Read new_tumbuka_bible Yobe 17 Bible Online

Yobe 17 - new_tumbuka_bible bible

Yobe 17

¹“Mtima wane wasweka, mazuŵa ghane ghamara, dindi nalo likulindirira.

²Nadi ŵakundihoya ŵalipo uku na uku, nkhulaŵiska umo ŵakundihoyera mu msinjiro.

³“Imwe mwekha Chiuta, muŵe chikhole chane, kasi ndi njani munyakhe uyo wangandivikirira?

⁴Imwe mwajara maghanoghano ghawo, kuti ŵareke kupulikiska. Mungaŵazomerezganga chara kuti ŵatonde.

⁵Usange munthu wakwendera mphiska ŵabwezi ŵakhe, chifukwa cha njombe, maso gha ŵana ŵakhe ghati ghaburumutizgike.

⁶“Imwe Chiuta mwandizgora kuŵa wakusekeka na ŵanthu wose, ndine uyo ŵanthu ŵakufunyira mata para ŵandiwona.

⁷Chitima chandizgora ine kuŵa wachiburumutira, thupi lane lose laghanda kuŵa nga ndi muzgezge.

⁸Awo mbarunji, ŵakuzukuma na cheneichi. Ŵambula kafukwa ŵakuŵaphyira mtima awo mbambula kopa Chiuta.

⁹Ndipouli ŵarunji ŵakudemerera ku nthowa zawo, awo ŵandakolepo kaheni, ŵakukulirakulira mu nkhongono.

¹⁰“Kweni imwe mose, zaninge kuti muyezgeso, kuti ndisangengepo na yumoza wa imwe wa mahara chara.

¹¹Mazuŵa ghane ghajumphapo, ivyo nkhanozgera kuchita vyatondeka, ntheura pera na makhumbiro gha mtima wane.

¹²Ŵabwezi ŵane aŵa ŵakuzgora usiku kuŵa na muhanya, iwo ŵakuti ungweru ukulingana waka na mdima,

¹³Usange nkhugomezga malo gha ŵakufwa kuŵa nyumba yane, uko ndamkutandika mphasa yane mu mdima,

¹⁴usange ku dindi ndiko nkhuti, ‘Iwe ndiwe dada’, ndipo ku mphorozi nkhuti, ‘Iwe ndiwe mama’ panji ‘Ndiwe mudumbu wane,’

¹⁵kasi sono chigomezgo chane chili nkhu? Kasi ndi njani wati wandiwonere chigomezgo ichi?

¹⁶Kasi chiti chikhilire ku mphingirizgo za malo gha ŵakufwa? Kasi titi tirute pamoza na charu cha fuvu?”