shubayele na ŵana ŵakhe ndiposo na ŵabali ŵakhe ndiposo na ŵabali ŵakhe. Wose pamoza ŵakaŵa 12.

²¹Ya 14 yikawira pa Matitiya na ŵana ŵakhe ndiposo na ŵabali ŵakhe. Wose pamoza ŵakaŵa 12.

²²Ya 15 yikawira pa Yeremoti na ŵana ŵakhe ndiposo na ŵabali ŵakhe. Wose pamoza ŵakaŵa 12.

²³Ya 16 yikawira pa Hananiya na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁴Ya 17 yikawira pa Yoshibekasha na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁵Ya 18 yikawira pa Hanani na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁶Ya 19 yikawira pa Maloti na ŵana ŵakhe ndiposo na ŵabali wakhe. Wose pamoza ŵakaŵa 12.

²⁷Ya 20 yikawira pa Eliyata na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁸Ya 21 yikawira pa Hotiri na ŵana ŵakhe ndiposo na ŵabali ŵakhe. Wose pamoza ŵakaŵa 12.

²⁹Ya 22 yikawira pa Gidaliti na ŵana ŵakhe ndiposo na ŵabali ŵakhe. Wose pamoza ŵakaŵa 12.

³⁰Ya 23 yikawira pa Mahaziyoti na ŵana ŵakhe ndiposo na ŵabali ŵakhe. Wose pamoza ŵakaŵa 12.

³¹Ya 24 yikawira pa Romamuti Ezere na ŵana ŵakhe ndiposo na ŵabali ŵakhe. Wose pamoza ŵakaŵa 12.