Read new_tumbuka_bible Nehemiya 10 Bible Online

Nehemiya 10 - new_tumbuka_bible bible

Nehemiya 10

¹Sono awo ŵakadindapo vidindo vyawo ndi aŵa: Nehemiya uyo wakaŵa mwana wa Hakaliya, ndiposo Zedekiya.

²Ŵasofi awo ŵakadindapo vidindo vyawo ŵakaŵa aŵa: Seraya, Azariya, Yeremiya,

³Pashuru, Amariya, Malikiya,

⁴Hatushi, Shebaniya, Maluki,

⁵Harimu, Meremoti, Obadiya,

⁶Daniyele, Ginetoni, Baruki,

⁷Meshulamu, Abiya, Miyamini,

⁸Maaziya, Biligayi na Shemaya.

⁹ŴaLevi awo ŵakadindapo vidindo vyawo ŵakaŵa aŵa: Yeshuwa mwana wa Azaniya, Binuyi wa fuko la Henadadi, Kadimiyele.

¹⁰Ndipo ŵabali ŵawo ŵakaŵa aŵa: Shebaniya, Hodiya, Kelita, Pelaya, Hanani,

¹¹Mika, Rehobu, Hashabiya,

¹²Zakuru, Sherebiya, Shebaniya,

¹³Hodiya, Bani na Beninu.

¹⁴Ŵarongozgi ŵa ŵanthu awo ŵakadindapo vidindo vyawo ŵakaŵa aŵa: Paroshi, Pahati Mowabu, Elamu, Zatu, Bani,

¹⁵Buni, Azigadi, Bebayi,

¹⁶Adoniya, Bigivayi, Adini,

¹⁷Atere, Hezekiya, Azuru,

¹⁸Hodiya, Hashumu, Bezayi,

¹⁹Harifi, Anatoti, Nebayi,

²⁰Magipiyashi, Meshulamu, Heziri,

²¹Meshezabele, Zadoki, Yaduwa,

²²Pelatiya, Hanani, Anaya,

²³Hosheya, Hananiya, Hashubu,

²⁴Haloheshi, Piliha, Shobeki,

²⁵Rehumu, Hashabina, Maaseya,

²⁶Ahiya, Hanani, Anani,

²⁷Maluki, Harimu na Baana.

²⁸Ndipo ŵanthu ŵanyakhe awo ŵakaŵa na ŵabali ŵawo awo ŵakaŵa ŵarongozgi ŵakaŵa: ŵasofi, ŵaLevi, ŵalinda ŵa vipata, ŵimbi ŵa zisumu, ŵateŵeti ŵa mu Nyumba ya Chiuta ndipo na wose awo ŵakajipatula ku ŵenecharu chifukwa cha kukhumba kuti ŵarondezge marango gha Chiuta pamoza na ŵawoli ŵawo, ŵana ŵawo, na wose awo ŵakaŵa ŵakumanya kupulikiska.

²⁹Ndipo wose ŵakarapa kuti ŵati ŵarondezgenge Dango la Chiuta leneilo likaperekeka kwizira mwa Mozesi muteŵeti wa Chiuta. Ŵakarapa kuti ŵati ŵapulikirenge marango ghose, maweruzgo ghose na vilayizgo vyose vya FUMU, Chiuta withu, ndipo usange warekenge kurondezga marango, ŵatembeke.

³⁰Ŵakurapa kuti ŵatengweskenge ŵana ŵawo ŵanakazi chara ku ŵanthu ŵa mu charu chira nanga nkhutora ŵana ŵawo ŵanakazi kuti ŵatorane na ŵana ŵawo ŵanarume.

³¹Ndipo para ŵenecharu ŵakwiza na malonda ghawo panji vyakurya vili vyose pa zuŵa la Sabata kuti ŵizakatiguliske kuti tamkugulana nawo chara pa zuŵa lakupatulika. Chirimika chilichose cha chinkhonde na chiŵiri tamkugonekanga minda yithu na kureka kurozga ngongole yiliyose.

³²Tikajimikira marango kuti chirimika na chirimika tiperekenge magiramu ghanayi gha siliva ku mlimo wa mu Nyumba ya Chiuta withu.

³³Tikapangana kuti tiperekenge vya mlimo wa visopo vya mu Nyumba ya Chiuta vinthu ivi: Chingwa kuti chiŵe cha uŵapo wa Chiuta, sembe ya ufu ya zuŵa na zuŵa, viŵeto kuti viŵenge sembe yakocha ya zuŵa na zuŵa, vyawanangwa vya pa maSabata, vya kuthwasa kwa mwezi na viphikiro vyakwimikika. Sembe yakuperekera vinthu vyakupatulika nkhanira. Sembe yakuperekera kuti waphepiskire zakwananga za ŵaIsraele ndiposo na vyawanangwa vyose vya mlimo wa mu Nyumba ya Chiuta withu.

³⁴Ndipo tachita mphenduzgo pakati pa ŵasofi, ŵaLevi ndiposo na ŵanthu kuti tisange mbumba iyo yingamanya kwiza na nkhuni zakochera sembe pa jochero la FUMU, Chiuta withu mu nyumba yakhe pa nyengo zakwimikika, chirimika na chirimika nga ndi umo kuli kulembekera mu marango.

³⁵Tapangana kuti chirimika chilichose tizenge na vuna yakudanga kucha ya kufuma mu minda yithu na vipambi vyakudanga kuphya vya makuni ghose na kwiza navyo ku Nyumba ya FUMU.

³⁶Tapangana, nga ndi umo kuli kulembekera mu marango, kwiza na ŵana ŵithu ŵa uŵere ndiposo na ŵana ŵa uŵere ŵa viŵeto vyithu: ng'ombe, mberere na mbuzi ku Nyumba ya FUMU, ku ŵasofi awo ŵakuteŵetera mu Nyumba ya Chiuta.

³⁷Ndipo ku vipinda vya Nyumba ya Chiuta withu titi tiperekenge ku ŵasofi chingwa kufuma ku vuna yakudanga ya mu minda yithu, vyawanangwa vya vipambi vya makuni ghose na vya vinyo na mafuta. Titi tizengeso na chakhumi cha vuna ya mu munda ku ŵaLevi pakuti iwo ndiwo ŵakuwunjika vya khumi milimo yithu kufuma mu mizi yithu yose.

³⁸Ndipo musofi wakufumira mu mbumba ya Aroni wakaŵenge pamoza na ŵaLevi para ŵaLevi ŵakupokera vya khumi. Ndipo ŵaLevi ndiwo ŵati ŵizenge na chakhumi chira ku Nyumba ya Chiuta withu mu vipinda vya nyumba yakusungiramo chuma.

³⁹Pakuti ŵaIsraele na ŵaLevi ŵakwenera kwiza na vyakupereka ivi vya ufu, vinyo na vya mafuta ku vipinda mwenemumo viteŵetero vya ku Nyumba ya Chiuta vikasungikanga ndiposo uko mukakharanga, ŵasofi, ŵalinda ŵa vipata na ŵimbi ŵa zisumu ŵeneawo ŵakaŵanga pa mlimo. Ndipo ise kuti tamkureka kupwererera Nyumba ya Chiuta withu chara.