Read new_tumbuka_bible Ezira 2 Bible Online

Ezira 2 - new_tumbuka_bible bible

Ezira 2

¹Aŵa ndiwo ŵamikori awo Karonga Nebukadinezara wa charu cha Babuloni wakaŵayorera ku umikori mu charu chakhe. Iwo ŵakaŵa ŵanthu ŵa chigaŵa cha Yuda, awo ŵakawerako kwiza ku Yerusalemu na ku Yuda, waliyose ku muzi wakhe na wakhe.

²Iwo ŵakawerako pamoza na ŵarongozgi aŵa: Zerubabele, Yeshuwa, Nehemiya, Seraya, Relaya, Morodekayi, Bilishani, Misipara, Bigivayi, Rehumu na Baana. Unandi wa ŵaIsraele ŵanarume ukaŵa ntheura:

³Ŵa mbumba ya Paroshi ŵakaŵa 2,172.

⁴Ŵa mbumba ya Shefatiya ŵakaŵa 372.

⁵Ŵa mbumba ya Ara ŵakaŵa 775.

⁶Ŵa mbumba ya Pahati Mowabu kwizira mwa Yeshuwa na Yowabu wakaŵa 2,812.

⁷Ŵa mbumba ya Elamu ŵakaŵa 1,254.

⁸Ŵa mbumba ya Zatu ŵakaŵa 945.

⁹Ŵa mbumba ya Zakayi ŵakaŵa 760.

¹⁰Ŵa mbumba ya Bani ŵakaŵa 642.

¹¹Ŵa mbumba ya Bebayi ŵakaŵa 623.

¹²Ŵa mbumba ya Azigadi ŵakaŵa 1,222.

¹³Ŵa mbumba ya Adonikamu ŵakaŵa 666.

¹⁴Ŵa mbumba ya Bigivayi ŵakaŵa 2,056.

¹⁵Ŵa mbumba ya Adini ŵakaŵa 454.

¹⁶Ŵa mbumba ya Atere kwizira mwa Hezekiya ŵakaŵa 98.

¹⁷Ŵa mbumba ya Bezayi ŵakaŵa 323.

¹⁸Ŵa mbumba ya Yora ŵakaŵa 112.

¹⁹Ŵa mbumba ya Hashumu wakaŵa 223.

²⁰Ŵa mbumba ya Gibara ŵakaŵa 95.

²¹Awo ŵakafuma mu msumba wa Betelehemu ŵakaŵa 123.

²²Ŵanarume ŵa ku msumba wa Netofa wakaŵa 56.

²³Ŵanarume ŵa ku msumba wa Anatoti ŵakaŵa 128.

²⁴Ŵa mbumba ya Azimaveti ŵakaŵa 42.

²⁵Ŵa mbumba ya Kiriyati Yeyarimu, Kefira na Beyeroti ŵakaŵa 743.

²⁶Ŵa mbumba ya Rama na Geba ŵakaŵa 621.

²⁷Ŵanarume ŵa ku msumba wa Mikimashi ŵakaŵa 122.

²⁸Ŵanarume ŵa ku msumba wa Betele na Ayi ŵakaŵa 223.

²⁹Ŵa mbumba ya Nebo ŵakaŵa 52.

³⁰Ŵa mbumba ya Makibishi ŵakaŵa 156.

³¹Ŵa mbumba ya Elamu munyakhe ŵakaŵa 1,254.

³²Ŵa mbumba ya Harimu ŵakaŵa 320.

³³Ŵa mbumba ya Lodi, Hadidi na Ono ŵakaŵa 725.

³⁴Ŵa mbumba ya Yeriko ŵakaŵa 345.

³⁵Ŵa mbumba ya Senaya ŵakaŵa 3,630.

³⁶Ŵasofi ŵakaŵa aŵa: Ŵa mbumba ya Yedaya, ŵa mphapu ya Yeshuwa, ŵakaŵa 973.

³⁷Ŵa mbumba ya Imere ŵakaŵa 1,052.

³⁸Ŵa mbumba ya Pashuru ŵakaŵa 1,247.

³⁹Ŵa mbumba ya Harimu ŵakaŵa 1,017.

⁴⁰Ŵa fuko la Levi ŵakaŵa aŵa: Ŵa mbumba ya Yeshuwa na Kadimiyele ŵa mphapu ya Hodaviya, ŵakaŵa 74.

⁴¹Ŵimbi ŵa zisumu ŵakaŵa ŵa mbumba ya Asafu. Iwo wakaŵa 128.

⁴²Ŵalinda ŵa pa chipata cha Nyumba ya Chiuta ŵakaŵa aŵa: Ŵa mbumba ya Shalumu, ŵa mbumba ya Atere, ŵa mbumba ya Talimoni, ŵa mbumba ya Akubu, ŵa mbumba ya Hatita na ŵa mbumba yaŵa mbumba ya Shobayi. Wose ŵakaŵa 139.

⁴³Ŵateŵeti ŵa mu Nyumba ya Chiuta ŵakaŵa aŵa: Ŵa mbumba ya Ziha, ŵa mbumba ya Hasufa, ŵa mbumba ya Tabawoti,

⁴⁴ŵa mbumba ya Kerosi, ŵa mbumba ya Siyaha, ŵa mbumba ya Padoni,

⁴⁵ŵa mbumba ya Lebana, ŵa mbumba ya Hagaba, ŵa mbumba ya Akubu,

⁴⁶ŵa mbumba ya Hagabu, ŵa mbumba ya Shalimayi, ŵa mbumba ya Hanani,

⁴⁷ŵa mbumba ya Gidele, ŵa mbumba ya Gahara, ŵa mbumba ya Reyaya,

⁴⁸ŵa mbumba ya Rezini, ŵa mbumba ya Nekoda, ŵa mbumba ya Gazamu,

⁴⁹ŵa mbumba ya Uza, ŵa mbumba ya Paseya, ŵa mbumba ya Besayi,

⁵⁰ŵa mbumba ya Asina, ŵa mbumba ya Meyunimu, ŵa mbumba ya Nefisimu,

⁵¹ŵa mbumba ya Bakibuki, ŵa mbumba ya Hakufa, ŵa mbumba ya Harihuru,

⁵²ŵa mbumba ya Baziluti, ŵa mbumba ya Mehida, ŵa mbumba ya Harisha,

⁵³ŵa mbumba ya Barikosi, ŵa mbumba ya Sisera, ŵa mbumba ya Tema,

⁵⁴ŵa mbumba ya Neziya na ŵa mbumba ya Hatifa.

⁵⁵Ŵa mbumba ya ŵateŵeti ŵa Solomoni ŵakaŵa aŵa: Ŵa mbumba ya Sotayi, ŵa mbumba ya Sofereti, ŵa mbumba ya Peruda,

⁵⁶ŵa mbumba ya Yaala, ŵa mbumba ya Darikoni, ŵa mbumba ya Gidele,

⁵⁷ŵa mbumba ya Shefatiya, ŵa mbumba ya Hatili, ŵa mbumba ya Pokereti Hazebayimu na ŵa mbumba ya Ami.

⁵⁸Ŵateŵeti wose ŵa mu Nyumba ya Chiuta na ŵana ŵa ŵateŵeti ŵa Solomoni, wose pamoza ŵakaŵa 392.

⁵⁹Ŵanthu aŵa ŵakafuma ku misumba iyi: Tele Mela, Tele Harisha, Kerubu, Adani, na Imere, nangauli iwo kuti ŵakapanikizga nyumba za ŵawiskewokuru chara, nesi fuko lawo kuti likafuma ku ŵa ŵaIsraele.

⁶⁰Ŵanthu aŵa ŵakaŵa ŵa mbumba ya Delayila, ŵa mbumba ya Tobiya, na ŵa mbumba Nekoda, ndipo wose pamoza ŵakaŵa 652.

⁶¹Mu ŵana ŵa ŵasofi ŵakaŵa aŵa: Ŵa mbumba ya Habaya, ŵa mbumba ya Hakozi na Barizilayi (munthu uyo wakatora mwana ŵa Barizilayi wa ku Gileyadi ndipo wakachemekanga na zina leneili).

⁶²Ŵanthu aŵa ŵakapenjerera mazina ghawo mu buku la ndondomeko la ŵawiskewokuru, kweni kuti wakaghasanga chara. Ntheura ŵakaŵawuskapo pa mlimo wa usofi ndipo ŵakaŵapima kuŵa nga mbambula kuphotoka.

⁶³Nduna ya charu yikaŵalangula kuti ŵareke kurya chakurya chakupatulika nkhanira, mpaka musofi uyo wakumanya kuwombeza na Urimu na Tumimu waŵepo.

⁶⁴Wumba wose ukaŵa na ŵanthu 42,360.

⁶⁵Kusazgirapo apo, pakaŵa ŵateŵeti ŵawo ŵanarume na ŵanakazi ŵakukwana 7,337. Pakaŵaso ŵimbi ŵa zisumu ŵanarume na ŵanakazi ŵakukwana 200.

⁶⁶Wakaŵa na mahachi 736, myulu 245,

⁶⁷ngamila 435, ndiposo na mbunda 6,720.

⁶⁸Ŵakati ŵafika ku Nyumba ya FUMU ku Yerusalemu, ŵararaŵarara ŵanji mu mbumba za ŵawiskewo, ŵakapereka vyawanangwa vyawo na mtima wose kuti Nyumba ya Chiuta yizengekeso pa malo ghakhe gha kale.

⁶⁹Kwakuyana na usambazi wawo ŵakapereka ku thumba lakusungiramo chuma makilogiramu 500 gha golide, makilogiramu 2,800 gha siliva, na malaya gha usofi 100 kuŵa vya mlimo uwu.

⁷⁰Ntheura ŵasofi, ŵaLevi, ŵimbi ŵa sumu, ŵalinda ŵa pa chipata na ŵateŵeti ŵa Nyumba ya Chiuta ŵakakhara mu Yerusalemu na mu misumba ya pafupi nawo. Ndipo ŵaIsraele ŵanyakhe wose nawo ŵakakhara mu mizi yawo.