Read new_tumbuka_bible Yobe 18 Bible Online

Yobe 18 - new_tumbuka_bible bible

Yobe 18

¹Penepapo Bilidadi wa ku la Shuwa wakazgora wakati,

²“Kasi iwe Yobe, urekenge pauli kuyowoya? Languruka, ndipo penepapo nase titi tiyowoye.

³Kasi nchifukwa uli ukutipima nga ndi ng'ombe, nchifukwa uli ukutipima vindere panthazi pako?

⁴Iwe ukujipweteka waka wamwene mu ukari wako, kasi charu chingarekeka chifukwa cha iwe? Panji, kasi jarawe lingasezgeka pa malo ghakhe chifukwa cha iwe?

⁵“Nadi ungweru wa muheni uti uzimyike, ndipo dimi la moto wakhe kuti likuŵala chara.

⁶Ungweru wa mu hema lakhe ukuzgoka kuŵa mdima, ndipo nyali iyo yili pafupi nayo yikuzimya.

⁷Kwenda kwakhe kwa nkhongono kukugowozgeka, ivyo wakunozgera kuchita vikumuwiskira pasi.

⁸Pakuti muheni wakuwira mu ukonde na malundi ghakhe, para wakuti wawukemo wakuwira mu mbuna.

⁹Musampha ukumukora chitende, chipingo nacho chikumukora.

¹⁰Chingwe cha musampha chabisika pasi, chipingo chathyeka pa nthowa yakhe.

¹¹“Vyakofya vikumuchiruska uku na uku, vikumurondezga pamanyuma pakhe.

¹²Nkhongono zakhe zamara chifukwa cha njara, soka likumulindirira kuti wakhuŵaremo.

¹³Nthenda yikumara thupi lakhe. Wa uŵere wa nyifwa wakuvundiska malundi na mawoko ghakhe.

¹⁴Wafumiskika mu hema lakhe ilo wakagomezganga, watoreka kuya kwa karonga wa vyakofya.

¹⁵Mu hema lakhe mukukhara ivyo nvyakhe chara. Moto wa sulufure ukutandazgika umo wakukhara.

¹⁶Misisi yakhe yikomira kusi, ndipo minthavi yakhe yikufota muchanya.

¹⁷Iyo kuti wakukumbukikaso mu charu chara, zina lakhe likumara mu charu.

¹⁸Wakufumiskika mu ungweru na kuponyeka mu mdima, ndipo wakuwuskikamo mu charu cha ŵamoyo.

¹⁹Walije mwana panji muzukuru mu ŵabali ŵakhe. Palije wa moyo na yumoza mu charu icho wakakharangamo.

²⁰Ŵanthu ŵa ku manjiliro gha dazi ŵakuzukuma, chifukwa cha soka lakhe, ŵa ku mafumiro gha dazi nawo ŵakukoreka na chitenthe.

²¹Nadi, ivi ndivyo vikuwira awo mbaheni, uku ndiko kumara kwa uyo wakureka kumumanya Chiuta.”