Read new_tumbuka_bible 2 Midauko 27 Bible Online

2 Midauko 27 - new_tumbuka_bible bible

2 Midauko 27

¹Yotamu wakaŵa na virimika 25 para wakambanga kuwusa ndipo wakaŵa karonga mu Yerusalemu pa virimika 16. Zina la nyina likaŵa Yerusha mwana wa Zadoki.

²Yotamu wakachita ivyo vikaŵa viweme panthazi pa FUMU nga ndi ivyo wakachita wiske Uziya, kweni iyo kuti wakanjiramo mu Nyumba ya Chiuta chara. Ndipouli ŵanthu ŵakarutilira kuchita uheni.

³Yotamu wakazenga chipata cha kunena cha Nyumba ya FUMU ndipo wakachitaso nchito yikuru pakuzenga linga la Ofele.

⁴Ndiposo wakazenga misumba yinyakhe mu mapiri gha mu charu cha Yuda ndipo mu nkhorongo wakazengamo nyumba na vigongwe vya ŵasilikari.

⁵Yotamu wakarwa nkhondo na karonga wa charu cha Amoni pamoza na ŵasilikari ŵakhe na kuŵathereska. Mu chirimika chenechira ŵaAmoni ŵakapereka kwa Yotamu makilogiramu gha siliva ghakukwana 3,400, tirigu wakukwana matani 1,000 ndipo na nyauti wakukwana matani 1,000. ŴaAmoni ŵakarutilira kupereka kwa Yotamu vinthu ivi pa virimika vitatu.

⁶Ntheura Yotamu wakaŵa wankhongono chomene chifukwa wakaŵa wakugomezgeka chomene kwa FUMU, Chiuta wakhe.

⁷Milimo yinyakhe ya Yotamu, nkhondo izo wakarwa, ndiposo makhaliro ghakhe ghose, vili kulembeka mu Buku la ŵakaronga ŵa charu cha Israele na cha Yuda.

⁸Yotamu wakaŵa na virimika 25 para wakambanga kuwusa ndipo wakaŵa karonga mu Yerusalemu pa virimika 16.

⁹Yotamu wakafwa ndipo wakasungika mu msumba wa Davide. Ndipo Ahazi mwana wakhe ndiyo wakamba kuwusa mu malo ghakhe.