Read new_tumbuka_bible 1 Midauko 6 Bible Online

1 Midauko 6 - new_tumbuka_bible bible

1 Midauko 6

¹Ŵana ŵa Levi ndi aŵa: Gerishoni, Kohati, na Merari.

²Ŵana ŵa Kohati ndi aŵa: Amuramu, Izihara, Heburoni na Uziyele.

³Ŵana ŵa Amuramu ndi aŵa: Aroni, Mozesi na Miriyamu. Ŵana ŵa Aroni ndi aŵa: Nadabu, Abihu, Eleyazara na Itamara.

⁴Eleyazara wakababa Finehasi, Finehasi wakababa Abishuwa,

⁵Abishuwa wakababa Buki, Buki wakababa Uzi,

⁶Uzi wakababa Zerahiya, Zerahiya wakababa Merayoti,

⁷Merayoti wakababa Amariya, Amariya wakababa Ahitubu,

⁸Ahitubu wakababa Zadoki, Zadoki wakababa Ahimaazi,

⁹Ahimaazi wakababa Azariya, Azariya wakababa Yohanani,

¹⁰Yohanani wakababa Azariya (ndi mweneuyo wakateŵeta nga ndi musofi mu Nyumba ya Chiuta iyo Solomoni wakazenga ku Yerusalemu.)

¹¹Azariya wakababa Amariya, Amariya wakababa Ahitubu,

¹²Ahitubu wakababa Zadoki, Zadoki wakababa Shalumu,

¹³Shalumu wakababa Hilikiya, Hilikiya wakababa Azariya,

¹⁴Azariya wakababa Seraya, Seraya wakababa Yehozadaki.

¹⁵Ndipo Yehozadaki wakatorekera ku umikori para FUMU yikaŵatumizga ku umikori ŵaYuda na ŵa mu Yerusalemu na nkhongono za Nebukadinezara.

¹⁶Ŵana ŵa Levi ndi aŵa: Gerishomu, Kohati na Merari.

¹⁷Sono agha ndigho mazina gha ŵana ŵa Gerishomu: Libini na Shimeyi.

¹⁸Ŵana ŵa Kohati ndi aŵa: Amuramu, Izihara, Heburoni na Uziyele.

¹⁹Ŵana ŵa Merari ndi aŵa: Mali na Mushi. Mbumba za ŵaLevi kwakuyana na nyumba za ŵawiskewokuru ndi zenezizi izi.

²⁰Ŵana ŵa Gerishomu ndi aŵa: Libini wakababa Yahati, Yahati wakababa Zima,

²¹Zima wakababa Yowa, Yowa wakababa Ido, Ido wakababa Zera, Zera wakababa Yeyaterayi.

²²Ŵana ŵa Kohati ndi aŵa: Aminadabu, ndipo Aminadabu wakababa Kora, Kora wakababa Asiri, Asiri wakababa Elikana,

²³Elikana wakababa Ebiyasafu, Ebiyasafu wakababa Asiri, Asiri wakababa Tahati,

²⁴Tahati wakababa Uriyele, Uriyele wakababa Uziya, Uziya wakababa Shawulu.

²⁵Ŵana ŵa Elikana ndi aŵa: Amasayi na Ahimoti.

²⁶Ahimoti wakababa Elikana, Elikana wakababa Zofayi, Zofayi wakababa Nahati, Nahati wakababa Eliyabu,

²⁷Eliyabu wakababa Yerohamu, Yerohamu wakababa Elikana, ndipo Elikana wakababa Samuele.

²⁸Ŵana ŵa Samuele ndi aŵa: Yoyele mwana wakhe wa uŵere, Vashini, na Abiya.

²⁹Ŵana ŵa Merari ndi aŵa: Mali ndipo Mali wakababa Libini, Libini wakababa Shimeyi, Shimeyi wakababa Uza,

³⁰Uza wakababa Shimeya, Shimeya wakababa Hagiya, Hagiya wakababa Asaya.

³¹Aŵa ndiwo ŵanthu ŵeneawo Davide wakaŵika kurongozga kwimba mu Nyumba ya Chiuta, ŵakati ŵaŵikamo Bokosi la Phangano la FUMU.

³²Ŵakuteŵeta pa kwimba sumu panthazi pa Chihema Chakupatulika, Chihema Chakukumaniranamo wakasuka Solomoni wakazenga Nyumba ya Chiuta mu Yerusalemu. Ndipo iwo ŵakachitanga mlimo wawo kwakuyana na ndondomeko iyo ŵakaŵanozgera.

³³Sono aŵa ndiwo ŵanthu ŵane awo ŵakateŵetanga pamoza na ŵana ŵawo ŵanarume. Mu ŵaKohati mukaŵa Hemani uyo wakatanga sumu. Sono miwiro yawo yikaŵa ntheura. Hemani wakaŵa mwana wa Yoyele, mwana wa Samuele.

³⁴Samuele wakaŵa mwana wa Elikana, mwana wa Yerohamu, mwana wa Eliyele mwana wa Towa.

³⁵Towa wakaŵa mwana wa Zufu, mwana wa Elikana, mwana wa Mahati, mwana wa Amasayi.

³⁶Amasayi wakaŵa mwana wa Elikana, mwana wa Yoyele, mwana wa Azariya, mwana wa Zefaniya.

³⁷Zefaniya wakaŵa mwana wa Tahati, mwana wa Asiri, mwana wa Ebiyasafu, mwana wa Kora.

³⁸Kora wakaŵa mwana wa Izihara, mwana wa Kohati, mwana wa Levi, mwana wa Israele.

³⁹Pakaŵaso Hemani mwana munyakhe na Asafu mweneuyo wakovwirananga nayo. Asafu wakaŵa mwana wa Berekiya, mwana wa Shimeya.

⁴⁰Shimeya wakaŵa mwana wa Mikayele, mwana wa Baaseya, mwana wa Malikiya.

⁴¹Malikiya wakaŵa mwana wa Etini, mwana wa Zera, mwana wa Adaya.

⁴²Adaya wakaŵa mwana wa Etani, mwana wa Zima, mwana wa Shimeyi.

⁴³Shimeyi wakaŵa mwana wa Yahati, mwana wa Gerishomu, mwana wa Levi.

⁴⁴Ndipo ku dera la ku mazere kukaŵa ŵana ŵanyawo ŵaMerari mwa ntheura Etani wakaŵa mwana wa Kishi, mwana wa Abidi mwana wa Maluki.

⁴⁵Maluki wakaŵa mwana wa Hashabiya mwana wa Amaziya, mwana wa Hilikiya.

⁴⁶Hilikiya wakaŵa mwana wa Amizi, mwana wa Bani, mwana wa Shemere.

⁴⁷Shemere wakaŵa mwana wa Mali, mwana wa Mushi, mwana wa Merari, mwana wa Levi.

⁴⁸Ndipo ŵana ŵanyawo ŵaLevi ŵakimikikira mlimo wose wa mu Chihema cha mu Nyumba ya Chiuta.

⁴⁹Kweni Aroni na ŵana ŵakhe ndiwo ŵakaperekanga sembe pa jochero la sembe yakocha na pa jochero la vyakununkhira, pa milimo yose ya Malo Ghakupatulika Nkhanira na kuŵaphepiskira ŵaIsraele kwakuyana na vyose ivyo Mozesi muteŵeti wa Chiuta wakaŵalayizgira.

⁵⁰Ŵana ŵa Aroni na ŵa mphapu yakhe ndi aŵa: Eleyazara. Sono Eleyazara wakababa Finehasi, Finehasi wakababa Abishuwa,

⁵¹Abishuwa wakababa Buki, Buki wakababa Uzi, Uzi wakababa Zerahiya.

⁵²Zerahiya wakababa Merayoti, Merayoti wakababa Amariya, Amariya wakababa Ahitubu.

⁵³Ahitubu wakababa Zadoki, Zadoki wakababa Ahimaazi.

⁵⁴Agha ndigho malo ghawo ghakukharamo kwakuyana na vikhazi vyawo mukati mu mphaka za charu chawo. Vikaperekeka ku ŵa mphapu ya Aroni wa mu mbumba za ŵaKohati pakuti chigaŵa chakudanga chikaŵa chawo.

⁵⁵Ŵakapika Heburoni mu charu cha Yuda na maluhari ghakhe gha kuzingirizga.

⁵⁶Kweni minda ya misumba na vikaya vyakhe ŵakavipereka kwa Kalebu mwana wa Yefune.

⁵⁷Ŵana ŵa Aroni ŵakapika misumba iyi ya kuphokweramo[2] Heburoni, Libina pamoza na maluhari ghakhe, Yatiri, Eshitemowa pamoza na maluhari ghakhe.

⁵⁸Hileni pamoza na maluhari ghakhe, Debiri pamoza na maluhari ghakhe,

⁵⁹Ashani pamoza na maluhari ghakhe na Beti Shemeshi pamoza na maluhari ghakhe.

⁶⁰Ndipo mu fuko la Benjamini, ŵakapereka misumba iyi: Geba pamoza na maluhari ghakhe, Alemeti pamoza na maluhari ghakhe ndiposo na Anatoti pamoza na maluhari ghakhe. Misumba yawo yose kwakuyana na mbumba zawo zose yikaŵa 13.

⁶¹Awo ŵakakharako mu ŵa mbumba ya Kohati pakuchita mphenduzgo ŵakaŵagaŵira misumba khumi kufuma ku hafu wa fuko la Manase.

⁶²ŴaGerishomu, kwakuyana na mbumba zawo, ŵakagaŵikira misumba 13, kufuma mu mafuko gha Isakara, Ashere, Nafutali, ndiposo na Manase ku Bashani.

⁶³ŴaMerari kwakuyana na mbumba zawo ŵakaŵagaŵira misumba 12, kufuma mu mafuko gha Rubeni, la Gadi ndiposo na la Zebuloni.

⁶⁴Ntheura ŵaIsraele ŵakapereka ku ŵaLevi misumba pamoza na maluhari ghakhe.

⁶⁵Pakuchita mphenduzgo ŵakaŵapa misumba iyi, yeneiyo yazunurika apa, yakufuma mu fuko la Yuda, la Simiyoni na la Benjamini.

⁶⁶Mbumba zinyakhe za ŵaKohati ŵakazigaŵira misumba yakufuma ku fuko la Efurayimu.

⁶⁷Ŵakaŵapa misumba ya kuphokweramo iyi: Shekemu na maluhari ghakhe mu charu cha mapiri cha Efurayimu, Gezere pamoza na maluhari ghakhe,

⁶⁸Yokemeyamu pamoza na maluhari ghakhe, Beti Horoni pamoza na maluhari ghakhe,

⁶⁹Ayaloni pamoza na maluhari ghakhe, ndipo na Gati Rimoni pamoza na maluhari ghakhe.

⁷⁰Awo ŵakakharako mu ŵaKohati wakapoka misumba yakufuma mu hafu wa fuko la Manase iyo ndi Anere pamoza na maluhari ghakhe, na Balaamu pamoza na maluhari ghakhe.

⁷¹Misumba iyo ŵaGerishomu ŵakagaŵikira kufuma ku hafu wa fuko la Manase ndi iyi: Golani mu charu cha Bashani na maluhari ghakhe, na Ashitaroti pamoza na maluhari ghakhe.

⁷²Ndiposo ŵakagaŵikira misumba iyi kufuma mu fuko la Isakara: Kedeshi pamoza na maluhari ghakhe, Daberati pamoza na maluhari ghakhe.

⁷³Ramoti pamoza na maluhari ghakhe ndiposo na Anemu pamoza na maluhari ghakhe.

⁷⁴Ndiposo ŵakagaŵikira misumba iyi kufuma mu fuko la Ashere: Mashala pamoza na maluhari ghakhe, Abidoni pamoza na maluhari ghakhe,

⁷⁵Hukoku pamoza na maluhari ghakhe ndiposo Rehobu pamoza na maluhari ghakhe.

⁷⁶Wakagaŵikiraso misumba iyi kufuma ku fuko la Nafutali: Kedeshi wa ku Galileya pamoza na maluhari ghakhe, Hamoni pamoza na maluhari ghakhe, na Kiriyatayimu pamoza na maluhari ghakhe.

⁷⁷Awo ŵakakharako mu ŵaMerari ŵakagaŵikira misumba iyo kufuma ku fuko la Zebuloni: Rimoni pamoza na maluhari ghakhe, ndiposo na Taboro pamoza na maluhari ghakhe.

⁷⁸Ndiposo ku sirya linyakhe la mronga wa Yorodani ku Yeriko, ku mafumiro gha dazi, kufuma mu fuko la Rubeni: Bezere mu mapopa na maluhari ghakhe, Yaza na maluhari ghakhe,

⁷⁹Kedemoti na maluhari ghakhe ndiposo na Mefaati na maluhari ghakhe.

⁸⁰Ndipo kufuma ku fuko la Gadi ŵakagaŵikiraso misumba iyi: Ramoti wa mu chigaŵa cha Gileyadi na maluhari ghakhe. Mahanayimu na maluhari ghakhe.

⁸¹Heshiboni na maluhari ghakhe ndiposo na Yazere na maluhari ghakhe.