Read new_tumbuka_bible Ezira 10 Bible Online

Ezira 10 - new_tumbuka_bible bible

Ezira 10

¹Apo Ezira wakarombanga na kuzomera kwananga, kulira na kujiponya pasi panthazi pa Nyumba ya Chiuta, wumba ukuru wa ŵaIsraele, ŵanarume, ŵanakazi na ŵana ŵakawunganya kumuzingirizga. Iwo nawo ŵakaliranga chomene.

²Penepapo Shekaniya mwana wa Yehiyele, yumoza wa mphapu ya Elamu wakati kwa Ezira, “Tamwanangira Chiuta withu pakutora ŵanakazi ŵachilendo kufuma mu ŵenecharu. Kweni nanga kungaŵa ntheura chigomezgo chichali waka mwa Israele.

³Ntheura sono tiyeni tichite phangano na Chiuta withu, tiŵawezge ŵanakazi wose aŵa pamoza na ŵana ŵawo kwakuyana na urongozgi winu sekuru wane, na wa awo ŵakopa marango gha Chiuta withu. Ivi vichitike kwakuyana na marango.

⁴Ntheura wuka iwe Ezira! Iyi ndi nchito. Ise tili nawe pamoza. Sono khwima mtima na kuchita mlimo uwu.”

⁵Penepapo Ezira wakawuka ndipo wakatora ŵasofi ŵararaŵarara, ŵaLevi na ŵaIsraele wose na kuŵarapiska kuti ŵachite nga ndi umo Shekariya wakuyowoyera. Penepapo wose ŵakarapa.

⁶Ezira wakafumamo mu Nyumba ya Chiuta, wakaruta ku chipinda cha Yehohanani mwana wa Eliyashibu. Apo wakaŵa kwenekura, wakaryako chakurya chara panji kumwako maji pakuti wakatengeranga chifukwa chakuwura kugomezgeka kwa awo ŵakawera kufuma ku umikori.

⁷Ndipo mazgu ghakapharazgika mu charu chose cha Yuda na mu msumba wa Yerusalemu kuti wose awo ŵawerako ku umikori ŵawungane mu Yerusalemu.

⁸Yose uyo wakutondeka kufika pa mazuŵa ghatatu, kwakuyana na udumuliro wa ŵarongozgi na ŵarara, katundu wakhe yose wati wapokeke ndipo iyomwene wati wapatulikeko ku wumba wa awo ŵali kuwerako ku umikori.

⁹Ŵanthu wose mu charu cha Yuda na cha Benjamini ŵakawungana mu Yerusalemu mu mazuŵa ghatatu. Ukaŵa mwezi wa chinkhonde na chinayi pa zuŵa la 20 la mwezi. Ŵanthu ŵara ŵakawungana pa baraza panthazi pa Nyumba ya Chiuta uku ŵakumbwambwantha chifukwa cha makani agha ndiposo chifukwa kukaŵa vura yikuru.

¹⁰Penepapo musofi Ezira wakimilira ndipo wakati ku ŵanthu ŵara, “Mwananga pakujitorera ŵanakazi ŵachilendo. Mwakuzga uheni wa Israele.

¹¹Sono zomerezgani zakwananga zinu panthazi pa FUMU, Chiuta wa ŵasekuru ŵinu, na kuchita khumbo lakhe. Mujipatule ku ŵenecharu aŵa na ku ŵanakazi ŵa chilendo.”

¹²Penepapo wumba wose ukazgora na mazgu ghakuru ukati, “Nadi! Vili ntheura, ndipo titi tichite nga ndi umo mwayowoyera.”

¹³Kweni ŵanthu mbanandi ndipo nyengo nayo nja vura. Kuti tingimilira pa mutandasanya chara. Ndiposo iyi ndi nchito ya zuŵa limoza panji ghaŵiri chara, pakuti pa makani agha tananga chomene.

¹⁴Ŵarongozgi ŵithu ndiwo ŵaŵe ŵimiliri ŵa wumba wose pa makani agha. Wose awo ŵali kutora ŵanakazi ŵachilendo kufuma ku msumba uwu na uwu, ŵize pa nyengo yakwimikika pamoza na ŵarara na ŵeruzgi ŵa msumba uliwose. Ichi chichitike mu mpaka ukari wa Chiuta withu ufumeko kwa ise.

¹⁵Yonatani mwana wa Asahele na Yazeya mwana wa Tikiva ndiwo ŵakasuska fundo iyi, ndipo Meshulamu na muLevi Shabetayi ndiwo ŵakakhozgera.

¹⁶Ntheura ŵanthu awo ŵakawera ku umikori ŵakachita nga ndi umo kukadumulikira. Musofi Ezira wakasora ŵanthu awo ŵakaŵa ŵararaŵarara mu mbumba za ŵawiskewo, yumoza kufumira mu mbumba yiliyose ndipo wose wakalembeka mazina. Pa zuŵa lakudanga la mwezi wa khuni ŵakakumana kuti wasande makora makani agha.

¹⁷Ndipo pa zuŵa lakudanga la mwezi wakudanga pakati pajumphapo myezi yitatu ŵakamarizga kusanda makani gha awo ŵakajitorera ŵanakazi ŵachilendo.

¹⁸Aŵa ndi ŵanthu ŵa mbumba ya usofi, ŵeneawo ŵakatora ŵanakazi ŵachilendo: Mu mbumba ya Yeshuwa mwana wa Yozadaki na ŵabali ŵakhe mukaŵa Maaseya, Eliyezere, Yaribu na Gedaliya.

¹⁹Iwo ŵakapangana kuti ŵasuzulenge ŵawoli ŵawo, ndipo ŵakapereka mberere yanarume kufuma mu mskambo kuŵa sembe ya zakwananga zawo.

²⁰Mu mbumba ya Imere mukaŵa Hanani na Zebadiya.

²¹Mu mbumba ya Harimu mukaŵa Maaseya, Eliya, Shemaya, Yehiyele na Uziya.

²²Mu mbumba ya Pashuru mukaŵa Eliyoyenayi Maaseya, Ishimaele, Netanele, Yozabadi na Elasa.

²³Pa ŵaLevi pakaŵa: Yozabadi, Shimeyi, Kelaya, uyo wakachemekangaso Kelita, Petahiya, Yuda na Eliyezere.

²⁴Pa ŵimbi ŵa zisumu pakaŵa: Eliyashibu. Pa awo ŵakalindanga pa chipata cha Nyumba ya Chiuta pakaŵa Shalumu, Telemu na Uri.

²⁵Pa ŵaIsraele pakaŵa aŵa: Mu mbumba ya Paroshi mukaŵa Ramiya, Iziya, Malikiya, Miyamini, Eleyazara, Malikiya na Benaya.

²⁶Mu mbumba ya Elamu mukaŵa Mataniya, Zakariya, Yehiyele, Abidi, Yeremoti na Eliya.

²⁷Mu mbumba ya Zatu mukaŵa Eliyoyenayi Eliyashibu, Mataniya, Yeremoti, Zabadi na Aziza.

²⁸Mu mbumba ya Bebayi mukaŵa Yehohanani, Hananiya, Zabayi na Atilayi.

²⁹Mu mbumba ya Bani mukaŵa Meshulamu, Maluki, Adaya, Yashubu, Sheyala na Yeremoti.

³⁰Mu mbumba ya Pahati Mowabu mukaŵa Adina, Kelala, Benaya, Maaseya, Mataniya, Bezalele, Binuyi na Manase.

³¹Mu mbumba ya Harimu mukaŵa Eliyezere, Ishiya, Malikiya, Shemaya, Simiyoni.

³²Benjamini, Maluki na Shemariya.

³³Mu mbumba ya Hashumu mukaŵa Matenayi, Matata, Zabadi, Elifeleti, Yeremayi, Manase na Shimeyi.

³⁴Mu mbumba ya Bani mukaŵa Maadayi, Amuramu, Uyeli,

³⁵Benaya, Bediya, Keluhi,

³⁶Vaniya, Meremoti, Eliyashibu,

³⁷Mataniya, Matenayi na Yaasu.

³⁸Mu mbumba ya Bani na Binuyi mukaŵa Shimeyi,

³⁹Shelemiya, Natani, Adaya,

⁴⁰Makinadebayi, Shashayi, Sharayi,

⁴¹Azarele, Shelemiya, Shemariya,

⁴²Shalumu, Amariya na Yosefe.

⁴³Mu mbumba ya Nebo mukaŵa Yeyele, Matitiya, Zabadi, Zebina, Yadayi, Yoyele na Benaya.

⁴⁴Wose aŵa ŵakatora ŵanakazi ŵachilendo ndipo ŵakaŵasuzula pamoza na ŵana ŵawo.