Read new_tumbuka_bible Esitere 7 Bible Online

Esitere 7 - new_tumbuka_bible bible

Esitere 7

¹Ntheura karonga na Hamani ŵakanjira kuti ŵarye chiphikiro pamoza na Fumukazi Esitere.

²Ndipo apo ŵakamwanga vinyo pa zuŵa la chiŵiri la chiphikiro, karonga wakafumbaso kuti, “Iwe Fumukazi Esitere, kasi nchinthu uli icho ukukhumba kuromba? Ine nditi ndikupenge. Nchinthu uli icho ukukhumba kuti ndikupe, ine nditi ndikupenge nanga ndi hafu wa ufumu wane.”

³Penepapo Fumukazi Esitere wakazgora wakati, “Usange nkhumukondweskani imwe, mwe karonga ndipo usange nchiweme kwa imwe karonga, kuromba kwane nkhwakuti muwusunge umoyo wane ndipo khumbo lane ndakuti musunge umoyo wa ŵanthu ŵa fuko lane.

⁴Pakuti taguliskika ine na ŵanthu ŵa fuko lane kuti ŵatikome na kutimara tose petu. Usange tiguliskikenge waka nga ndi ŵazga ŵanarume na ŵanakazi, mphanyi ndayowoyapo kanthu chara pakuti visuzgo vinthu kuti vingayerezgeka na kwananga karonga wati ŵaŵenge nako chara.”

⁵Karonga Ahasuweru wakafumba Fumukazi Esitere kuti, “Kasi ndi njani ndipo walinkhu mweneuyo wali na chikanga mu mtima wakhe kuti wachite chinthu cha ntheura?”

⁶Esitere wakazgora wakati, “Munthu wa chimphindikwa na ise ndiposo murwani withu ndi munthu uyu muheni Hamani.” Penepapo Hamani wakatenthema chomene panthazi pa karonga na fumukazi.

⁷Kweni karonga wakuwukapo pa chiphikiro mu ukari ndipo wakaruta ku munda wa nyumba ya ufumu. Kweni Hamani pakuwona kuti karonga wakumughanaghanira chinthu chiheni, wakiza kunyuma kwa Fumukazi Esitere kuti waŵeyerere kwa iyo mwakuti wathaske umoyo wakhe.

⁸Ndipo apo karonga wakawerangako ku munda wa pa nyumba ya ufumu kura kwiza pa malo gha chiphikiro wakawona apo Hamani wakawiranga pa chitengo cha kuwowofoka icho Esitere wakakharapo. Karonga wakachemerezga kuti, “Kasi munthu uyu wachichizgenge kugona na fumukazi wuwo mu nyumba yane apo ine nkhuwona?” Karonga wakati wamara waka kuyowoya, nthunguli zikabenekerera chisko cha Hamani.

⁹Penepapo Haribona yumoza wa zinthunguli za kuteŵetera karonga wakati, “Hamani wali kwimika khuni pafupi na nyumba yakhe utali wakhe liri mamita 23, pa leneilo wakatenge wapayikepo Morodekayi mweneuyo nyengo yimoza wakathaska karonga.” Penepapo karonga wakati, “Kamupayikeni pa khuni leneilo.”

¹⁰Ntheura wakamupayika Hamani pa khuni leneilo wakanozga kuti wapayikepo Morodekayi. Penepapo karonga wakatuna mu mtima wakhe.