Read new_tumbuka_bible Nehemiya 7 Bible Online

Nehemiya 7 - new_tumbuka_bible bible

Nehemiya 7

¹Sono linga likati lamara kuzengeka nkhaŵikako vijaro, ŵalinda ŵa pa vipata, ŵimbi ŵa zisumu, ndipo nkhimika ŵaLevi kuŵa pa milimo yawo.

²Mwana munyane Hanani nkhamuŵika kuŵa wa mazaza mu msumba wa Yerusalemu pamoza na Hananiya uyo wakaŵa murara wa ŵasilikari ku nyumba ya ufumu. Hanani wakaŵa munthu wakugomezgeka na wakopa Chiuta kuruska ŵanyakhe wose.

³Ndipo nkhati kwa iwo, “Mureke kujula vipata vya Yerusalemu mpaka dazi lifume. Apo ŵalinda ŵa pa chipata ŵachali kwimilira penepapo, miryango yiŵe yakupingirizgika. Mwimike ŵalinda kufuma mu ŵanthu awo ŵakukhara mu Yerusalemu kuti ŵalindenge mu malo ghawo ndipo ŵanyakhe ŵalindenge pa nyumba zawo na zawo.”

⁴Msumba wa Yerusalemu ukaŵa usani na ukuru, kweni ŵanthu mukati mwakhe ŵakaŵa ŵachoko ndipo nyumba zikaŵa zindazengeke.

⁵Ntheura Chiuta wane wakakhuŵirizga mu mtima wane kuti ndiwunganye nduna, ŵarongozgi na ŵanthu ŵanyakhe wose kuti ŵalembeke nyumba na nyumba. Ndipo nkhalisanga Buku la mundandanda wa miwiro ya awo ŵakamba kwiza kufuma ku umikori. Awo ŵakalembeka ŵakaŵa ntheura:

⁶Aŵa ndiwo ŵamikori awo ŵakaŵa mu charu cha Babuloni ŵeneawo ŵakawerako ku umikori uko Nebukadinezara, karonga wa charu chira wakaŵatorera umikori. Ŵakawerera ku msumba wa Yerusalemu na ku charu cha Yuda, waliyose ku muzi wakhe na wakhe.

⁷Ŵakiza pasi pa ŵarongozgi aŵa: Zerubabele, Yeshuwa, Nehemiya, Azariya, Raamiya, Nahamani, Morodekayi, Bilishani, Misipara, Bigivayi, Nehumu na Baana. Unandi wa ŵaIsraele ukaŵa ntheura:

⁸Ŵa mbumba ya Paroshi ŵakaŵa 2,172.

⁹Ŵa mbumba ya Shefatiya ŵakaŵa 372.

¹⁰Ŵa mbumba ya Ara ŵakaŵa 652.

¹¹Ŵa mbumba ya Pahati Mowabu kwizira mwa Yeshuwa na Yowabu ŵakaŵa 2,818.

¹²Ŵa mbumba ya Elamu ŵakaŵa 1,254.

¹³Ŵa mbumba ya Zatu ŵakaŵa 845.

¹⁴Ŵa mbumba ya Zakayi ŵakaŵa 760.

¹⁵Ŵa mbumba ya Binuyi ŵakaŵa 648.

¹⁶Ŵa mbumba ya Bebayi ŵakaŵa 628.

¹⁷Ŵa mbumba ya Azigadi ŵakaŵa 2,322.

¹⁸Ŵa mbumba ya Adonikamu ŵakaŵa 667.

¹⁹Ŵa mbumba ya Bigivayi ŵakaŵa 2,067.

²⁰Ŵa mbumba ya Adini ŵakaŵa 655.

²¹Ŵa mbumba ya Atere kwizira mwa Hezekiya ŵakaŵa 98.

²²Ŵa mbumba ya Hashumu ŵakaŵa 328.

²³Ŵa mbumba ya Bezayi ŵakaŵa 324.

²⁴Ŵa mbumba ya Harifi ŵakaŵa 112.

²⁵Ŵa mbumba ya Gibeyoni ŵakaŵa 95.

²⁶Ŵanthu ŵa muzi wa Betelehemu na ŵa mu Netofa ŵakaŵa 188.

²⁷Ŵanthu ŵa muzi wa Anatoti ŵakaŵa 128.

²⁸Ŵanthu ŵa muzi wa Beti Azimaveti ŵakaŵa 42.

²⁹Ŵanthu ŵa muzi wa Kiriyati Yeyarimu, wa Kefira na wa Beyeroti ŵakaŵa 743.

³⁰Ŵanthu ŵa muzi wa Rama na Geba ŵakaŵa 621.

³¹Ŵanthu ŵa muzi wa Mikimashi ŵakaŵa 122.

³²Ŵanthu ŵa muzi wa Betele na Ayi ŵakaŵa 123.

³³Ŵanthu ŵa muzi unyakhe wa Nebo ŵakaŵa 52.

³⁴Ŵanthu ŵa muzi unyakhe wa Elamu ŵakaŵa 1,254.

³⁵Ŵanthu ŵa muzi wa Harimu ŵakaŵa 320.

³⁶Ŵanthu ŵa muzi wa Yeriko ŵakaŵa 345.

³⁷Ŵanthu ŵa muzi wa Lodi, wa Hadidi na wa Ono ŵakaŵa 721.

³⁸Ŵanthu ŵa muzi wa Senaya ŵakaŵa 3,930.

³⁹Ŵasofi ŵakaŵa aŵa: Ŵa mbumba ya Yedaya, wa mphapu ya Yeshuwa. Iwo ŵakaŵa 973.

⁴⁰Ŵa mbumba ya Imere ŵakaŵa 1,052.

⁴¹Ŵa mbumba ya Pashuru ŵakaŵa 1,247.

⁴²Ŵa mbumba ya Harimu ŵakaŵa 1,017.

⁴³ŴaLevi ŵakaŵa aŵa: Ŵa mbumba ya Yeshuwa, uyo ndi Kadimiyele wa mphapu ya Hodeva ŵakaŵa 74.

⁴⁴Ŵimbi ŵa zisumu ŵakaŵa aŵa: Ŵa mbumba ya Asafu ŵakaŵa 148.

⁴⁵Ŵalinda wa pa vipata awo ŵakawerako ku umikori ŵakaŵa aŵa: Ŵa mbumba ya Shalumu, Atere, Talimoni, Akubu, Hatita na Shobayi ŵakaŵa 138.

⁴⁶Ŵateŵeti ŵa mu Nyumba ya Chiuta awo ŵakawerako ku umikori ŵakaŵa aŵa: Ŵa mbumba ya Ziha, ŵa mbumba ya Hasufa, ŵa mbumba ya Tabawoti.

⁴⁷Ŵa mbumba ya Kerosi, ŵa mbumba ya Siya, ŵa mbumba ya Padoni.

⁴⁸Ŵa mbumba ya Lebana, ŵa mbumba ya Hagaba, ŵa mbumba ya Shalimayi.

⁴⁹Ŵa mbumba ya Hanani, ŵa mbumba ya Gidele, ŵa mbumba ya Gahara.

⁵⁰Ŵa mbumba ya Reyaya, ŵa mbumba ya Rezini, ŵa mbumba ya Nekoda.

⁵¹Ŵa mbumba ya Gazamu, ŵa mbumba ya Uza, ŵa mbumba ya Paseya.

⁵²Ŵa mbumba ya Besayi, ŵa mbumba ya Meyunimu, ŵa mbumba ya Nefushesimu.

⁵³Ŵa mbumba ya Bakibuki, ŵa mbumba ya Hakufa, ŵa mbumba ya Harihuru.

⁵⁴Ŵa mbumba ya Baziliti, ŵa mbumba ya Mehida, ŵa mbumba ya Harisha.

⁵⁵Ŵa mbumba ya Barikosi, ŵa mbumba ya Sisera, ŵa mbumba ya Tema.

⁵⁶Ŵa mbumba ya Neziya, ndiposo na ŵa mbumba ya Hatifa.

⁵⁷Mbumba ya ŵateŵeti ŵa Solomoni awo ŵakawerako ku umikori ŵakaŵa aŵa: Ŵa mbumba ya Sotayi, ŵa mbumba ya Sofereti, ŵa mbumba ya Perida.

⁵⁸Ŵa mbumba ya Yaala, ŵa mbumba ya Darikoni, ŵa mbumba ya Gidele.

⁵⁹Ŵa mbumba ya Shefatiya, ŵa mbumba ya Hatili, ŵa mbumba ya Pokereti Hazebayimu na ŵa mbumba ya Amoni.

⁶⁰Ŵateŵeti ŵa Nyumba ya Chiuta pamoza na ŵa mbumba za ŵateŵeti ŵa Solomoni ŵakaŵa 392.

⁶¹Ŵanthu ŵanyakhe awo ŵakawerako ku umikori kufumira mu mizi ya Tele Mela, Tele Harisha, Kerubu, Adoni na Imere, kweni kuti ŵakamanya kurongora nyumba za ŵawiskewokuru panji mbumba zawo chara, usange ŵakaŵa ŵaIsraele panji chara ŵakaŵa aŵa:

⁶²Ŵa mbumba ya Delayila, ŵa mbumba Tobiya na ŵa mbumba ya Nekoda, wose ŵakaŵa 642.

⁶³Ndiposo ŵasofi ŵeneawo kuti ŵakamanya kurongora nyumba za ŵawiskewokuru panji mbumba zawo chara ŵakaŵa aŵa: Ŵa mbumba ya Habaya, ŵa mbumba ya Hakozi ndiposo na ŵa mbumba ya Barizilayi (mweneuyo wakatora yumoza wa ŵana ŵanakazi ŵa Barizilayi wa ku Gileyadi ndipo wakatora zina la wiskevyara).

⁶⁴Ŵeneaŵa ŵakapenja mazina ghawo mu buku leneilo ŵakalembamo miwiro yawo, kweni ŵakaghasanga chara. Ntheura ŵakawuskikako kuti ŵapimike kuŵa ŵasofi kweni kuŵa nga mbanthu ŵambula kuphotoka.

⁶⁵Nduna ya charu yikaŵakanizga kurya chakurya chakupatulika nkhanira mpaka paŵe musofi mweneuyo wakuteŵeta uku wavwara Urimu na Tumimu.

⁶⁶Wumba wose wa ŵanthu awo ŵakawerako ku umikori ukaŵa 42,360.

⁶⁷Pa dera pa iwo, pakaŵa ŵateŵeti ŵanarume na ŵanakazi ŵakukwana 7,337 ndipo pakaŵaso ŵimbi ŵa zisumu ŵakukwana 245, ŵanarume na ŵanakazi.

⁶⁸Mahachi ghakaŵa 736, myulu zikaŵa 245.

⁶⁹Ngamila zawo zikaŵa 435 ndipo mbunda zawo zikaŵa 6,720.

⁷⁰Ŵanthu ŵanji awo ŵakaŵa ŵararaŵarara mu mbumba za ŵawiskewo ŵakapereka vyuma vyakovwira pakuzenga Nyumba ya Chiuta. Nduna ya charu yikapereka ku chakusungiramo vyuma ndarama za golide zakukwana makilogiramu ghankhonde na ghatatu. Ŵabakule wa Nyumba ya Chiuta ŵakukwana 50. Malaya gha ŵasofi ghakukwana 530.

⁷¹Ŵararaŵarara ŵanyakhe mu mbumba za ŵawiskewo ŵakapereka vyuma vya makilogiramu 168 gha ndarama za golide ndiposo vya makilogiramu 1,250 gha ndarama za siliva.

⁷²Ndipo ŵanthu ŵanyakheso nawo ŵakapereka ndarama za golide zakukwana makilogiramu 168 ndipo za siliva ŵakapereka za makilogiramu ghakukwana 140 na malaya gha ŵasofi ghakukwana 67.

⁷³Ntheura ŵasofi, ŵaLevi, ŵalinda ŵa pa vipata, ŵimbi ŵa zisumu ndiposo na ŵateŵeti ŵa mu Nyumba ya Chiuta, ŵanthu ŵanji pamoza na ŵaIsraele wose ŵakakhara mu mizi yawo. Pakukwana kwa mwezi wa chinkhonde na chiŵiri ŵaIsraele wose ŵakaŵa ŵakhazikika mu mizi yawo.