Read new_tumbuka_bible 1 Midauko 9 Bible Online

1 Midauko 9 - new_tumbuka_bible bible

1 Midauko 9

¹Ntheura ŵaIsraele wose ŵakalembeka kwakuyana na miwiro yawo. Makani agha ghali kulembeka mu Buku la ŵakaronga ŵa charu cha Israele. Mtundu wa Yuda ukatorekera ku umikori mu charu cha Babuloni, chifukwa chakuwura kugomezgeka kwawo.

²ŴaIsraele awo ŵakaŵa ŵakudanga kukharaso mu charu chawo, mu misumba yawo na yawo, ŵakaŵa ŵanthu bweka, ŵasofi, ŵaLevi, na ŵateŵeti ŵa mu Nyumba ya Chiuta.

³Ŵanthu ŵanyakhe ŵa mu charu cha Yuda, cha Benjamini, cha Efurayimu na cha Manase awo ŵakakharanga mu Yerusalemu ndi aŵa:

⁴Utayi uyo wakaŵa mwana wa Amihudi. Amihudi wakaŵa mwana wa Omuri, Omuri wakaŵa mwana wa Imiri, Imiri wakaŵa mwana wa Bani, mweneuyo wakaŵa wa mphapu ya Perezi mwana wa Yuda.

⁵Mu ŵaShilo ndi aŵa: Asaya mwana wa uŵere pamoza na ŵana ŵakhe.

⁶Mu ŵaZera ndi aŵa: Yeuyele na ŵabali ŵakhe, wose pamoza ŵakaŵa 690.

⁷Mu ŵaBenjamini ndi aŵa: Salu mwana wa Meshulamu. Meshulamu wakaŵa mwana wa Hodaviya, Hodaviya wakaŵa mwana wa Hasenuwa.

⁸Ibineya wakaŵa mwana wa Yerohamu. Ela wakaŵa mwana wa Uzi, Uzi wakaŵa mwana wa Mikiri ndipo Meshulamu wakaŵa mwana wa Shefatiya, Shefatiya wakaŵa mwana wa Rewele, Rewele wakaŵa mwana wa Ibiniya.

⁹Ŵabali wawo kwakuyana na umo ŵakalembekera mu miwiro yawo ŵakaŵa 956. Wose aŵa ŵakaŵa ŵarara mu nyumba za ŵawiskewokuru.

¹⁰Pa ŵasofi pakaŵa: Yedaya, Yehoyaribu, Yakini,

¹¹na Azariya mwana wa Hilikiya. Sono Hilikiya wakaŵa mwana wa Meshulamu, Meshulamu wakaŵa mwana wa Zadoki, Zadoki wakaŵa mwana wa Merayoti, Merayoti wakaŵa mwana wa Ahitubu, murara wa mu Nyumba ya Chiuta.

¹²Pakaŵaso Adaya mwana wa Yerohamu. Yerohamu wakaŵa mwana wa Pashuru, Pashuru wakaŵa mwana wa Malikiya, ndipo na Maasayi mwana wa Adiyele. Sono Adiyele wakaŵa mwana wa Yazera, Yazera wakaŵa mwana wa Meshulamu, Meshulamu wakaŵa mwana wa Meshilemiti, Meshilemiti wakaŵa mwana wa Imere.

¹³Pa dera pa ichi ŵabali ŵawo, ŵakuru mu mbumba za ŵawiskewokuru, wakaŵa 1,760. Iwo ŵakaŵa ŵanthu ŵakuteŵeta makora mlimo wa Chiuta.

¹⁴ŴaLevi ndi aŵa: Shemaya uyo wakaŵa mwana wa Hashubu. Hashubu wakaŵa mwana wa Azirikamu, Azirikamu wakaŵa mwana wa Hashabiya wa mphapu ya Merari.

¹⁵Pakaŵaso Bakibakara, Hereshi, Galala na Mataniya mweneuyo wakaŵa mwana wa Mika. Sono Mika wakaŵa mwana wa Zikiri, Zikiri wakaŵa mwana wa Asafu.

¹⁶Pakaŵaso Obadiya mweneuyo wakaŵa mwana wa Shemaya. Ndipo Shemaya wakaŵa mwana wa Galala, Galala wakaŵa mwana wa Yedutuni, ndiposo Berekiya uyo wakaŵa mwana wa Asa. Asa wakaŵa mwana wa Elikana mweneuyo wakakharanga mu vikaya vya ŵaNetofati.

¹⁷Ŵalinda ŵa pa vipata ŵakaŵa aŵa: Shalumu, Akubu, Talimoni, Ahimani na ŵabali ŵawo (Shalumu ndiyo wakaŵa murongozgi),

¹⁸ndipo mbalinda ŵa pa Chipata cha Karonga dera la ku mafumiro gha dazi kwiza kafika pa nyengo yino. Iwo ndiwo ŵakaŵa ŵalinda ŵa pa vipata vya misasa ya ŵaLevi.

¹⁹Shalumu mwana wa Kore uyo wakaŵa mwana wa Ebiyasafu uyo wakaŵa mwana wa Kora pamoza na ŵabali ŵakhe ŵa mu nyumba za ŵawiskekuru, ŵaKora ŵara, ndiwo ŵakaŵa ŵakuwona mlimo wa visopo na ŵasungiliri ŵa pa chipata cha Chihema nga ndi umo ŵawiskewokuru nawo ŵakasungiliranga muryango wa msasa wa FUMU, na kulinda pa chipata.

²⁰Mu nyengo za kunyuma Finehasi mwana wa Eleyazara ndiyo wakaŵa murara wawo. FUMU yikaŵa nayo.

²¹Zakariya mwana wa Meshelemiya wakaŵa msungiliri wa pa muryango wa Chihema Chakukumaniranamo.

²²Wose aŵa ŵeneawo ŵakasoreka kuti ŵasungilire vipata ŵakaŵa 212. Ŵakalembeka kwakuyana na kawiro kawo mu vikaya vyawo. Davide na nchimi Samuele ndiwo ŵakimika ŵanthu aŵa pa mlimo uwu chifukwa cha kugomezgeka kwawo.

²³Ntheura iwo na ŵana ŵawo pakuŵa ŵalinda ŵakaŵa na mlimo ŵakusungilira vipata vya Nyumba ya FUMU, ndiyo Chihema Chakukumanamo.

²⁴Ŵasungiliri ŵa vipata ŵakaŵikika madera ghanayi, ku mafumiro gha dazi ku manjiliro gha dazi ku mpoto na ku mwera.

²⁵Nyengo na nyengo ŵabali ŵawo ŵeneawo ŵakaŵa mu vikaya vyawo ŵakeneranga kwiza kakhara nawo mazuŵa 7.

²⁶Pakuti ŵalinda ŵa pa vipata ŵanayi ŵakugomezgeka, awo ŵakaŵa ŵaLevi, ndiwo ŵakasungiliranga vipinda na vyakusungiramo chuma cha Nyumba ya Chiuta.

²⁷Iwo ŵakakharanga zingirizge Nyumba ya Chiuta, pakuti ndiwo ŵakaŵa na nchito ya ulinda ndiposo ndiwo ŵakajulanga vipata mulenje uliwose.

²⁸Ŵanji mwa ŵaLevi ŵakaŵa na mlimo wakupwererera viteŵetero vya chisopo, pakuti kukaŵa kwakwenerera kuvipenda pakuvifumya na pakuviwezgeramo.

²⁹Ŵanyakhe ŵa iwo ŵakimikika kuti ŵapwererere vyakukhumbikwa vya mu Nyumba ya Chiuta na viteŵetero vyose vyakupatulika ndiposo na ufu wakunyiririka, vinyo, mafuta, vyakununkhira ndiposo na vyakununkhiskira.

³⁰Ŵanyakheso mu ŵana ŵasofi, ndiwo ŵakanozganga na kusazga pamoza na vyakununkhiskira.

³¹Matitiya, uyo wakaŵa wakugomezgeka, yumoza wa ŵaLevi, mwana wa uŵere wa Shalumu muKora, ndiyo wakaŵa na nchito yakuphika tuvingwa tupepefu.

³²Ndiposo ŵanji ŵa ŵabali ŵawo mu ŵaKohati, ŵakaŵa na nchito yakupwererera vingwa ivyo vikaperekekanga kuti ŵavinozgenge zuŵa la sabata lirilose.

³³Sono aŵa ndiwo ŵimbi ŵa sumu, ŵarara ŵa mu nyumba za ŵawiskewokuru mu ŵaLevi, awo ŵakakharanga mu vipinda vya mu Nyumba ya Chiuta ŵambula kukhwaskikaso na uteŵeti unyakhe, pakuti ŵakaŵa pa mlimo muhanya na usiku.

³⁴Wose aŵa ndiwo ŵakaŵa ŵarara mu nyumba za ŵawiskewokuru mu ŵaLevi, kwakuyana na miwiro yawo, ŵarongozgi, ŵeneawo ŵakakharanga mu Yerusalemu.

³⁵Mu msumba wa Gibeyoni ndimo mukakharanga wiske wa Gibeyoni, Yeyiyele mweneuyo muwoli wakhe wakaŵa Maaka.

³⁶Mwana wakhe wa uŵere wakaŵa Abidoni, ndipo pakuzinga Zuru, Kishi, Baala, Neri, Nadabu,

³⁷Gedoro, Ahiyo, Zakariya na Mikiloti.

³⁸Sono Mikiloti wakaŵa wiske wa Shemeyamu. Aŵa nawo ŵakakharanga mu Yerusalemu kuthyana waka na ŵabali ŵawo.

³⁹Neri wakababa Kishi, ndipo Kishi wakababa Sauli, Sauli wakababa Yonatani, Maliki Shuwa, Abinadabu, na Eshibaala.

⁴⁰Mwana wa Yonatani wakaŵa Meribu Baala, Meribu Baala wakababa Mika.

⁴¹Ŵana ŵa Mika ndi aŵa: Pitoni. Meleki, Tareya na Ahazi.

⁴²Ahazi wakababa Yara mweneuyo wakababa Alemeti, Azimaveti, na Zimuri. Zimuri ndiyo wakaŵa wiske wa Moza.

⁴³Moza wakababa Bineya, Bineya wakababa Refayiya, Refaya wakababa Eleyasa ndipo Eleyasa wakababa Azele.

⁴⁴Azele wakaŵa na ŵana ŵanarume 6 ndipo mazina ghawo ndi agha: Azirikamu, Bokeru, Ishimaele, Sheyariya, Obadiya, na Hanani. Wose aŵa ŵakaŵa ŵana ŵa Azele.